PILIPI 3:8 - Ala Ane Wene Ket Mene Warogo Wo'ninapike Wene

^8-9 Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

PILIPI 3:8 ပူးပေါင်းရင်းမြစ်များ

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

PILIPI 3:7

An alep, atì'nogo hagatì logolìk, “Sabùrìkì lagì,” ìlùk akasìgì meneat he, yogotak he, Karìsùt ebe wanhìrik oba nen, “Alep hagatì lagagi atì, nong aga lagagimo hìgì,” ìlùk huthìkì lagì.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

1 KORÌTÙT 2:2

An hit ninom logolìk he, na'la nen wene welek mene ebetì'lek, we, at Yesùt Karìsùt hesik ebetì logolìk, esik he, at ebe e ba menhìlìk wasukwa wene atìat ebesigin o, ìlùk na'la akasigi.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

YOHANET 14:7

it obogat yogoisìkì logolìk he: “Hit an nebe hinelu agep atì re, an nopase hinelu asiginat o. Hinelu asigin atì re, hùlì yogotak hùlì nen, at ebe hinelu agìk, hineileken hìgìk, arat hìkì lagep o,” ìlùk yogoisìkì lagaikomo,

EPESÙT 4:13

Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

2 TIMOTÌÙT 4:6

Apùnì nen an nebe Ala hesik namep wulagasogo noasugun oba arat hakok i waga o. Atì'nogo noasumo, an nebe nopase oba lasak higirat agama welagì o.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

1 PETERÙT 2:7

Hit hinetaùken at oba hìpìrìk mene nen he, “At hano motok,” ìlùk hùthìkì lagep atì, Meneat he, it aike inetaùken at oba hìpìrethìgì'lek mene hesik enek he, mel isike: “It ap tukang o helep mene wùtarek mene nen, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o,” ìlùk isike.

KALATIA 1:16

Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

1 KORÌTÙT 9:10

Nit apùnì nen yabu wanhìk, eken palhìk, ìkì logolìk he: “An aike negein o,” ìlùk nina'la hai hakìkì logolìk yabu wanhìk, eken palhìk, ogorek atì nen, wene atì nit hesigat isikomo helal waganek werek o.

YOHANET 20:13

Atì'nogo isasikomo, it en he, mel yogosukwa: “He yì nerei e. Hat nenahalok le aga lagen,” ìlùk isukwama, at en he, mel yogoisasike: “An noe Etagepogot warek apùnì nen wolok o koma hei lagaikama heat ma re, an nokot en le aga lagì o, nerùgì,” ìlùk yogoisasikesik,

LUKAT 11:20

Meneat he, an nen Ala omame atì ba mokareke oabùt weak mene atì henogo wulaksìkì lagì halok he, Ala awe a'ma hisegein atì arat hinoba hakok i waga o.

LUKAT 1:43

Nen, hat hebe an noe Etagepogot agosa nen nea wagen yì nayùk e!

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.

PILIPI 3:12

Mene re, an yogotak ya, netaùken motok wurik agìk, ebe hano mene atì arat helìgìk, ìgì hùk. Oan o. Hano mene atì an heloagalùk, Yesùt Karìsùt en nebe wo'napike atì nen, ebe hela lagalùk, nomamerogo hagatì lagì.

2 PETERÙT 1:2

Hit en Ala ho, ninoe Etagepogot Yesùt ho, eperak inebe sekek hogo hineluat welagep atì nen, it inoabùt hano a'nogo nen hano mene wokhisìgìk, hinetaùken hapuguthinapìk, hùkorogo iko motogat logouak o.

2 PETERÙT 1:8

Hit he, hinoabùt atì mene obogat ese arìk, hobugalep hùkorogo ese arìk logogun atì nen, we tùlemat alemarogo welagì'lek, ninoe Etagepogot Yesùt Karìsùt sekek hogo hinelu asugun o.