PILIPI 2:12 - Ala Ane Wene Ket Mene Warogo Wo'ninapike Wene

^12-13 Nerùgì nagaiya'lak. Hinebe netawì e. An ninom logolìk, nane ninhùp-nanhùbat ikenem hologo hagatì lagagip atì hagat, an yogotak nebe walegat werek kolek, nane atìat esinethìlìk he, hologo motok hagatì logoino. At Ala nen, hit en hagatì logouageip ìlùk, hina'la kagalogo hagathinapenem, hit hina'la nen he, “Ì, nit atì'nogo hagatì logou walok,” ìlùk ìlìk, Ala a'la walok mene hagatì lagep atì nen, at ebe hinayùk hogo hinoagelekwe lei'-leik ìkì logolìk, “At en telninabigin,” ìlùk atì hesigat hagato motok logoino.

PILIPI 2:12 ပူးပေါင်းရင်းမြစ်များ

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

IBERANI 4:11

It alep Ala ane hologo higit hogo hagatì'lek en, set walìgì'lek atì hak, nit aike it inomanem set walìgì'lek kamo inogo ìlùk, ninomamerogo hagatì logouok o.

1 PETERÙT 2:11

Nerùgì nagaiya'lak. Hinebe netawì e. Hit hinebe ap pok apùnì inaua pùgùlogo lìlìk, atoma logolìk he, yì mene tì mene hina'la nen kagalogo lagai wìrìk, hinetaùken nen nikenem walok akegesep mene atì re, selei mene nen inoatarek atì hak hinebe weagathinabiglìlùk, hina'la nen kagalogo lagai wagarek mene atì heraksìkì logouageip ìlùk yogohisìkì lagi atì o.

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

IBERANI 5:9

Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

IBERANI 4:1

Atì halok he, Ala nen againapùrì set waloagalùk abok yogoisasike mene atì lek agì'lek werek mene atì, hobuk nit set waloagalùk wo'nisegeinmo atoma hit aike kìgì'lek kamo inogo ìlùk hinayùk hogo logolìk higit hogo hagatì logoino o.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.

PILIPI 4:1

Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

2 KORÌTÙT 7:15

At en hit hinebe etawì welaga meneat he, ebe hinoba wagama re, hinayùk agìk, hinoak lei'-leik ìgìk, ìkì logolìgat at ebe wanhesip, at en yogohisikenem, ane hologo hagatep mene atì, hinoba ebethinapì logolìk he, hit obogat hinebe motok etawìthinabì'logo o.

1 KORÌTÙT 2:3

Na'la atì'nogo akasigisik ebetì logolìk, an nokawerek nebe mabenatma nayùk en noagelekwe lei'-leigat hinoba wagagisik welagagi akìgì.

EPESÙT 6:5

Hit apùnì inatitigeke mene nen he, Karìsùt ane hologo hinetaùken omakeat hinayùk hogo logolìk hagatesep hak, hinogogì kaintek inane hologo agauk hogo hagarinapì logoino.

MATÌÙT 11:12

At Yohanet ima pelaginapì laga atì hùlì nen he, yogotak ya hùlì, it inoabùt weak asialoksek mene nen, ninopase Ala nen awe a'ma hisikerek a'nogo inabìt en mabenetsùogolùk inomamerogo walhìlì'lùgì.

LAKSASIKE 9:6

Hebe mela'lùk he, o kota arì lìlìk kìno. Kikenem ap aike nen, Hat tì'nogo haga'no, ìlùk yogohesigin mene werek o,” ìlùk yogotenem,

PILIPI 2:19

Hit aroma hagatì lagep mene hesik, hinabok an nelu arìk na'la hano asuagalùk, netaùken ninoe Etagepogot Yesùt oba hìpìrìk were'ma, at en lebe'niikerek atì ba, at Timotìùt a'nogo hepogat hinoba lakhei wesigìlùk akìkì lagì.

1 KORÌTÙT 4:14

An nen helal wanhì lagì yì re, hit hinekalì wasigìlùk wanhì lagì hùk. We, hit hinebe an ebe nagainapùrì mene negen netawì logolìk hinasuk watì lagì o.

PILIPI 4:15

Hit Ala againapùrì o Pilipi mene nerùgì nagaiya'lak. Emakum, an hano wene yogoisìlìk nìkì logoigìlùk, o Maketonia nen waganem he, Ala againapùrì o he'nakìt en lebe'nììkì lagaukwa lek meneat he, hit enek ninom hutik logolìk, lebe'niikenem helìkì lagagi atì hineluat o.

LAKSASIKE 16:29

Atì'nogo yogosikomo re, esage kìno ìlìk he, humusegat oak lei'-leik inoba kìlìk he, it Paùlùt Silat eperak inawe a'ma soma isike.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.