PILIPI 3:16 - Ala Ane Wene Ket Mene Warogo Wo'ninapike Wene

¹⁶ Meneat he, yogotak ninoabùt wene atì higit hogo hagarìk waga lago hagat, atì'nogoat motok hagarìk laga logouok o.

PILIPI 3:16 ပူးပေါင်းရင်းမြစ်များ

KOLOSE 2:6

Hit en he, “Karìsùt Yesùt ninoe Etagepogorat o,” ìlùk ebe helasigip atì nen, hinom hutik motok logoino o. Atì'nogo logolìk, hinoabùt he, wene yakùlhisasukwa higit hogoat,

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

KALATIA 6:16

An wene hinasuk warogo yogohisìgì mene yì, higit hogo hagatì logogun mene hùgì, Ala nen he: “An nagainapùrì Isirael meneat o,” ìlùk, at enat hinetaùken hapuk hogo hikìgik, hinebe etawìthinapìk, ìkì logouak o.

ÙRÙM 15:5

Hit hinetaùken, hinane, omakeat logolìk, ninoe Etagepogot Yesùt Karìsùt opase Ala atìat hogoratì logouageip en he, at Ala apùnì inoabùt inepe morogo logouagalùk hagarinapìk, ina'la hanorinapìk, ikerek mene atì nenat, hit obogat hinetaùken omakeat, at Karìsùt Yesùt oabùt hake hagathinabuak o.

PILIPI 4:2

Ewolia, Sinitike, nerùgì e. Heperagat ninoe Etagepogot hinom hutik logolìk, hinetaùken omakeat mene ebetì logouageip ìlùk yogohisìgì atì.

PILIPI 2:2

an na'la hùkorogo hai hakìkì logoik en, hinetaùken omakeat logoino. Atì'nogo logolìk hit-hit netawì-hetawìrogo omakeat mene hagatìk, hinoabùt hinetaùken omakeat welagìk, ìkì logoino o.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

ÙRÙM 12:16

Apùnì aike hinelokoma hisìgìk, aike hinapotma hisìgìk, ìgì'lek he, hinetawìrogo higit hogo nek hagarinapì logoino o. Kaintek inoabùt hagatarek mene atì, hagatì'lek he, inawe a'ma logolìk hagatarek mene atìat hagatì logoino o. Hina'la nen he: “An wene motok nelu o,” ìlùk hinokawerek en hogorakagùp o.

KALATIA 5:7

Apùnì sa awewerek sa awewerek lagaikarek hak, hit hageat he, ebe wene atì hesik hinoabùt akiluk hogo hagatì lagagip meneat he, hobuk sa nen hina'la kagalhì lagama ebe wene atì hologo higit hogo hagatì'lek, hina'la pùk welagep nogo.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.