PILIPI 2:14 - Ala Ane Wene Ket Mene Warogo Wo'ninapike Wene

^14-15 Hit en he, at Ala eilhanem ùkùm hinoba legat, nen, weak mene hina'la legat logouogolùk halok he, hinebe Ala againapùrì weak hagatì'lek tegelek motok logolìk, o mùm were'ma hesagal en lìathikerek hak, apùnì yoma inoabùt kolo weak hagatarek mene ina'lakwe lìarogo logolìk, yì mene tì mene hagatì logolìk, “Ninabìt,” ìlùk yìarek-puarek hagatì'legat, wene palhi'legat, hagatì logoino.

PILIPI 2:14 ပူးပေါင်းရင်းမြစ်များ

1 PETERÙT 4:9

Hinerùgì hinagaiya'lak hinom, hit aike nen it aike inaua lagìk, it en hit hinaua wagìk, ìkì logolìk, inebe woginabìk he, hina'la nen, “Nabìt e,” ìlùk akìgì'lek woginapì logoino.

1 KORÌTÙT 10:10

Nen, apùnì it mene aike nen yì anga hù anga palhì lagaukwama re, malaikat pogot oba mene inoaterek mene Ala nen lakhei wagaikomo, apùnì inebe apigat inoasike atì hak, nit ninoasinogo ìlùk, yì anga hù anga palusak motok lek o.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

YAKOBÙT 5:9

Nerùgì nagaiya'lak. Atì'nogo serogo logolìk he, Ala nen ùkùm hinoba heinogo ìlùk, hit-hit ìkì logolìk, “Nagaiyak ari oabùt hagarì'logo nabìt e,” ìlùk inabok palhì'lek logoino o. At Ala nenat ùkùm apùnì inoba hìgìk, kotìk, igin atì, kwe ape ba horok asi waga atì lakhani!

ÙRÙM 12:18

Apùnì obogat hinom hano lapuk hogo logouogolùk, hit hinoabùt hano hagasusak mene higit hogoat hagatì logoino o.

1 TESALONIKA 5:15

Apùnì nen hit aike weagathinapenem en, oko-oko weagarinapì'lek logolìk, hit-hit hesik mel, apùnì obogat hesik mel, inoabùt hanorogo hagatarek atì meneat esinethìkì logoino.

YAKOBÙT 1:20

Apùnì ina'mage weak hagatarek mene atì, Ala a'la walok akikerek mene hagatarek lek.

KALATIA 5:26

Atì'nogo hagatì logolìk, ninokawerek en hogorakìgì'legat, nit-nit aike nen aike ina'la weak asuagalùk hagatì'legat, nit-nit ua palogo aike nen aike ninabìt hisìgì'legat, hagatì logouok o.

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

YAKOBÙT 3:14

Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.

ÙRÙM 14:1

Hinerùgì hinagaiya'lak aike inetaùken Ala oba tùkùm hogo hìpìrethìgì'lek akurat werek mene atì, it inoabùt he, “Yì'nogo hagasusak, tì'nogo hagasusak,” ìlùk egarek mene atì hesik wenagisìgì'legat woginapì logoino o.

YURAT 1:16

It atì apùnì inabok weak palhìk, wenagisìgìk, iko motogat welagaikarek mene. Yì mene tì mene inetaùken nen nikenem, “Namolo,” akìkì logolìk he, atì meneat hagatìk, inokawerek en hogorakìkì logolìk, yì mene tì mene sabùrogo helùogolùk, it aike inane agauk hogo hogorinapìk, egarek mene.

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.

LAKSASIKE 15:2

Wene atì'nogo yakùlisasukwama, at Paùlùt Parenapat eperak en it ap atì mel yogoisasukwa: “Hit en egep atì motok kolo egep o,” ìlùk, inom wene palhìk, serep agìk, apigat isukwa. Wene atì'nogo serep agaukwama re, it atoma mene nen he, Paùlùt Parenapat eperak, it aike inomat o Yerusalem lìlìk he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, inom en wene atì hesik haluagalùk laksùogolùk isukwa.

LAKSASIKE 6:1

Atì sat he, apùnì Yesùt ane wanhukwa mene inebe apigat haga'lagaukwama re, it apùnì inebe Yahuri meneat he, inane re, Yunani mene nen he, mel isukwa: “Apùnì ninhùp-nanhùbat yì mene tì mene sùpùrisìkì logolìk he, hìmì soge nit mene halok halolotsìlì'lùgì atì nahalok,” ìlùk, it Yahuri inawìwerek mene inom wene serep agaukwa.

1 TESALONIKA 5:13

It atì'nogo hagatarek atì nen, hina'la nen he, “Irat ninogogì inetagewerek logouak o,” ìlùk akìkì logolìk, inebe hinetawìrogo logoino. Atì'nogo logolìk he, hit-hit hinoabùt lìok hogo hagatì logoino.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

LAKSASIKE 15:39

Atì'nogo yogosikomo, eperak wene haro weak palhukwasik he, inaleketegat pùgùlhukwa. At Parenapat en he, Marekùt wolok he, imakwe so warogo o Siperùt wagaike.

LAKSASIKE 15:7

Atì'nogo atogosukwasik, wene it aike nen ìgìk, it aike nen ìgìk, hùkoat ìkì lagaukwasik, at Peterùt melarìk he, mel yogoisasike: “Ap sanì. Nagaiya'lak. It apùnì etakwe mene nen wene hano wene inasuk holhìk, ina'la nen eberogoat ìlùk hùthìgìk, uagalùk, an hageat hit ninom were'ma, it atì yogoisa loagalùk Ala nen wena'nabìk nayoko hesike atì, hinelu o.

MAREKÙT 14:5

Amusu yì ba, uang perak apùnì yabu ineki omake hesik hagatenem ineki oka omakìtek wogisagarek a'nogo mene 300 nen wìlìk en he, apùnì inagarok lek mene sùpùrisasak mene,” ìlùk, he a'nogo wenagasukwa.

MATÌÙT 20:11

Atì'nogo wogisiko kolek he, it amanogo uang wanhì logolìk inoabùt uarek-puarek hagatì logolìk he, ap kain eyabu esewerek mene a'nogo mel yogosukwa:

MAREKÙT 9:14

Yesùt en wene atì'nogo yogoisìlìk agoromì ane wanhì lagaukwa mene he'nakìt amanogo inoba pi wagaukwa hak he, apùnì logolegat inera'lu he'na he'na atogorek logolìk, it ap Ala ane helal waganek esewerek mene amanogo inom wene palhenem ineileken isasukwa,

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.