PILIPI 4:6 - Ala Ane Wene Ket Mene Warogo Wo'ninapike Wene

⁶ Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

PILIPI 4:6 ပူးပေါင်းရင်းမြစ်များ

1 PETERÙT 5:7

Ala hinebe etawì atì nen, hit yì mene tì mene hesik hina'la wenesùgì uan horo ebetì lagep atì heraksìlìk he, hinetaùken at oba hìpìrethìlìk logoino o.

MATÌÙT 6:8

Hit he, it inoabùt wanhùp o. Hinopase Ala pogot oba mene atì oan kìno yogotì'lek werek kolek he, hit walok mene atì, hageat elu welagarek o.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

LUKAT 18:1

Atì'nogo yogoisasikesik he, at Yesùt en agoromì ane wanhì lagaukwa mene amanogo sapan ìkì logopik ina'la pùk arìk herakhìgì'lek, hutik-hutigat ìkì logouagalùk, wene aike oba lìrogo mel yogoisasike:

LUKAT 12:22

Atì'nogo yogoisìlìk, at agoromì ane wanhì lagaukwa mene amanogo mel yogoisasike: “An nen atì'nogo yogohisìgì atì nen, hit hina'la nen he: Nineluk logouogolùk he, ninapùrùk kì mene nogoin. Ninasu kì mene laberogoin, ìlùk, hinalabut hìrogo wenesùgì uan horo ebetì logoinogo ìlùk yogohisìgì.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.

EPESÙT 5:20

Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

LUKAT 10:41

at Yesùt en he, mel yogosike: “Mareta. Hat he, yì mene tì mene hesik halabut hìrogo seget apik hagatì lagen hìgì. Meneat he, wene omakeat mene hagasusak werek kolegat he, hat en yì mene tì mene hagatì lagen. Hagot Maria yì re, wene hano mene omakeat atìat weteberogo eserakikesi'mo re, Heraksan ìlùk yogosusak motok mea o,” ìlùk yogosike.

LUKAT 18:7

Atì hake, at Ala nen againapùrì weteberogo hisasike mene hùgì nen likene hùako inane keirogo ayoko hiko halok he, elele woginabigin lek nogo? Inane konhì logopik en, hobuk halok elele woginabigin nogo?

MATÌÙT 10:19

Hinanema atì'nogo wanuagalùk wokhisek lagaika halok he, hit en oko yogoisogoin mene atì sat Ala nenat hina'la kagaligin. Halok he, oko kì'nogo yogoisogoin ìlùk hinalabut hìtùp o.

LUKAT 12:29

Hina'la nen he, Ninapùrùk mel, ninagei mel, kì mene nogoin, ìlùk, atì meneat esinethìlìk hinalabut hìrogo logogùp o.

1 KORÌTÙT 7:32

Hit he, hìmì hesik, ap hesik, hina'la wenesùgì ebetì'lek logouageip en ìlùk yogohisìgì o. Atì'nogo ìgì atì re, ap inagagwì lek mene nen he, ninoe Etagepogot a'la hano asuagalùk, at hesik esinethìlìk ina'la ebetarek o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

1 KORÌTÙT 7:21

Hat aike, apùnì inatitigeke were'ma Ala nen hayoko hesike halok he, “An tì'nogo welagì mene,” ìlùk, atì hesik wenesùgì ebetùn. Hobuk he, halepma hagauogolùk halok he, “Nabìt,” ùgùn. “Atì hano,” ìlùk halepmaat a'no.

MATÌÙT 6:34

Halok he, hit he, hùen hesik hinalabut hìrogo wenesùgì uan horo ebetap o. Yogotak weak arì'logo mene werek kolegat he, hùen weak asigin mene ebesusak lek o,” ìlùk yogoisasike.

1 TIMOTÌÙT 2:1

An nen wene aike esin mene yì Ala againapùrì inasuk wa'nogolùk yogohesik. Nit apùnì ninom hano lìok hogo logolìk he, Ala hogoratì logolìk, apùnì hesik higit hogo hagatì logousak mene hagatì logouok en he, apùnì obogat hesik mel, kaintek inetage pogot hesik mel, it aike inetagewerek logolìk ha'nisek welagaikarek mene atì, inebe obogat hesik mel, sapan ìkì logolìk he, Ala ayoko hìgìk, kìno yogotìk, hai watìk, ìkì logouagalùk inasuk watì logoino o.

1 TIMOTÌÙT 5:5

Mene re, hìmì soge eberogoat apùnì ero it mene le'ma inaligat logolìk he, “Ala nenat lebe'nisegein,” ìlùk, inetaùken at oba hìpìrethìlìk, likene hùako ayoko hìgìk, kìno yogotìk, iko motok welagaikarek.