PILIPI 3:20 - Ala Ane Wene Ket Mene Warogo Wo'ninapike Wene

²⁰ Atì'nogo meneat he, nit ninawì ero pogot oba werek o. Ninawì eroma atoma nen, ninoe Etagepogot Yesùt Karìsùt hobuk telninabi wesigin atì serogo welago.

PILIPI 3:20 ပူးပေါင်းရင်းမြစ်များ

EPESÙT 2:19

Atì'nogo wagaike atì ba, hit hinebe etakwe inapik mene, ap pok mene hake welagagip atì yogotak atì'nogo lek agaikomo, hinebe Ala againapùrì agagisip, it hinom, at Ala aua atoma hinawìweregat agagisip welagep o.

2 KORÌTÙT 4:18

Nit he, yì mene tì mene nineileken hogorek mene atì lek asigin meneat he, nineileken hogorek lek mene atì esok motok logogin atì nen he, nineileken hogorek mene atì hesik ninot somarogo hagatì'lek, we, nineileken hogorek lek mene atì hesik ninot somarogo hagatì lago o.

IBERANI 12:22

It atì hake mene ba wagaukwa meneat, hit enek he, tom Sion Ala eluk welagarek mene awì sili o kota Yerusalem pogot oba mene ba wagep atì. Atoma re, malaikat esa yì logolek tì logolek mel,

EPESÙT 2:6

Ninelugu'ninapikomo re, nit Karìsùt Yesùt ninom hutik were'ma, hobuk at ninom pogot oba kain logolìk it aike ninawe a'ma hagisek logouagalùk ninom menhinasike atì.

2 KORÌTÙT 5:8

Atì nenat nina'la se welago. Ninogat yì kopologo heraksalùk, ninoe Etagepogot were'ma kìlìk ninom logou walok e, akìkì lago.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

KALATIA 4:26

Mene re, he okawerek agwe ebe mene hake, o Yerusalem pogot oba mene atì, nit ninagosaat o.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

1 KORÌTÙT 1:7

Hinetaùken atì'nogo wurigethìlìk, ninoe Etagepogot Yesùt Karìsùt weinam hogo wesigin ìlùk, serogo logolìk he, Ala nen wo'nisikerek mene atì, aike wanhì'lek welagep hùk. We, obogat wanhigisip welagep o.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

MATÌÙT 19:21

at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

1 TESALONIKA 4:16

Ninoe Etagepogot pogot oba nen pi waganem he, it malaikat mene inoe kain mene ane hùkorogo ìgìk, Ala apìkon ane huthikenem ane pak ìgìk, ikenem, apùnì Karìsùt inom hutik logolìk wa'larì'lùgì mene tak inelugurinabigin.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

PILIPI 1:10

Hit atì'nogo hùthìlìk hagatì logogun halok, hina'la nen he, “Yì hano. Hagasusak mene,” ìgìk, “Atì weak. Hagasusak lek mene,” ìgìk, hùthìkì logogun atì. Atì'nogo hagasugun halok, Karìsùt wesigin atì like, ùkùm hinoba lek hogoat, hano tegelek were'ma wesigin atì.

LUKAT 12:21

Ati hak he, it apùnì Ala eilhanem ebe mene wanhì'lek logolìk, it inokawerek mene nek nomologo hakìlì'lùgì atì, atì eperak hìgìrat o,” ìlùk yogoisasike.

1 KORÌTÙT 15:48

It apùnì aike inebe kweangma mene agaika mene hùgì inebe re, at Ala nen emakum Aram ebe kweang lobulongeke mene elalhike mene atì hakeat werek o. Meneat he, it aike inebe pogot oba mane agaika mene hùgì inebe re, at hobuk pogot oba nen wagaike mane atì hakeat werek o.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.