PILIPI 2:22 - Ala Ane Wene Ket Mene Warogo Wo'ninapike Wene

²² Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.

PILIPI 2:22 ပူးပေါင်းရင်းမြစ်များ

1 KORÌTÙT 4:17

Hit an noabùt wanuageip en ìlùk, naput Timotìùt, nokawerek en tatì mene negen ebe netawì mene hinoba lakhei wagì atì. At he, ninoe Etagepogot eperak hutik logolìk, at hesik oabùt lenurogo hagaterek mene hinoba wìrìk he, mel yakùlhisegein: “At Paùlùt Karìsùt eperak hutik logolìk, it Ala againapùrì o yì awì tì awì atogotarek mene at okawerek hagaterek mene oabùt wanuagalùk, yì'nogo yakùlisikerek,” ìlùk hina'la eberogo yogohisa wesigin o.

2 KORÌTÙT 2:9

An nen, “Hit tì'nogo haga'no,” ìlùk, yakùlhisasigi a'nogo, nane hologo hagarì'lùgì a? Lek a, ìlùk hinoabùt paligìlùk wene atì helal waganogo hinoba lakhei wagagi atì.

1 TIMOTÌÙT 1:18

Timotìùt naput e. An wene yì hasuk warogo yogohesik. It aike nen wene alebat hat hokawerek hesik ìkì logolìk he, “At tì'nogo hagatì logogin,” ìlùk, isukwa hak, hano wene yì hesik, weim inomamerogo yaparek hak, homamerogo yogoisìkì logoino o.

2 KORÌTÙT 8:22

It atem inom hogo, ninagaiyak aike lakhei wagiat o. At atì re, yì hesik tì hesik ninhùp-nanhùp apùnì aike akiluk hogo leberisikenem oabùt enagat palhoresik he, hinoba lakhei wagì atì o. At en he, “It hano hagasugun,” ìlùk etaùken hinoba lakhesikesi'mo nogo nen he, yogotak hit lebethisagalùk a'la motok akiluk hogo waga atì o.

TITUT 1:4

Titut naput e. Hetaùken nit ninom higit hogoat Ala oba hìpìrethìlìk welagen atì ba, an nokawerek naput harat agagin atì. Ninopase Ala ho, ninoe Karìsùt Yesùt telninaperek mene ho, eperak inoabùt hano a'nogo nen, hano mene wokhetìk, hetaùken hapuguthapik, ìkì logouak o.

2 TIMOTÌÙT 3:10

It atì inoabùt atì'nogo enagat asigin meneet he, hat he, an nen wene yakùlisìgìrek mene mel, noabùt hagatìrek mene mel, “Tì'nogo hagasigin,” ìlùk na'la akìgìrek mene mel, netaùken Ala oba hìpìrìk welagìrek mene mel, netaùken uan welagìrek mene mel, apùnì obogat netawìrogo welagìrek mene mel, nepe morogo welagìrek mene mel, hageat en hùthanhì lagenat o.

PILIPI 2:20

It apùnì aike yoma inoabùt hùnogoat hake werek kolek, at Timotìùt aligat oabùt an noabùt hake logolìk, hit hinebe etawìrogo hinoba eberogoat eberek welagarek.

2 KORÌTÙT 8:24

Ala againapùrì aike nen be, “It o Korìtùt mene nen it Titut lak inebe eberogoat inetawì werek,” ìlùk ìgìk, nen, “It Paùlùt lak en it Korìtut mene hano hagasugun ìlùk agaugerinaparek a'nogo eberogoat,” ìlùk ìgìk, uagalùk, it atì hinetawìrogo woginabino o.

2 KORÌTÙT 8:8

An nen, “Hit tì'nogo haga'no,” ìlùk, nane keirogo yogohisìgì lek o. We, it Ala againapùrì o Maketonia yoma mene nen ina'la nen kagalogo it mene atogorogo Ala againapùrì aike atì akiluk hogo leberisìlì'lùgì atì hak, hit an hogo re, it atì hinetawìrogo laberisikenem, “Eberogoat it inetawì werek,” ìlùk enagat asuagalùk yogohisìgì atì.

LAKSASIKE 16:2

Ala againapùrì o Lisitera mene mel, o Ikonìùm mene mel, obogat en he, “Timotìùt oabùt hano,” ìlùk abok hano ìkì lagaukwa.

ÙRÙM 5:4

Ninetaùken wurik agaresik elùgùn oba re, Ala nen ninoabùt palogo hano ikerek. Atì'nogo ikerek oba, hobuk eberogoat hano asigin, ìlùk nina'la hai hakìkì lago.

1 KORÌTÙT 16:10

At Timotìùt a'nogo, an nen ninoe Etagepogot hesik hagatì lagì hak hagarì'logo mene hit hinoba wesigin atì, ebe waga halok he, hit hinom ayù'lek hogo logouak en he, ebe hanorogo wanino o.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

PILIPI 1:12

Nerùgì nagaiya'lak. Wene yì hinelùrogo yogohisak. An yì'nogo haga'napa yì ba re, hano wene lek agì'lek hùkoat arìk lìlì'logo.

PILIPI 1:16

“At Ala nen Paùlùt ayoko hìkì logolìk he, Apùnì nen hano wene atì eberogoat ìlùk akoagalùk pak hogo yogoisìkì logoino, ìlùk ayoko hesikomo hìkì lago,” ìlùk, enagat hùthanìlìk nebe inetawì nen wene at Karìsùt hesik yogoisìlì'lùgì atì.

1 TIMOTÌÙT 4:6

Wene hano wene ninetaùken Ala oba hìpìrethogorek mene a'nogo yakùlhetì lagagumo, hat en wanhìgitik higit hogo hagatì lagenl atì ba hebe kùlaga logolìk he, wene Yogotak yogohetì atì ninerùgì ninagaiya'lak Ala againapùrì mene aike yakùlisìkì logoino. Atì'nogo yakùlisìkì logogin halok he, hat Karìsùt Yesùt atitigeke logolìk, at hesik hanorogo hagatì logogin atì.