PILIPI 2:5 - Ala Ane Wene Ket Mene Warogo Wo'ninapike Wene

⁵ Hinoabùt he, at Karìsùt Yesùt en a'la ebetì lagaike hagat ebetì logoino o.

PILIPI 2:5 ပူးပေါင်းရင်းမြစ်များ

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

1 PETERÙT 2:21

At Karìsùt ebe hit hesik yì aik tì aik hìlìk hìlìk wa'lagaike atì nen, hit hogo re, at oabùt waganogo yì aik tì aik hoagalùgat Ala nen hinayoko hesike atì.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

1 KORÌTÙT 10:33

Hit hinoabùt he, an hagatìrek hak hagatì logoino o. An he, yì mene tì mene hagatì logolìk he, nokawerek hanorakagalùk hagatìrek lek. We, apùnì inebe apigat Ala nen telinapenem hano asuagalùk hagatìrek o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

ÙRÙM 15:5

Hit hinetaùken, hinane, omakeat logolìk, ninoe Etagepogot Yesùt Karìsùt opase Ala atìat hogoratì logouageip en he, at Ala apùnì inoabùt inepe morogo logouagalùk hagarinapìk, ina'la hanorinapìk, ikerek mene atì nenat, hit obogat hinetaùken omakeat, at Karìsùt Yesùt oabùt hake hagathinabuak o.

LAKSASIKE 20:35

Wene ninoe Etagepogot Yesùt okawerek en mel yogonisasike atì: It apùnì aike nen wokhisikenem helìlìk hina'la hai hakasak mea o. We, at he, hit hinokawerek en it aike wogisìkì logolìk hina'la hai hakasak o, ìlùk yogonisasike atì nina'la eberek logolìk he, an men it aike inomame lek mene leberisìkì lagì atì, hit en hùthanìlìk an noabùt waganogo hineki omamerogo leberisìkì logouageip ìlùk yakùlogo hagatì lagì atì,” ìlùk yogoisasike.

LUKAT 22:27

Hit hina'la nen he, ap sa hak kain werek akegep. At ap hùrek logolìk sùpùrùk nìlì'logo mene atì a? At he, atitigeke mene nen, at oe noagalùk wogosi wìrì'logo mene atì a. Lek o. Kain he, at hùrek logolìk sùpùrùk nìlì'logo mene, atìat o. Atì'nogo meneat he, an hit ninom logolìk hinatitigeke negen hagatì lagi o.

ÙRÙM 14:15

Nen, hat neketek mene atì nen hagaiyak a'la kolo aga halok he, ebe hetawìrogo hagatì lagen lek o. Hagaiyak atì hesik Karìsùt wa'lagaikesi'mo re, hat negein atì ba at ebe weagathùgùn o.

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.