PILIPI 3:5 - Ala Ane Wene Ket Mene Warogo Wo'ninapike Wene

⁵ An nebe ta'lagagimo ineki 7 nen welagaukwasik en, ineki aike ba, nogat nekalìma mene palnapukwa atì. Nebe Isirael mene, nùkùl etage Penyamin meneat, nagosa nopase Yahuri mene nogo nen he, nebe Yahuri ebe Yahuri meneat ta'lagagi atì. Wene Ala nen ninasuk wasike wene a'nogo hesik, ap Parisi mene nen hesogo welagaikarek hak, ning hogoat hesogo welagagi mene.

PILIPI 3:5 ပူးပေါင်းရင်းမြစ်များ

2 KORÌTÙT 11:22

It atì inebe Yahuri mene hak, an hogo re, nebe Yahuri meneat o. It inebe Isirael mene hak, an hogo re, nebe Isirael meneat o. It inebe inopase Aberaham en tago mene hak, an hogo re, nebe nopase Aberaham en tago meneat o.

ÙRÙM 11:1

An nen wene aike hinok wokhisagat. At Ala nen againapùrì Isirael mene atì motok heraksasike akegep? Motok lek o. An nebe re, Isirael mene Aberaham en tagokwe nùkùl etage Penyamin mene welagì.

LAKSASIKE 23:6

Hobuk at Paùlùt en, it ap wene ero pìlìngìtì lagaukwa mono amanogo inebe o'moko re, Saluki mene inane wanhi lagaukwa mene, nen, o'moko re, Parisi mene inane wanhì lagaukwa mene, were'ma eileken enagat hùrisìlìk he, ane hùkorogoat mel yogoisasike: “Ap sanì. Nogogì nagoromì. An nebe Parisi mene. Ap Parisi mene nenat tagomakwe mene welagì. Logolìk, apùnì wa'lagaikarek mene hobuk Ala nen eberogoat inelugurinabigin ìlùk hùthìkì lagì atì nen ùkùm noba hagama yì,” ìlùk yogoisasike.

LAKSASIKE 22:3

“An he, ap Yahuri mene, nebe o propinsi Kilikia o kota Tarasùt ta'lagagi meneat he, o Yerusalem yoma nen kùlnapukwama nalùge agagi. Nalùge agagimo, ap kain Kamaliel nen wene Ala nen ninopalak inasuk wasike wene a'nogo tùkùm hogo yakùlnetì lagaike. Yakùlnetenem, an nen hit yogotak Ala hesik hinomamerogo hagatì lagep atì hagat hagatì lagagi.

LUKAT 1:59

Ina'la hai hakasukwasik, ineki 7 nen welagaukwasik en hùenkwe re, omalik a'nogo ogat ekalìma mene paluagalùk wolok wagaukwa. Wagaukwasik he, Omalik yì opase etage higit hogoat etage Sakaria saluok, ìlùk isukwa mene re,

LAKSASIKE 6:1

Atì sat he, apùnì Yesùt ane wanhukwa mene inebe apigat haga'lagaukwama re, it apùnì inebe Yahuri meneat he, inane re, Yunani mene nen he, mel isukwa: “Apùnì ninhùp-nanhùbat yì mene tì mene sùpùrisìkì logolìk he, hìmì soge nit mene halok halolotsìlì'lùgì atì nahalok,” ìlùk, it Yahuri inawìwerek mene inom wene serep agaukwa.

LUKAT 2:21

Atì'nogo wagaukwama welagaukwasik en, nogo ineki 7 nen ìluk hùenkwe re, omalik a'nogo ogat ekalìma mene palusak obaat palhuwasik he, ebe oan agosa a'ma agì'lek werek kolek malaikat en isukwa higit hogoat he, etage Yesùt salhukwa.

LUKAT 5:38

Halok he, anggur eken amusu ket mene halok he, isoak ket meneat a'la hinasusak o.