PILIPI 4:1 - Ala Ane Wene Ket Mene Warogo Wo'ninapike Wene

¹ Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.

PILIPI 4:1 ပူးပေါင်းရင်းမြစ်များ

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

1 KORÌTÙT 16:13

Hinepe hebelogo logolìk he, hinetaùken Ala oba hìpìrethìlìk, metegat logoino o. Hinoabùt abat logolìk he, hinomamerogo logoino o.

PILIPI 2:16

Atì'nogo hagatì logolìk, yì mene tì mene sùpùrogo wogisùogolùk ìnùgisagarek hak, wene apùnì inebe inelugurinaperek wene atì yogoisìlìk nìkì logoino. Atì'nogo yogoisìkì logogun halok, at Karìsùt wesigin atì sat, an nen, “Mep lagai'-lagak hogo nomamerogoat hagatì lagagi mene atì we tùlemat alemarogo hagatì'lek. We, Karìsùt hesik elok hagarogo hisìgìma,” ìlùk nalong asìgìn atì.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

IBERANI 10:23

At oabùt he, “Wokhisegein,” ìlùk abok yogonisikeresik, ebe wo'nisikeregat atì, nit en he, “Eberogoat tip hogo wo'nisegein,” ìlùk apùnì ineilhanem ninane pak hogo ogorek mene atì iko motok logolìk, ning hogo hesogo logouok o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

YOHANET 8:31

Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

2 TIMOTÌÙT 2:1

Timotìùt naput e. Nit Karìsùt Yesùt ninom hutik were'ma, Ala oabùt hano nen wo'nisikerek mene atì ba hetaùken wurik hogo logoino.

PILIPI 2:26

At a'la akìkì logolìk, “An noba ou wanhìgi a'nogo, nabok it inasuk holhasik, nìkì'nogo hagarì'lùgì,” ìlùk, wenesùgì uan horo ebetì logolìk, “It obogat inoba legein,” ìlùk akìlì'logo.

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

LAKSASIKE 2:42

Inom lapuk hogo hanoat logolìk he, it ap Yesùt en weteberogo inayoko hìlìk laksasike mene amanogo nen wene yakùlisikenem hutik-hutigat inasuk holhik, sùpùrùk inom kùrogo nìkìk, sapan inom ìgìk, ìkì lagaukwa.

2 PETERÙT 3:17

Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.

IBERANI 4:14

Nit ninoe kain Ala esewerek Ala aput Yesùt pogot pelakha wagìk, pogot abel pokwe Ala were'ma lagasikesik nit hesik werek atì nen he, nit ninetaùken at oba hìpìrethìlìk ninane pak hogo ìkì lago mene atì, nineki ning hogo hesogo logouok o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

2 TESALONIKA 2:15

Ati nen, nerùgì nagaiya'lak. Wene nit en yakùlhisìkì logolìk ninane ba nen yakùlhisìgìk, helal waganogo hinoba lakhei wagìk, isugu mene atì, hineki ning hogo hesogo logolìk he, hinomamerogo metegat lngoino.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

KALATIA 5:1

Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

1 TESALONIKA 3:13

Atì'nogo hagathinapì logopik he, ninoe Etagepogot Yesùt okawerek agoromì inom at waganem he, hinebe ninopase Ala okawerek hesik hisìlìk, at eilhanem ùkùm hinoba lek hano tegelek were'ma hisa wesuak en, hinetaùken wurigethinapì logouak o.

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.