PILIPI 4:18 - Ala Ane Wene Ket Mene Warogo Wo'ninapike Wene

¹⁸ Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

PILIPI 4:18 ပူးပေါင်းရင်းမြစ်များ

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

PILIPI 4:12

An he, inelageik welagaikarek atì neluat, ineilmo seigweak welagaikarek atì neluat. Sùpùrùk nele ba inom, nabìt oba inom, yì mene tì mene apik werek oba, lek oba, atì an walsek nogo nen he, obogat hano nek akìgìrek.

2 KORÌTÙT 9:12

Hit apùnì hinetawì nen leberisogoin atì ba re, Ala againapùrì inekim lek mene nek elogothìkì logogun hùk. We, titelasu hak he, apùnì logolegat en Ala hai hùkorogo watì logogunat o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

ÙRÙM 12:1

Nerùgì nagaiya'lak. At Ala ninebe etawì ìlùk wene aike hina'la kagalìk. Ala ako waretì lagaukwa hak, hinebe hineluk meneat, at okawerek hesik hisìlìk, at a'la hanorogo wogotì logoino o. At awe a'ma logolìk he, at hesik hagasusak mene atì'nogoat hagatì logoino o.

LAKSASIKE 10:4

Yogosikomo, at Korenelìùt eileken at oba lùrogo hìkì logolìk, ayùk arìk he, “Ì, noe. Nahalok,” ìlùk isikomo, at en he, “Hat sapan ìgìk, apùnì inekim lek inelageik mene leberisìgìk, ìkì lagen atì re, Ala elu agasik hoba eberek werek o.

2 KORÌTÙT 11:8

An nen hit lebethnsìkì lagì atì hesik, neki oko negen he, it Ala againapùrì o aikema nen wo'netenem wanhì lagì o. Atì'nogo wanhì lagì atì ba it apùnì aike nen he, “At Paùlùt en it apùnì o Korìtùt mene leberisagalùk he, oko it aike mene eki abusak negen wanì'logo,” ìlùk yogonesusagat o.