PILIPI 2:1 - Ala Ane Wene Ket Mene Warogo Wo'ninapike Wene

¹ Nit Karìsùt ninom hutik logolìk, at en ninetaùken ago wa'nisìgìk, ninebe etawìrogo ninetaùken sebelhìk, Areagùn ninom hutik logolìk, lebe'nisìgìk, iko kolek nit-nit agìrogo netawì-hetawìrogo hagatorek atì nen,

PILIPI 2:1 ပူးပေါင်းရင်းမြစ်များ

KOLOSE 3:12

Hit hinebe, Ala nen wenagasogo okawerek hesik hakasikesik he, “An nokawerek nagainapùrì o,” ìlùk, etawìrogo welagarek atì. Halok he, su ket mene labetarek hak, hinoabùt mel mene wanino. Inebe inetawìrinaparek mene atì mel, inoabùt enago welagaikarek mene atì mel, inokawerek en hogorakìgì'lek inetaùken seberogo welagaikarek mene atì mel, inoabùt lìok hogo hagatarek mene atì mel, inepe morogo welagaikarek mene atì mel, hinoabùt atì mene wanino.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

YOHANET 17:13

An nebe hat hea wesigin meneat he, yogotak kweangma ya logolìk, an na'la hai hakìgìrek atì hak, it ina'la hai motok hakoagalùk, wene obogat atì yogohetì o.

1 YOHANET 4:16

Nit en, “Ala nen etawì'ninaperek atì hùthogosik eberogoat,” ìlùk akìkì lago. At oabùt he, etawì'ninapo motok welagarek atì nen, sa nen oabùt he, apùnì etawìrinapo motogat welagarek halok he, Ala nen at eperak hutik motok, nen, at en Ala eperak hutik motok, welagaikarek.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

1 KORÌTÙT 3:16

Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?

ÙRÙM 8:26

Atì'nogo serogo logolìk he, nit ninebe mabenat were'ma re, Ala Areagùn nen lebe'nisìlì'logo. Nit Ala ayoko houogolùk ninane nìkì'nogo u heat ninoake palek were'ma, Ala Areagùn nen apùnì inane ba usak mea mene, etawì ane ba Ala ayoko hìlì'logo.

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

EPESÙT 4:4

Ala nen hinayoko hìkì logolìk he, “An nen hanothinabigin o,” ìlùk, abok omakeat mene yogohisasike hak, at ebe omakeat mene hinom hùnetik, Areagùn omakeat mene wanhìk, isigip atì.

2 KORÌTÙT 2:14

Atì'nogo meneat he, at Karìsùt omame agaikesik elokwe wanho kolek nikenem, nit at ninom hutik mene Ala nen Karìsùt opolik wo'nisek nikerek, ìlùk hogorasuok o. Atì'nogo wo'nisek nìkì logolìk, obasi hano mene sang-pang hogo lagarek hak, at Karìsùt hagasike wene a'nogo nit en wìalogo o yì awì tì awì wolok loagalùk wo'nisek nikerek.

1 KORÌTÙT 15:31

Nerùgì nagaiya'lak. Hinetaùken ninoe Etagepogot Karìsùt Yesùt oba hìpìrethìlìk ninom hutik welago atì nen, an hit hesik nalong agì ìlùk akìkì logolìk mel yogohisak. An he, ninhùp-nanhùp nebe noasuogolùk iko kolek nepe morogo welagì o.

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

YOHANET 14:18

An hogo re, hit hinebe yekerùgì suarek mene negen harakhikalùk legein lek o. We, hobuk napotkwe hisa wesiginat o.

LUKAT 2:25

Ati sat ap o Yerusalem mene aike etage Simeon. At oabùt he, hano, Ala ayùk hogo logolìk, motok higit hogo hagatì lagaike. Atì'nogo hagatì logolìk, apùnì Isirael mene ina'la hanorinabi wesigin mene atì serogo were'ma, Ala Areagùn oba louk isikomo welagaike.