PILIPI 4:20 - Ala Ane Wene Ket Mene Warogo Wo'ninapike Wene

²⁰ Halok he, ninopase Ala hogorato motok logouok, ìlùk, “Amin,” ìgì atì.

PILIPI 4:20 ပူးပေါင်းရင်းမြစ်များ

ÙRÙM 11:36

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

ABÌKAKAN 14:7

Atì'nogo nìkì logolìk, ane hùkorogo mel ìkì laga: “Ninopase Ala nen ùkùm apùnì inoba hìgìk, kotìk, igin a'nogo, arat hakok i waga atì nen he, Ala pogot mel, kweang mel, i laut yekelek mel, i elesi agei obogat mel, elalhike mene a'nogo hinayùk hogo logolìk, hinetaùken at oba hìpìrethìlìk, hogoratì logoino o,” ìlùk ìkì laga lakhìgì.

ABÌKAKAN 7:12

Atì'nogo hogoratì logolìk, mel ìkì lagaika: “Ebe asuak u hak, Amin, u a e, Ninopase Ala haligat hùko, u a e, Yì wene tì wene helu motok logolìk, u a e, Hat homame ba ha'nisek were'ma, u a e, Hai wathapìk, hogothapìk, u a e, Agaugethapìk, esinethapìk, u a e, Iko motok logogun atì, u a e, Ebe asuak u hak, Amin, u a e,” ìlùk etawì watì lagaika isìgì.

ABÌKAKAN 5:12

“Topa Eak wasukwa mene atì nek he, yì mene tì mene awe a'ma hisìgìk, eilmo wùlalhak welagìk, wene a'la kagalek enek welagìk, omame apik welagìk, ikerek o. Halok, at enek he, elok agaugeratìk, hogoratìk, hai watìk, ìkì logousak o,” ìlùk hogoratì lagaika.

ABÌKAKAN 1:6

Atì'nogo hikalninapikesik, nit at opase hesik hagatì logouagalùk, ninebe kain Ala esewerek menhinasikomo welago. Atì'nogo menhinasikomo logolìk he, nina'la nen he, “At Yesùt Karìsùt atì, omame apik werek,” ìlùk nit at ebe eberogoat hogorato motok logouok o, ìlùk, u hak, “Amin,” ìgì atì.

YURAT 1:25

Ninopase Ala aligat en ninoe Etagepogot Yesùt Karìsùt hagasike atì ba telninapike mene a'nogo esewerek omame apigat o, ìlùk, at hogoratìk, esinethìgìk, ìkì logouok en, ero ba yì mene tì mene walhìgì'le'ma Ala aligat welagaike atì ba nen, yogotak ya nen, hobuk motok logolìk en, atì'nogo hogorato motok logouok, ìlùk, “Amin,” ìgì atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

EPESÙT 3:21

Nit Ala againapùrì atogotorek mene obogat Karìsùt Yesùt ninom hutik logolìk inebe aike hobuk mene ket ta'larìk laga kolek, Ala eberogoat hogorato motok logouok, ìlùk, “Amin,” ìgì atì.

ABÌKAKAN 11:13

O atì sat he, lugul hùko inayùk mene aike lang-langat hìkì logolìk, o kota atì ebe 10 ba mìkìlogo hìlìk, hùkokwe herakhìkì logolìk, omakeat aike motok mesa'lapuk hogo hìkì logolìk, apùnì inebe 7.000 nen inoatenem, it hetakwe inoatì'lek mene inayùk apik arìk, it en he, “Ala pogot oba mene, nayùk e,” ìlùk hogoratenem isìgì o.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

PILIPI 4:23

Halok he, nerùgì nagaiya'lak. Ninoe Etagepogot Yesùt Karìsùt oabùt hano mene a'nogo nen hinetaùkenma logolìk sethisek logouak o.

ÙRÙM 16:27

At Ala aligat a'la motok kagauksek welagarek o. At Yesùt Karìsùt hagasike hesik Ala hogorato motok logouok o, ìlùk, “Ebe asuak,” ìlùk u hak, “Amin,” ìgì atì.

MATÌÙT 6:9

Halok he, sapan ìkì logolìk he, yì'nogo ìkì logoino: Ninopase pogot oba mene hokawerek hetage esinethìkì logouagalùk, haga'ninabi me o. Ninebe hawe a'ma logouagalùk hina me o. It pogot oba hat ha'la akegetek mene hagatarek hak, nit kweangma atì'nogoat hagatì logouagalùk, haga'ninabi me o.