PILIPI 2:29 - Ala Ane Wene Ket Mene Warogo Wo'ninapike Wene

^29-30 At ebe waganem he, ninoe Etagepogot hinom hutik logolìk he, hina'la hai hakìkì logolìk at ebe wanino. Hit en nìkì'nogo lebe'nea heat atì nen, hinobùlù'mo at en lebe'neagalùk he, “Nebe wa'lagì halok hanoat o,” ìlùk, Karìsùt hesik hagatì logolìk wa'la'lep mene atì. It apùnì aike inoabùt at hagaterek hak hagarì'lùgì mene halok hinane agauk hogo yogoisìkì logoino o.

PILIPI 2:29 ပူးပေါင်းရင်းမြစ်များ

1 TIMOTÌÙT 5:17

Ala nen mel isikomo helal waganogo hìkì logolìk he: “Apùnì nen sapi wam esok en gandum ogat lìlìbùkk warogo eken ìbìluagalùk hilik he, eken aike nanogo ìlùk ape hele homasusak lek o. Aike noagalùk herakhìkì logoino,” ìlùk isikomo, helal waganogo hesukwa atì. Nen, aike re: “Apùnì yabu yì hesik tì hesik hagatenem, ineki oko wogisìkì logousak o,” ìlùk isikomo helal waganogo hesukwaat. Ati nen he, ap Ala againapùrì hanorogo serisek welagaikarek mene atì, it Ala againapùrì obogat en, “Eki oko arat lebethogo,” ìlùk akìgì'lek, aike inomat oba louk hogo lebethìkì logousak o. Atì'nogo hagatì logolìk, esin hake re, it aike Ala ane inomamerogo yogoisìgìk, yakùlisìgìk, hagarì'lùgì mene atì, agauk hogo leberisìkì logousak o.

1 TESALONIKA 5:12

Nerùgì nagaiya'lak. Hinogogì hakhisek werek atì, ninoe Etagepogot en menhisasikomo logolìk, hit hesik inomamerogo hagatìk, hinasuk watìk, ìlì'lùgì atì nen he, irat inawe a'ma logolìk, hinane agauk hogo yogoisìkì logoino o.

1 KORÌTÙT 16:18

It wagaikama re, an na'la hano aga hak, hit hina'la hano asigin o. Halok, it apùnì aike inoabùt it hake mene halok he, hinane agauk hogo yogoisìkì logoino o.

ÙRÙM 16:2

hit ninoe Etagepogot hinom hutik logolìk, Ala againapùrì nen wanusak higit hogoat, at ebe wanuageip en ìlùk yogohisìgì o. At agarok yì mene tì mene lek halok he, hit mene aike wogotì logoino o. At en he, apùnì apigat leberisìgìk, an nebe mel lebe'nììgìk, ìkì lagaikesi'mo re, hit en at ebe wanino o.

2 KORÌTÙT 10:18

Apùnì inokawerek en hogorakagarek mene atì Ala nen hano ìlùk woginaperek hùk. We, at ninoe Etagepogot en hogorinaperek mene halok hano ìlùk woginaperek o.

1 KORÌTÙT 16:10

At Timotìùt a'nogo, an nen ninoe Etagepogot hesik hagatì lagì hak hagarì'logo mene hit hinoba wesigin atì, ebe waga halok he, hit hinom ayù'lek hogo logouak en he, ebe hanorogo wanino o.

3 YOHANET 1:10

Atì'nogo hagarì'logo atì, aike re, apeliagat nit ninabok weak ìlì'logo. Atì'nogo ìkì logolìk, a'la nen he, “An hagatì lagì atì re, hamùlùgat. Na'la mea. Hobuk aike inom hogo hagasiginat o,” ìlùk akìkì logolìk he, it Ala againapùrì aike waganem, at ebe nen woginapì'lek logolìk, it aike nen woginabuogolùk ikenem wenagisìlìk, inebe Ala againapùrì atogotare'ma nen mùk hogo wulaksikeregat atì nen, an nebe wìrìk en, at hagarì'logo mene atì hùthoagalùk ekalì wasigin o.

IBERANI 13:17

Hobuk Ala nen he, hit hinogogì mel yogoisegein: It inetaùken hesik nìkì'nogo hagatì lagasip, ìlùk yogoisikenem, it ina'la nen he, “Nit ninoba lopogat oko yogosugun hìgì,” ìlùk, hanorogo sethisek motok welagaikarek atì nen he, it inawe a'ma soma ìlìk inane hologo hagatì logoino o. Atì'nogo hagatì logogun halok he, it ina'la hairogo, hit hesik hagatì logogun atì. Meneat he, hit en it inane hologo hagatì logogun lek halok he, it ina'la weak logolìk, hit hesik we tùlemat hagatì logousak o.

KOLOSE 4:10

Arisitarekùt an neperak nineki hele warek welago mene nen hai wathinapìk, Parenapat agaiyak Marekùt a'nogo nen hai wathinapìk, ega o. At Marekùt hesik wene alep yogohisasigi a'nogo hagat, at ebe hinoba waga halok, hanorogo wanino.

2 KORÌTÙT 7:2

Nit hesik he, hit en ninebe wo'ninabu hak hinetaùken hutik logoino. Nit en he, hit aike weagathinapìk, alemathinapìk, lalhinapìk, ogo lek o.

LAKSASIKE 28:10

Atì'nogo hagarinapì lagaikomo, it apùnì amanogo nen, agauk hogo hai warogo yì mene tì mene apik wo'nisasukwasik he, hobuk nit o atoma hebùlùk wesuogolùk ikenem, yì mene tì mene ebekalem hesik wo'nisasukwaat.

LAKSASIKE 8:8

Atì'nogo hagarinapenem he, it apùnì o Samaria mene atoma, ina'la hai apik hakìkì lagaukwa.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

YOHANET 13:20

“At sa nen, apùnì an nen laksegein mene woginape halok he, anat wo'nabigin o. Nen, at sa nen an wo'nape halok he, at an lakhani wagaike mene a'nogoat wanigin o, ìlùk eberogoat yogohisìgì,” ìlùk yogoisasike.

LUKAT 9:5

Nen, it apùnì o aike nen hinebe wokhinapì'lek halok he, hebisalùk wùlìbi waga logolìk he, it o atoma mene ina'la hùthoagalùk he, hinesok ìlìngeken hesalogo pelaksalùk wùlìbi we'no,” ìlùk, inasuk warogo laksasikomo,

PILIPI 2:28

At ebe hobuk hinoba waganem hineileken hìlìk he, hit hina'la hai hakìgìk, an na'la weak welagì mene hano agìk, uok en ìlùk he, hepogat hinoba lakhei wagì atì o.