PILIPI 3:2 - Ala Ane Wene Ket Mene Warogo Wo'ninapike Wene

² It apùnì aike inoabùt yeke lo yeke oabùt hake atì nen, yì hesik tì hesik weak hagatì logolìk, “Hinogat hinekalìma mene palogo laksano,” ìlùk hina'la kagali wesinogo nen hinepe hebelogo logoino.

PILIPI 3:2 ပူးပေါင်းရင်းမြစ်များ

2 KORÌTÙT 11:13

It atì re, Karìsùt en inayoko hìlìk laksa wagaike mene hùk. We, at en laksa wagarek mene negen hagarogo wìrìk apùnì lalinabì'lùgì meneat o.

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

ABÌKAKAN 22:15

Atì'nogo meneat he, it apùnì aike weak ina'meilo mene hagatarek mene mel, it wesagùn akolek inoatarek mene mel, it pailak haksìgìk, haksoagalùk hagatìk, egarek mene mel, it apùnì inoare mene mel, it inetaùken tùgì hareken oba hìpìrìk logolìk hogoratarek mene mel, it inape ba nen lalinapìk, yì mene tì mene hagatì logolìk, lalinapìk, egarek mene inebe lopok mel, obogat o kota atì abel etakwe logogun o,” ìlùk yogonete.

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

PILIPI 3:19

It atì inetaùken Ala oba hìpìrìk logousak meneat he, inoba aiyage lagalìk hagatarek atì mene ba hìpìrìk logolìk inekalì hasak meneat he, hano salek atì hesigat inekalì lek hogorakìlì'lùgì atì. Atì'nogo hagatì logolìk he, inetaùken yì walok tì walok, wene kweangma mene oba eberì'lùgì atì, elùgùn oba arat nong asugun o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

ABÌKAKAN 3:9

Lakhani! It apùnì Ibilit againapùrì atogotarek meneat he, inapeliagat, Nit ninebe Yahuri mene, ìlùk egarek mene atì, hit hinawe a'ma ki wìrìk, an hit netaùken hutik welagìrek atì inelu asuagalùk, it inebe hit hinoba hisa wesigin o, ìlùk eberogoat yogohisìgì.

1 TIMOTÌÙT 1:19

It aike nen, “Wene atì eberogoat,” ìlùk wanharesik, ina'la selek logousak meneat he, hobuk weak hagarì'lùgì atì nen, so ima wula'lak hogo pikerek hak, heia paga atì. Hat atì hake hagatì'lek, ha'la nen, “An weak aike hagatì'lek, na'la selek welagì,” ìlùk hetaùken Ala oba hìpìrethìlìk homamerogo hagatì logoino,

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

ÙRÙM 2:28

Apùnì Yahuri ebe Yahuri mene atì ebe re, weinam mene atì hùk. Nen, inogat inekalìma mene palharek atì ebe re, inogat inekalìma mene palek atì hùgat o.

MATÌÙT 7:6

Atì'nogo yogoisasikesik he, aike mel yogoisasike: “Ala hesik hisagarek mene atì yeke wogotenem hobuk lagak hogo aik en lìbìlhinabinogo ìlùk, wogotùp o. Nen, hinalìlìke hano oko apik mene atì, wam wogotenem esok en lìlìbùk warogo laksanogo ìlùk, wogotubat o,” ìlùk yogoisasike.

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

2 PETERÙT 2:22

It atì, apùnì nen inane lagak hogo mel ìlùk egarek atì hak hagatì logogun: “Yeke nen lùk hemelogo hìlìk, hobuk apotkwo na lagarek atì. Nen, Wam ogat hano sobalek mene hobuk wokulmo hilele wasi kikerek atì,” ìlùk egarek atì hagat, it atì'nogoat eberogoat hagatì logogun atì.

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.