PILIPI 3:10 - Ala Ane Wene Ket Mene Warogo Wo'ninapike Wene

^10-11 At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

PILIPI 3:10 ပူးပေါင်းရင်းမြစ်များ

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

KOLOSE 3:1

At Ala nen he, Karìsùt eluguthìkì logolìk, hit hinomat hineluguthinapikomo welagep atì nen, yì mene tì mene Karìsùt ebe pogot oba Ala era'lu eki ebekwe kainat welagarek oba atoma mene hela lùogolùk, hinomamerogo hagatì logoino.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

2 KORÌTÙT 1:5

At Karìsùt yì aik tì aik hìlìk hìlìk hobuk ebenageik hùkoat hasike atì hak, nit atì'nogoat hìkì lagoat o. Atì'nogo hikenem at Karìsùt en nit nina'la hano arìk hobuk ebenageik hano asuagalùk ninetaùken sebelho motok welagarek.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

2 KORÌTÙT 13:4

At Karìsùt ebe maben were'ma e ba menhìlìk wasukwa meneat he, at Ala omame ba eluguthesikomo elugat welagarek. Atì hagat he, nit at ninom hutik logolìk maben welago meneat he, at Karìsùt ninom hutik nineluk logolìk he, Ala omame ba hit hesik hagasi wesugun o.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

ABÌKAKAN 1:18

neluk motok welagìrek he, anat o. An nebe arat wa'lagagi meneat he, lakhan! Neluk agagisik, neluk motogat logogin o. Wa'lagaikarek atì mel, wa'la'lùk lagaikare'ma atì mel, kwe hùtùkwe an neki ba werek o.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

EPESÙT 4:13

Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

2 KORÌTÙT 1:10

Nit ninebe motogat ninoasugun, ìlùk akasugusi'mo nen, at Ala nenat telninapikesik he, hobuk telninabiginat o. Nit hesik hit ninomat sapan ìkì lago a'nogo ba, hobuk telninapo logoginat o, ìlùk he, ninetaùken at oba hakothìlìk welago. Hit en, nit hesik sapan iko motok logogun atì ba, at Ala oabùt hano nen nit telninapenem he, it apùnì aike apigat en ineileken nisìlìk Ala hai wasugunat o.

YOHANET 10:18

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

MATÌÙT 20:23

Atì'nogo yogosukwama, at Yesùt en he, “An yì aik tì aik haga'nabugun atì hak, hit atì'nogoat hagathinabugun meneat he, hat aike an neki ebekwe, nen aike neki peikkwe ninom kain logouogolùk atì nek he, an nen menhikasak, mea o. We, an nopase nen hageat en logouagalùk weteberogo hisasike meneat hisegein o,” ìlùk yogoisasike.

ÙRÙM 8:36

Wene atì higit hogo Ala ane ba helal wanhì logolìk, mel isukwa: “Hat hesigat he, apùnì nen likene hutik, hùako hutik, ninoasuogolùk haga'ninapo motogat werek o. Apùnì nen topa warn wasuogolùk abok palharek atì hak, ninabok palhoat werek o,” ìlùk helal waganogo hesukwama werek.

KALATIA 6:17

Hobuk he, an Yesùt atitigeke ìlùk, nebenakwe nagapùt enagat werek atì nen he, it aike nen an na'la wiikweak hogo haga'nabusak lek o. Motok nabìt.

2 PETERÙT 1:13

At ninoe Etagepogot Yesùt Karìsùt en yogonesike hagat, an nebe nagasabeke mene elama hesik welagì yì re, heraksalùk hepok legein hjgit welagì, ìlùk an nelu welagì atì nen he, yogotak nebe neluk welagì ya ba re, wene atì hesik hina'la eberogo yogohisiko motok logousak akìkì lagì o.