PILIPI 2:25 - Ala Ane Wene Ket Mene Warogo Wo'ninapike Wene

²⁵ At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

PILIPI 2:25 ပူးပေါင်းရင်းမြစ်များ

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

KOLOSE 1:7

Hano wene atì, at Epaperat ninagaiyak ninetawì mene nen yakùlhisikenem yakùlhigip atì. At ebe re, Ala atitigeke nit ninom higirat logolìk, Karìsùt en ayoko hìlìk, lakhei wagaikomo, nit en yogohisa hak ninobùlù'mo oabùt hùpùn hogo yogohisìlì'logo atì.

PILIPI 4:3

Nen, hat nagaiyak aike Ala eyabu neperak hutik motok hagatì lago a'nogo, it hìmì inebe pìre atì leberisanogolùk yogohetì atì. It hìmì atì ho, ap Kelemen a'nogo ho, it he'nakìt an ninom Ala eyabu omakeat hagatì lago mene amanogo ho, hano wene ninomamerogo ninom yogoisìlìk nìkì lago mene ninetage lopok, at Ala arùesika ba nabùlal-habùlal hagarinabigin mene hugì inetage waganogo hikerek a'nogo ba, waganek werek.

1 KORÌTÙT 3:9

Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

PILEMON 1:24

Nen, an nagaiya'lak Karìsùt hesik hagatì lago mene, Marekùt mel, Arisitarekùt mel, Temat mel, Lukat mel, inebe obogat en hai wathapaat o.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

KOLOSE 4:11

At Yùsìtùt, etage aike Yesùt a'nogo nen, hai wathinapeat o. Inogat inekalìma mene palek mene re, inebe hìnagan atem enek Ala awe a'ma logogun wene a'nogo ninom en yogoisìkì logolìk lebe'niikenem na'la hano arì'logo.

2 KORÌTÙT 2:13

Meneat he, nagaiyak Titut a'nogo neperak apì agì'lek en he, nalabut hìrìk welagagisik he, apùnì atoma mene hai warinaplùk he, o Maketonia wagagi.

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

YOHANET 13:16

Wene aike yì yogohìsak: Ap kain aike inawe a'ma negen werek kolek, at atitigeke mene esin negen welagarek lek o. Atì hak, ap yoko laksikerek mene inawe a'ma negen werek kolegat he, at yoko lagarek mene atì esin negen welagarek motok lek o, ìlùkk eberogoat yogohisìgì.

ÙRÙM 16:3

Nen, aike re, he Perisikila agùn Akwila eperak ninom Karìsùt Yesùt hesik hagatì lagosik wagaika mene a'naga Paùlùt en hai wathinape ìlùk yogoisano o.

ÙRÙM 16:9

At Ùrùpanùt atì ninomat Karìsùt hesik hagatì lagagu mene atì ho, Isitakìt netawì mene atì ho, “At en hai wathinape,” ìlùk yogoisanoat o.

PILIPI 2:26

At a'la akìkì logolìk, “An noba ou wanhìgi a'nogo, nabok it inasuk holhasik, nìkì'nogo hagarì'lùgì,” ìlùk, wenesùgì uan horo ebetì logolìk, “It obogat inoba legein,” ìlùk akìlì'logo.