PILIPI 2:16 - Ala Ane Wene Ket Mene Warogo Wo'ninapike Wene

¹⁶ Atì'nogo hagatì logolìk, yì mene tì mene sùpùrogo wogisùogolùk ìnùgisagarek hak, wene apùnì inebe inelugurinaperek wene atì yogoisìlìk nìkì logoino. Atì'nogo yogoisìkì logogun halok, at Karìsùt wesigin atì sat, an nen, “Mep lagai'-lagak hogo nomamerogoat hagatì lagagi mene atì we tùlemat alemarogo hagatì'lek. We, Karìsùt hesik elok hagarogo hisìgìma,” ìlùk nalong asìgìn atì.

PILIPI 2:16 ပူးပေါင်းရင်းမြစ်များ

1 KORÌTÙT 9:26

Atì nenat, an laga lagì atì re, ka legein he, yùgùnat laga lagì hùk. Nelokwe tùkùm laga lagì o. Atì hagat he, apùnì ineki yìkìlogo at aike nen aike watìk, aike nen aike watik, ìkì logolìk alemarogo wele'ma inoatarek lek atì hak, an we yùgùnat hagatì lagì hùk.

KALATIA 2:2

Atì'nogo lagagu atì re, Ala nen, “Hat o Yerusalem at lagousagat o,” ìlùk na'la yogonesike atì nen lagagisik he, hano wene atì it apùnì etakwe mene yogoisìlìk nìgìrek atì. “Wene ebe tì'nogo,” ìlùk sekek hogo yogoisagalùk he, an hageat en, yogotak ya nen, ning hogo hagatì lagì mene atì, we tùlemat haga'lasinogo ìlùk he, it inogogì mene inebe inalepma hisìlìk yogoisasìgì.

1 YOHANET 1:1

Wene helal waganogo hinoba lakhei wago atì ebe re, ebe wene ninelugu'ninaperek mene emakum ero ba nen welagarek a'nogo mene. Wene atì, nit arat ninasuk holhìk, nineileken tomok hìgìk, yerogo welagìk, nineki hakìgìk, isugu mene a'nogoat o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

1 TESALONIKA 3:5

Atì nenat, at Ibilit nina'la kagalherek mene a'nogo nen hina'la kagak wesumo, nit en hit hesik set kalogo hagatì logagu a'nogo tùlemat alema'lasusak atì nabìt e, ìlùk nalabut hìrogo logolìk, netaùken sebelusak mea agama re, “Inetaùken Karìsùt oba hìpìrìgat werek a? Lek a,” ìlùk at Timotìùt en hinoabùt palìk he, yogonesi wesuagalùk, hinoba lakhei wagì atì.

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

LUKAT 12:8

Atì'nogo yogoisasikesik, aike mel yogoisasike: “Sa nen, Yesùt atì an noe o, ìlùk apùnì ineilhanem, pak hogo iko halok he, an abat ta'lasi wagagi a'nogo nen hogo re, At yì an nagot o, ìlùk, it malaikat Ala nen yoko laksa wagarek mene amanogo ineilhanem nane pak hogoat yogoisegein o.

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

1 TESALONIKA 2:19

Nit en he, “Hano asigin,” ìlùk nina'la hai hakìkì lago atì re, sanìlak hesik nogo. Ninoe Etagepogot Yesùt ebe wìrìk, “Hano hagatep,” ìlùk, at eilhanem enagat hinamo ninalong asigin atì, ero kì ba nen nogo. Ero hùnogo mene hesik hùk. Hit hinebe hesigat ninalong asigin o.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

MATÌÙT 10:27

Nen, an nen hit o mùmmo yogohisìgì mene, hit an o lìa ba ìkì logoino. Nen, hinesakoma nane sami-samok yogohisìgì mene atì, hit en o weinamma lagalìk hinane pak hogo yogoisìkì logoino o.

1 KORÌTÙT 1:8

Hobuk warep oba ninoe Etagepogot Yesùt Karìsùt wesigin atì like, hit weak were'ma hisa wesinogo ìlùk, at Karìsùt enat hinetaùken wurigethinapi logogin o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

PILIPI 1:10

Hit atì'nogo hùthìlìk hagatì logogun halok, hina'la nen he, “Yì hano. Hagasusak mene,” ìgìk, “Atì weak. Hagasusak lek mene,” ìgìk, hùthìkì logogun atì. Atì'nogo hagasugun halok, Karìsùt wesigin atì like, ùkùm hinoba lek hogoat, hano tegelek were'ma wesigin atì.