PILIPI 4:19 - Ala Ane Wene Ket Mene Warogo Wo'ninapike Wene

¹⁹ Nen, hit yì mene tì mene hinelageik were'ma, an nopase Ala hogoratìrek mene Karìsùt Yesùt eperak hutik logolìk eilmo seigweak en hogoratarek mene a'nogo nen, wokhisikenem hineilmo seik asiginat o.

PILIPI 4:19 ပူးပေါင်းရင်းမြစ်များ

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

EPESÙT 3:16

At Ala yì mene tì mene eilmo motok wùlalhak ìlùk u hak, hogorato welagaikarek a'nogo nen, Areagùn oba hinomamerogo hinetaùken wurigethinabuagalùk ayoko hìkì lagiat.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

EPESÙT 1:7

Atì'nogo wo'nisasikomo, ebe amep wulagasogo wasukwa atì ba, ninoko palogo telninapik, nit weak hagatì lagagu mene legetsìgìk, isike atì. At Ala a'la kagalek logolìk ninebe hùthinìlìk he, oabùt motok hano a'nogo nen, ninebe hùkorogo etawì'ninapike atì.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

ÙRÙM 9:23

It atì hesik atì'nogo epe morogo logolìk, nit hesik mel akìlì'logo: “It aike netawì mene hanorinabigìlùk emakum elalinapigi atì, hano motok hagarinabigin mene inelu unak o,” ìlùk akikerek.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

EPESÙT 2:7

At Ala atì'nogo hagasike atì re, o hobuk logogun atì ba logolìk apùnì nen he, “Ala oabùt hano motok en etawì'ninapike,” ìlùk enagat hùthìkì logouagalùk telninapike atì, ebe re, Karìsùt Yesùt enat telninapike.

ÙRÙM 2:4

“At Ala oabùt hano motok, enago lìoksek,” ìlùk, hina'la meathìkì lagep a? Hit hina'la nen he, “Ala oabùt hano nen nit weak hagatì lago mene heraksìlìk ninoabùt hebelasuagalùk, nina'la kagalherek,” ìlùk hinokot nogo? Hineluat o.

ÙRÙM 11:33

At Ala mene hùkorogo wo'nisìgìk, a'la motok kagalek welagìk, wene motok elu welagìk, ikerek atì nayùk e. At en wene elùgùn waterek mene, nit apùnì ninelu asusak nogo? At en yì mene tì mene hagaterek mene, nit en hùthasak nogo?

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

ÙRÙM 1:8

Nerùgì, nagaiya'lak. Wene ebe yogohisak en he, alep yì tak yogohisak. Apùnì o yì awì tì awì a'loma nen, hit obogat hinabok hano ìkì logolìk he: “It apùnì Ùrùm mene inetaùken Yesùt oba hìpìrethìlìk welagaikarek o,” ìlùk egarek atì nen, Yesùt Karìsùt yogorik enek, “Nopase Ala,” ìlùk hai watì lagì.

YOHANET 20:27

hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

PILEMON 1:4

Hat hetaùken ninoe Etagepogot Yesùt oba hìpìrethìlìk, Ala againapùrì aike obogat hetawìrinapetek atì habok nasuk holhìrìk he, sapan ninhùp-nanhùp ìkì logolìk, hat hetage ìlìk nopase Ala hai watì lagì o.

2 KORÌTÙT 12:21

Atì'nogo hagatenem, an waganem he, nopase Ala nen hit hinoabùt hagatì lagep atì hesik hit hineilhanem nekalì warogo nebe horothanusak atì nayùk. It apùnì hit mene aike logolegat en hìmì inagonì werek mene, ap inagagwì werek mene nen pailak haksìgìk, he salisik, ap salisik en pailak haksìgìk, inekalì lek weak motok hagatìk, o hageat en hagatarek mene heraksìlìk inoabùt hebelagì'lek motok welagaikarek atì hesik, le asi wesi nogo ìlùk nalabut hìrìk welagì o.

MATÌÙT 6:32

Atì'nogo hagatarek atì obogat he, it apùnì etakwe mene nen atì mene esinethìlìk herarìk negarek meneat he, hit yì nek he, yì mene tì mene lek en hinelageik negen welagep atì, at hinopase Ala pogot oba mene elu welagarek o.

PILIPI 4:7

Atì'nogo yogotì logogun halok, Karìsùt Yesùt hinom hutik welagasep atì nen, at Ala nen apùnì nen hùthasak lek mene elalinat hinetaùken hapuguthinabìk he, wenesùgì ebetì lagep mene atì, at enat sebelogo hakhisek logogin o.