TITUT 1:10 - Ala Ane Wene Ket Mene Warogo Wo'ninapike Wene

¹⁰ It apùnì aike logolegat ebe wene hologo higit hogo hagatì'lek hagarì'lùgì atì. Atì'nogo hagarì'lùgì atì, inebe hùkokwe re, it Yahuri inogat inekalìma mene palek mene, hano wene wanhukwasik enat he, hobuk ebe wene le'maat, we, tùlemat apùnì inawene mene ìkì logolìk, it aike lalinabì'lùgì atì.

TITUT 1:10 ပူးပေါင်းရင်းမြစ်များ

1 TIMOTÌÙT 1:6

Mene re, it aike nen inoabùt hano hagatarek atì mene hagatì lagaikaresik en heraksalùk kwanìrogo tùlemat lek asigin mene atìat ìkì logolìk, inokawerek enat nong akìlì'lùgì atì.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

LAKSASIKE 11:2

Atì'nogo holhukwasik were'ma nen, at Peterùt ebe hobuk Yerusalem pikenem he, it apùnì inogat inekalìma mene palek logolìk inetaùken Yesùt oba hìpìrethesukwa mene amanogo nen wenagasukwa.

ABÌKAKAN 2:14

Atì'nogo meneat he, wene hamùlùgat aike an nabìt mene hagatì lagep mene atì yogohisak o. Hageat apùnì Isirael mene inebe weak asuagalùk, wam tùgì ako warek mene kùrìk nìkìk, pailak haksìgìk, uagalùk, ap Pileam en Palak yakùlesikomo, at en ina'la kagalhì lagaike mene atì, hit aike at awene atì hesogo welagep hisìgì.

ABÌKAKAN 2:6

Atì'nogo meneat he, it aike ap Nikolaùt oabùt waganogo hagatenem, an napsìrì hisìgìrek hagat, hit hinapsìrì hisìkì lagep atì nek he, hano o.

1 YOHANET 2:18

Nagainapùrì e. O yogotak he, elùgùn oba welago o. Apùnì aike nen he, “Hobuk ap agaike Karìsùt eperak motok weak mene wesigin,” ìlùk yogohisasukwama, hinasuk holhigip atì hak, o yogotak he, Karìsùt inom weak mene inebe apik arat weinam agaikasik werek atì nen he, nit en, “O yogotak eberogoat elùgùn oba welago,” ìlùk ninetawì wekelarìk hùthìkì lago.

2 TIMOTÌÙT 4:4

It atì ebe wene atì ikenem inesako labethìlìk, wenesuayo pìlìngìtarek wene atì pìlìngìtenem enek he, inesako lang hogo holhì logogun atì.

1 TIMOTÌÙT 1:4

It atì nen he, wenesuayo inera nen lìbìlogo pìlìngìtìk, Ninebe atì'nogo ta'larik wagagu, ìlùk wenekomane ero ba nen palhìgì'legat pìlìngìrìk motok lagìk, ìlì'lùgì atì mene ba inetaùken eberek motok logoinogo nen, ìgì'lek heraksoagalùk inasuk wa'noat,” ìlùk yogohesigi akìgì. Wane atì mene ikenem, ebe wene ninetaùken Ala oba hìpìrethìlìk were'ma, at en hano'ninabigin atì mene hùko agarek lek o. We, elùgùn oba inane hùkoat sagalharek atì.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

LAKSASIKE 20:29

Mene re, yeke lo yeke anini weak mene nen wam herakhìgì'lek motok nikerek atì hak, an nebe lìlì'mo nen, it aike nen Ala againapùrì hit en serisek welagep mene atì weagarinabi ki wesugun mene werek o, ìlùk an nelu.

LAKSASIKE 15:1

Ap aike o Yurea nen o Atiokia wagaukwasik he, Ala againapùrì atoma mene wene mel ìlùk yakùlisasukwa; “Hit he, wene Musa nen, Yì'nogo, tì'nogo hagatì logousak ìlùk yogonisasike wene atì higit hogo re, hinogat hinekalìma mene palhinapì'lek halok he, hinebe Ala nen telhinabusak lek o,” ìlùk yakùlisasukwa.

LAKSASIKE 15:24

“Ap nit mene aike hit hinoba wagaikasik he, nit en, Wene tì'nogo yogoisa lani, ìlùk laksa wagì'lek meneat he, it en hit yogohisìkì logolìk, hina'la weagathinapìk, kolothinapìk, ega o, ìlùk apùnì nen egama ninasuk holho o.

1 TIMOTÌÙT 1:9

Eberogoat he, wene Ala nen ninasuk wasike wene atì, apùnì higit hogo hagatarek mene hesik isike hùk. We, apùnì inasuk ware'lek holùhùk hagatarek mene mel, Ala inabìt logolìk weak hagatarek mene mel, inebe Ala hesik hisìgì'lek Ala ane sagalogo hagatarek mene mel, inopase inagosalak inebe motok inoatarek mene mel, apùnì aike yùgùnat inebe motok inoatarek mene mel,

TITUT 1:6

Apùnì Ala againapùrì aike serisek logouagalùk menhisasak atì re, inoabùt he, yì hake mene menhisasak. Apùnì aike nen, “At weak,” ìlùk ùkùm oba hili'lùgì lek mene halok, agwe omakeat waganek mene halok, againapùrì inetaùken Ala oba hìpìrìk welagaikarek mene halok, it aike nen ìkì logolìk, “Ap yì againapùrì inasuk ware'lek yùgùnat hagarì'lùgì atì ninabìt,” ìlùk, abok palì'lùgì lek mene halok, menhousak o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

MATÌÙT 23:14

Hit ap Ala ane helal waganek esewerek mene mel, Parisi mene mel, hinogat oba nek hano salek hinetaùken pìre yì rì! Ala nen weagathinabigin o. Hit he, hìmì soge mene inawì wurìk mel, inagarok mel, sebelìkì logolìgat he, apùnì nen, inasuk holìk, It hano, ìlùk akoagalùk sapan uan-aban lìthalùk lagasep atì'nogo hagatì'lek logoilepma re, Ala nen ùkùm hamùlùgat hinoba hìlìk logoilep. Mene re, atì'nogo hagatesep atì nen, ùkùm ekin mene hinoba hìlìk weagathinabigin o.