TITUT 1:11 - Ala Ane Wene Ket Mene Warogo Wo'ninapike Wene

¹¹ Atì'nogo lalinapì logolìk, yì mene tì mene inokawerek en sabùrasak lek mene sabùrùogolùk, yakùlisasak lek meneat yakùlisìkì logolìk, apùnì logolegat inagainapùrì inomat lalinabì'lùgì atì, it inane atì sebelogo pelaksano o.

TITUT 1:11 ပူးပေါင်းရင်းမြစ်များ

2 TIMOTÌÙT 3:6

Hìmì he'na yì mene tì mene ina'la nen walok akìlìk, weak haga'lùk inetaùken ekin logolìgat, wene yakùlho motok welagaikarek meneat he, ebe wene tùkùm hogo wanùhùgat were'ma, it ap inoabùt atì'nogo hagarì'lùgì mene atì nen, hìmì atì inauakwo inabusak kìlìk, inane ba lalinabìk he, inebe hele warogo negen haksìlì'lùgì atì.

ÙRÙM 3:19

Wene Ala nen ninasuk wasike wene atì, it hologo logousak mene nek yogoisasike, ìlùk nit ninelu. Ala aligat en apùnì o yì awì tì awì obogat ùkùm inoba hìgìk, kotìk, ikenem, at aike nen ùkùm oba korasak mea asuagalùk ninasuk wasike atì.

TITUT 3:10

It aike nen, Ala againapùrì mene it-it inom weak asuagalùk, hagarì'lùgì mene atì, inasuk emakum warìk he, hobuk wa'no. Atì'nogo wasigin mene, inasuk holhì'lek halok, hinom hutik logogùp o.

TITUT 1:9

Wene apùnì hanorinaperek wene yakùlisìkì logolìk inasuk hanorogo watìk, at en ebe wene ikenem, it aike nen, at ane sagalogo hagatenem, at en inane elok sagalogo hisìgìk, elogat ìkì logouagalùk, wene nit en yakùlesugumo, eberogoat ìlùk wanhìkesik, oabùt higit hogoat ning hogo hesogo welagarek mene halok menhousak o.

TITUT 1:7

Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

2 KORÌTÙT 11:10

Atì'nogo hagatì logogin ìlùk, na'la hai hakìkì logolìk hogorakìkì lagì mene atì, apùnì o Akaya atoma mene aike nen nane masusak mea, ìlùk Karìsùt ane ebe wene na'la logolìk eberogoat ìgì o.

LUKAT 20:40

it aike nen, hinok wanu inayùk agaikomo re, hinok wanhì'lek kamo isukwa.

YOHANET 10:12

At atì'nogo akikerek meneat he, at ap aike wam topa wam esewerek mene lek. At ako hùk. At we, oko wogosuagalùk serogo were'ma yeke lo yeke waganem eileken lakhalùk, wam topa warn heraksalùk hese lagare'ma re, yeke lo yeke a'nogo nen wam amanogo aik en aroromethìgìk woginabigìlùk sìk hogo mùk hogo pùgùlogo wulaksikerek.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

1 TIMOTÌÙT 5:4

Atì'nogo meneat he, it soge mene atì ineagwì, inagonabì tagomakwe mene aike werek halok he, it atì nenat, “Nit ninebe ero omakeat en tago mene,” ìlùk, it en hagasusak mene yakùluak. Ati re, at Ala a'la nen he, “An nawe a'ma logolìk, inopaselak en kùlinapì lagaukwa hak, oko it tak hanorogo leberisìkì logousak o,” ìlùk a'la walok akikerek atì nen he, atì'nogoat leberisìkì logouak.

1 TIMOTÌÙT 5:13

Atì'nogo hagatì logolìk, inoabùt he, ineki wanùhùk o kùlùk ya ha'lagìk negarek. Atì'nogo nìkì logolìk he, aike weak motok mel hagarì'lùgì. Inane hùsipi weak ìkì logolìk it aike inawene meneat talepogoke ìgìk, wene aike usak lek mene hanogoat mene ìgìk, ilik nùgì atì.

2 TIMOTÌÙT 2:18

ebe wene heraksalùk kwanìrogo wùlìbìk, it en he, “Ala nen apùnì warek mene inelugurinabigin ìlùk abok isike a'nogo arat haga'lagama yì,” ìlùk, it aike yogoisikenem, inetaùken Ala oba hìpìrìk werek mene weagarinabì'lùgì atì.