PILIPI 4:9 - Ala Ane Wene Ket Mene Warogo Wo'ninapike Wene

⁹ Wene an nen yogohisikenem hinasuk holhìk, an hagatenem hineileken nììgìk, ìkì logolìk, wene wanhìgisip en yakùlasigip mene a'nogo higit hogoat hagatì logoino. Atì'nogo hagatenem he, Ala ninetaùken hapuguthiaikerek mene a'nogo nen hakhisek logogin o.

PILIPI 4:9 ပူးပေါင်းရင်းမြစ်များ

YAKOBÙT 1:22

Wene Ala ane atì hinasuk enek holìk kamo umo re, hinokawerek en lalogoin atì nen, hinasuk holìk, tùkùm hogo hagatì logoino o.

PILIPI 3:17

Nerùgì nagaiya'lak. Hit hinoabùt an hagatì lagì hak, noabùt waganogo, atì'nogoat hagatì logolìk, it apùnì aike nen nit ninoabùt waganogo hagarì'lùgi mene atì, hineileken woginapì logoino.

2 PETERÙT 1:10

Atì nen he, nerùgì nagaiya'lak. Hinebe Ala nen wenakhinabìk, hinayoko hesike atì re, eberogoat haga'lasuagalùk, hit en akiluk hogo hinomamerogo hagatì logoino. Atì'nogo hagatì logogun halok, hinetaùken Ala ha hìpìrìk mene heraksalùk wùlùbugun lek o.

YOHANET 13:17

An nen wene yogohisìgì atì hinelu arìk hagatì logogun halok he, hina'la hai hakìkì logogun o.

PILIPI 4:7

Atì'nogo yogotì logogun halok, Karìsùt Yesùt hinom hutik welagasep atì nen, at Ala nen apùnì nen hùthasak lek mene elalinat hinetaùken hapuguthinabìk he, wenesùgì ebetì lagep mene atì, at enat sebelogo hakhisek logogin o.

ÙRÙM 16:20

At Ala apùnì inetaùken hapuguthikerek mene a'nogo nen, at Ibilit atì hinesok en al lebelogo heraksoagalùk hepogat hinawe a'ma hei wesigin werek o. Ninoe Etagepogot Yesùt oabùt hano a'nogo nen sethisek logouak o.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

LUKAT 6:46

Atì'nogo yogoisasikesik he, aike mel yogoisasike: “Hit an nen yogohisìkì lagì mene hagatì'lek logolìgat he, Noe, noe, ìlùk nenahalok yogonetì lagep.

MATÌÙT 7:21

Atì'nogo yogoisasikesik, mel yogoisasike: “Hit apùnì nen, an yogonetì logolìk he, Ninoe, ninoe, ìlùk ìkì lagep atì ba hinebe obogat, an nopase pogot oba mene awe a'ma hisikere'ma atoma kugun lek. We, it aike, at Ala a'la akikerek mene higit hogo hagarì'lùgì mene atìat ki logoin o.

2 TESALONIKA 3:4

Hakhisek were'ma, nit nina'la nen he, “It en he, nit en it inasuk watì lagagu mene a'nogo, yogotak higit hogo hagatìk, hobuk atì'nogo hagatìk, ìkì logogun o,” ìlùk ninoe Etagepogot ninom hutik logolìk eberogoat akìkì lago.

1 TESALONIKA 1:6

Hit yì aik tì aik hagathinapo kolegat he, hina'la hai hakìkì logouagalùk Ala Areagùn nen hina'la kagalhìkomo, hai hakìkì logolìk, hano wene wanhìsigip he, nit ninoabùt wanhìk, ninoe Etagepogot oabùt wanhìk, isigip atì.

1 TESALONIKA 5:23

Atì'nogo were'ma, at Ala ninetaùken hapuguthiaikerek mene a'nogo nen, hinebe abireke okawerek hesik hakìlìk logouak o. Were'ma, ninoe Etagepogot ebe waganem, hinetaùken mel, hinebe mel, hinoabùt mel, ùkùm hinoba housak motok lek tegelek were'ma wesuak en, at enat hakhisek logouak o.

ÙRÙM 15:33

Ala nen apùnì inetaùken hapuguthikerek mene a'nogo, hit obogat hakhisek logouagalùk, ìkì logolìk, “Ebe asuak,” u hak, “Amin,” ìlùk ìgì atì.

YOHANET 2:5

Atì'nogo yogosike meneat he, at agosa nen, it he ita esewerek inatitigeke mene mel yogoisasike: “At en, Yì'nogo haga'ni, ike halok he, at igin mene atìat haga'no,” ìlùk yogoisasike.

LUKAT 8:21

at Yesùt en he, mel yogoisasike: “An nagosa nagoromì atì re, apùnì Ala ane inasuk holharesik he, higit hogo hagatarek mene atìat o,” ìlùk yogoisasike.

1 TESALONIKA 2:14

Nerùgì nagaiya'lak. It Ala againapùrì aike Karìsùt Yesùt inom hutik logolìk, o Yurea atoma atogorì'lùgì mene, inokawerek inagaiya'lak Yahuri mene nenat yì aik tì aik hagarinapì lagaukwa hagat, hit hinagaiya'lak mene nenat yì aik tì aik hagathinabì'lùgì o.

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

LAKSASIKE 9:6

Hebe mela'lùk he, o kota arì lìlìk kìno. Kikenem ap aike nen, Hat tì'nogo haga'no, ìlùk yogohesigin mene werek o,” ìlùk yogotenem,

2 TIMOTÌÙT 4:22

Ninoe Etagepogot setharek hetaùkenma logolìk he, at oabùt hano a'nogo nen, hinebe obogat hakhisek logouak o.

YOHANET 15:14

Nen, an nen hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, nane hologo hagatì logogun halok he, hit an nagaiya'lagat o.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

MATÌÙT 1:23

At atì nen he: “Helekerek aike omalik a'ma arìk he, eak abat takegein o. Ta'laga halok he, nit ninane ba, Ala ninom welago, u hak, etage Imanuel ìkì logagun,” ìlùk helal waganogo hesike mene higit hogoat haga'lagaike atì.

1 KORÌTÙT 4:16

Atì nenat, “An noabùt wanini o,” ìlùk nane ning hogo hinasuk watì lagì o.