PILIPI 2:26 - Ala Ane Wene Ket Mene Warogo Wo'ninapike Wene

²⁶ At a'la akìkì logolìk, “An noba ou wanhìgi a'nogo, nabok it inasuk holhasik, nìkì'nogo hagarì'lùgì,” ìlùk, wenesùgì uan horo ebetì logolìk, “It obogat inoba legein,” ìlùk akìlì'logo.

PILIPI 2:26 ပူးပေါင်းရင်းမြစ်များ

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

ÙRÙM 12:15

It apùnì aike ina'la hai hakiko halok he, hit hinomat hina'la hai hakìgìk, it aike le ago halok he, hit hinomat le agìk, ìkì logoino o.

PILIPI 4:1

Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.

MATÌÙT 26:37

Atì'nogo yogoisalùk he, Peterùt mel, Sepeteùt againapùrì inebe pìre aremnogo mel, wogisek lagaikesik he, a'la weak arìk etaùken min agaikomo re, mel yogoisasike:

MATÌÙT 11:28

“Hit hinoba ekin-pekin hogo seget apik hagatì lagep mene atì, an nen hinoba seget nokok hogo hikamo set waloageip en, noba we'ni o.

1 PETERÙT 1:6

Atì nenat, yogotak ya, Ala nen hinoabùt paligìlùk ikenem, hinoba yì aik tì aik hìkì logolìk, elama hesik hina'la weak arì'logo meneat he, hina'la hai hakìkì logoino o.

PILIPI 1:3

An he, ninhùp-nanhùbat hit hinoba motok eberek logolìk, nopase Ala at hai watì lagì.

KALATIA 6:2

Hit-hit hinoba ekin aike werek halok, hinebe lopok aike nen aike lebet-lebet ìkì logoino o. Atì'nogo hagatì logogun atì ba nen, wene Karìsùt en ninasuk warogo yakùlnisasike wene a'nogoat higit hogo hagatì logogun atì.

2 KORÌTÙT 9:14

Atì'nogo hogoratì logolìk, it en he, “Ala oabùt hano a'nogo nen, it en apùnì hùkorogo leberisìkì logouagalùk inoabùt atì mene wogisikomo hagarì'lùgì,” ìlùk hinebe inetawì logolìk Ala ayoko hùkorogo hìkì logogun atì.

1 KORÌTÙT 12:26

Nineki ninesok yì mene tì mene ninebe ba hutik welagarek mene, aike an en heinet wato halok he, ninebe abirat heinet watorek o. Nen, nineki ninesok yì mene tì mene ninebe ba hutik welagarek mene, aike apùnì nen hogorato halok he, ninebe abirat hai hakogoregat o.

ÙRÙM 1:11

Hit hinetaùken wurik asuagalùk, Ala Areagùn nen wogisikerek mene atì, hit aike wokhisagalùk hisa wele, akìkì lagì o.

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

PILIPI 2:25

At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

PILIPI 2:27

Ebe re, ou wanhì logolìk wa'la'lep meneat he, an na'la weak werek kolek wa'la'lepma re, hobuk na'la motok weagat asinogo ìlùk, Ala nen at etawiat, nen, an nebe etawiat, logolìk, hanothesikomo ebe se agasik werek atì o.