PILIPI 2:17 - Ala Ane Wene Ket Mene Warogo Wo'ninapike Wene

¹⁷ Mene re, apùnì nen wam topa wam Ala hisìlìk, warogo lolesuogolùk, opoloba eken amusu pelaparek hak, hit hinetaùken Ala oba hìpìrethìlìk wogotenem, opoloba apùnì nen an nebe warogo namep pelapa halok, an na'la hai hakikenem hit obogat hina'la hai hakasagat o.

PILIPI 2:17 ပူးပေါင်းရင်းမြစ်များ

2 TIMOTÌÙT 4:6

Apùnì nen an nebe Ala hesik namep wulagasogo noasugun oba arat hakok i waga o. Atì'nogo noasumo, an nebe nopase oba lasak higirat agama welagì o.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

2 KORÌTÙT 12:15

Atì hagat he, hit hinetaùken hesik an nagarok yì mene tì mene hikìgìk, nebe mel hikìgìk, netaùken oba nen na'la hai hakìkì logolìk usagat welagì o. An hit hinebe netaùken tùlem werek kolegat he, hit enek he, an nebe hinetawì lek negen logousak nogo?

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

1 YOHANET 3:16

At Karìsùt en tak nit etawì'ninapikesik, ebe nit hesik wa'lagaike atì nen, nit en it apùnì aike inetawìrinaparek wene atì, hùthìkì lago. Hùthìkì logolìk, at hagasike atì hak, nit ninerùgì ninagaiya'lak inebe ninetawì nen, ninebe it hesik wa'lasusak hanoat o.

ÙRÙM 12:1

Nerùgì nagaiya'lak. At Ala ninebe etawì ìlùk wene aike hina'la kagalìk. Ala ako waretì lagaukwa hak, hinebe hineluk meneat, at okawerek hesik hisìlìk, at a'la hanorogo wogotì logoino o. At awe a'ma logolìk he, at hesik hagasusak mene atì'nogoat hagatì logoino o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 TESALONIKA 2:8

Nit en hit hinebe ninetawìrogo welago atì nen, Ala ane atì nek sùpùthisasugu hùk. Lek o. We, hinebe ninetawì motok en, nina'la hai hakìkì logolìk, ninebe inomat wokhisasugu atì.

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

PILIPI 2:18

Atì'nogoat, hit hina'la hai hakikenem, an na'la hai hùkasagat o.

2 KORÌTÙT 4:12

Apùnì nen nit ninagasabeke wa'lasuagalùk haga'ninabì'lùgì atì ba, Ala nen hit hinebe hineluguthinabì'logo atì.