PILIPI 2:11 - Ala Ane Wene Ket Mene Warogo Wo'ninapike Wene

¹¹ Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

PILIPI 2:11 ပူးပေါင်းရင်းမြစ်များ

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

ÙRÙM 14:11

Ala nen he, mel yogoisasike: “An hinopase Netagepogot neluk motok welagìrek mene nen nane eberogoat yogohisak. Apùnì inebe lopok he, an nawe a'ma ki wìrìk, it en he, Ala harat o, ìlùk inape ba lopok pak hogo yogonesugun o,” ìlùk yogoisasikomo helal waganogo hesukwa.

YOHANET 13:13

Nen, hit en an yogonetì logolìk he, Ninoe Etagepogot wene yakùlnisegetek mene, ìlùk yogonetì lagep atì re, an nebe hinoe Netagepogot wene yaktùlhisìgìrek mene eberogoat halogat ìkì lagep o.

1 YOHANET 4:2

Hit en he, “At atì Ala Areagùn mene a'la werek a? Hùnogoat mene a,” ìlùk inoabut tak palhì logousak atì re, yì'nogo. It aike wìrìk he, “At Yesùt Karìsùt atì, Ala nen lakhei wagaikomo eberogoat abat ta'lasi wagaike,” ìlùk pak hogo egarek mene nen iko halok he, hit en he, “It atì Ala Areagùn ina'la logolìk ìlì'lùgì,” ìlùk, hùrisìkì logousak o.

ÙRÙM 14:9

Wa'lagaukwa mene lek, nineluk mene lek, lapuk hogo hesik, at Karìsùt ninoe Etagepogot logoigìlùk, wa'lagaikesik eluk agaike atì.

1 KORÌTÙT 12:3

Wene yì hinelurogo yogohisak. Apùnì Ala Areagùn ina'la were'ma re: “At Yesùt Ala nen weagathouak o,” ìlùk, homan housak mea o. Nen, Ala Areagùn ina'la lek halok he: “Yesùt he, an noe Etagepogot,” ìlùk usak meat o.

YOHANET 14:13

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

1 KORÌTÙT 8:6

Atì'nogo meneat he, nit ninopase Ala ebe omakeat. Aike lek. Yì mene tì mene obogat at en elalhikomo re, ninebe at hesigat welago. Atì'nogoat, ninoe Etagepogot Yesùt Karìsùt ebe omakearat o. Yì mene tì mene obogat Ala nen elalhike atì, ebe at Yesùt en elalhikesik, ninebe at enat telninapikomo nineluk welago.

ABÌKAKAN 3:5

“Sa nen omame asigin halok he, an kut mane labethegein o. Nen, an it apùnì inelugurinapìrek mane hùgì inetage sùesika ba helal waganek mene terogo laksegein lek. An nopase mel, malaikat yoko laksa wagarek mene mel, ineilhanem, It yì an nagainapùrì o, ìlùk inetage pak hogo yakùlisegein,

MATÌÙT 10:32

Atì'nogo yogoisasikesik, aike mel yogoisasike: “Sa nen, Yesùt atì an noe o, apùnì ineilhanem ane pak hogo iko halok he, an hogo re, At atì an nagot o, ìlùk nopase pogot oba mene eilhanem, nane pak hogo iginat o.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 2:36

At Yesùt ebe re, hit en e ba menhìlìk watepma, at Ala nen he, Hinoe Etagepogot Karìsùt ebe yìat, ìlùk menhike atì. Halok he, hit apùnì Isirael mene obogat en he, Wene atì eberogoat, ìlùk hinelurogo logoino,” ìlùk yogoisasike.

YOHANET 9:22

Atì'nogo yogoisasukwa atì re, it ap kaintek Yahuri mene nen, ìkì logolìk he, “It apùnì inebe lopok en, Ap yì re, Ala nen nit apùnì telninabuagalùk lakhei wesigin isike a'nogo Karìsùt ebe yìat o, ìlùk pak hogo iko halok he, ouma sapan egare'ma nen lisogo wulaksùok o,” ìlùk wene palhukwa mene werek atì nen he, ap atì opase agosa it ap kaintek Yahuri mene inayùk en he,

2 YOHANET 1:7

Atì'nogo hagatì logousak atì re, it apùnì inebe apigat en, “Yesùt Karìsùt atì abat ta'lasi wagì'lek,” ìlùk, lalinaparek mene inebe weinam agaikasik kweangma o yì awì tì awì obogat nùgì atì nen, netawì-hetawìrogo hagatì logousak ìgì atì o. It atì inebe re, Karìsùt inom motok weak logolìk apùnì lalinaparek mene a'nogoat o.

1 KORÌTÙT 15:47

Ala nen emakum ap Aram atì ebe kweang lobulongeke mene elalhikesi'mo re, oabùt kweang meneat o. Meneat he, ap Aram hobuk mene atì pogot oba nenat wagaike.

ÙRÙM 15:9

nen, it apùnì etakwe mene nen Ala nen etawìrinapike atì nen hogoratìk, uagalùk, Yahuri mene inawe a'ma kisike atì. Wene atì hesik Ala ane ba helal mel ìlùk waganogo hesukwama werek: “Atì nen he, an it apùnì etakwe mene ina'lakwe ina'lakwe logolìk, hat hogothapìk, wùnì watì logolìk hapnù wanhìk, ìkì logogin o,” ìlùk isikomo helal waganogo hesukwa.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 13:14

Atì'nogo, an nebe hinoe Netagepogot wene yakùlhisìgìrek mene nen hit hinesok obakwe sobalhinapì halok he, hit en atì'nogoat hit-hit hinesok obakwe sobal-sobal ìkì logousak o.