PILIPI 1:7 - Ala Ane Wene Ket Mene Warogo Wo'ninapike Wene

⁷ Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

PILIPI 1:7 ပူးပေါင်းရင်းမြစ်များ

2 KORÌTÙT 7:3

An nen ebalep yogohisìkì logolìk he, “Hit he, hinebe ninetaùken oba lipiksek welagep o. Halok he, ninom wa'lasumo wa'lasusagat o. Nen, ninom nineluk logoumo, logousagat o,” ìlùk atì'nogo isigi atì nen he, yogotak, wene yogohisìgì atì, ùkùm hinoba heigìlùk ìgì lek o.

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.

KOLOSE 4:18

Yì nek he, an Paùlùt nokawerek neki nen helal waganogo hai wathinapì. Hit en he, “Paùlùt eki hele warek werek,” ìlùk noba eberek logoino o. Ala oabùt hano a'nogo nen hakhisek logouak o.

PILIPI 4:14

Elok logousak meneat he, an nelageik were'ma, hit en lebe'neegesep atì hano motok o.

EPESÙT 6:20

Wene atì yogoisìkì logouagalùk at Karìsùt en nayoko hìlìk lakhani wagaikomo an wìrìk yogoisìkì lagì atì hesik neki hele warogo hanhama welagì. Atì'nogo logolìk, an nayù'lek hogo hano wene atì yogoisìkì logousak higit hogoat yogoisìkì logoik en, sapan ìkì logoinoat o.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

LAKSASIKE 20:23

Atì'nogo nokot meneat he, an o kota aike nen aike lagìk ìgìrek atoma obogat at Ala Areagùn nen he, Heki hele watìk, yì aik tì aik hoba hìgìk, ugun o, ìlùk yogoneterek atì nek nelu o.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.

2 PETERÙT 1:13

At ninoe Etagepogot Yesùt Karìsùt en yogonesike hagat, an nebe nagasabeke mene elama hesik welagì yì re, heraksalùk hepok legein hjgit welagì, ìlùk an nelu welagì atì nen he, yogotak nebe neluk welagì ya ba re, wene atì hesik hina'la eberogo yogohisiko motok logousak akìkì lagì o.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

2 TIMOTÌÙT 1:8

Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

1 TESALONIKA 5:5

Apùnì o likene lìa ba welagaikarek hak, hit obogat lìa atì esewerek meneat welagep o. Nit he, o hùako mùmmo welagaikarek hak, atì mene esewerek welago hùk. Lek o.

KOLOSE 4:3

Sapan ìkì logolìk, nit hesik he, mel ìkì logoino: “Ala ninopase. Wene Karìsùt en hagasike wene, alep ha'la hinago welagaike mene a'nogo, it Paùlùt lak en yogoisìlìk nìkì logouagalùk, kwe hùrisano,” ìlùk, sapan nit hesik ìkì logoino. Wene atì hesigat neki hele warogo hanhama yoma welagì.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

2 KORÌTÙT 3:2

Nit wo'ninabuagalùk he, hit hinebeat helal hake waganek nit nina'la were'ma re, apùnì obogat en etage salhìk, hùthinìlìk, usak werek o.

1 KORÌTÙT 13:7

Inetawìrogo logolìk, yì wene tì wene inoba aganem he, inepe morogo welagìk, inetaùken Ala oba hìpìrìk welagìk, hano asigin ìlùk ina'la hai hakìgìk, inetaùken hapuk hogo welagìk, egarek atì.

1 KORÌTÙT 9:23

An it apùnì obogat inoabùt atì'nogo waganogo hagatì lagì atì re, it ninom hano mene esewerek asuogolùk hano wene atì hesigat hagatì lagi o.

LAKSASIKE 21:33

Kama isukwama ap tentara inoe kain a'nogo ebe Paùlùt oba horok hogo lìlìk, ebe hakhìlìk he, agoromì nen posie omaken pìre ba eki hele wasuagalùk yogoisasike. Yogoisasikesik he, “Ap yì sa nogo. Nìkì'nogo hagatomo,” ìlùk hinok wanhike.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

PILIPI 1:12

Nerùgì nagaiya'lak. Wene yì hinelùrogo yogohisak. An yì'nogo haga'napa yì ba re, hano wene lek agì'lek hùkoat arìk lìlì'logo.

PILIPI 1:13

An Paùlùt Karìsùt hesigat neki hele watama, welagì yì ba re, it ap at Kaisat etagepogot aua kìnogo ìlùk, kwe ba kagalek welagaikarek mene obogat mel, it apùnì aike yoma mene obogat mel en he, enagat hùthanì'lùgì.

PILIPI 1:14

An neki hele warogo hanhama welagì yì nen, Ala againapùrì aike inebe hùkokwe inetaùken ninoe Etagepogot oba hìpìrethìlìk wurik arìk he, wene Karìsùt hesik inane ba pak hogo yogoisìkì logousak inayù'lek arì'logo atì.

PILIPI 2:22

Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.

PILIPI 4:3

Nen, hat nagaiyak aike Ala eyabu neperak hutik motok hagatì lago a'nogo, it hìmì inebe pìre atì leberisanogolùk yogohetì atì. It hìmì atì ho, ap Kelemen a'nogo ho, it he'nakìt an ninom Ala eyabu omakeat hagatì lago mene amanogo ho, hano wene ninomamerogo ninom yogoisìlìk nìkì lago mene ninetage lopok, at Ala arùesika ba nabùlal-habùlal hagarinabigin mene hugì inetage waganogo hikerek a'nogo ba, waganek werek.

PILIPI 4:15

Hit Ala againapùrì o Pilipi mene nerùgì nagaiya'lak. Emakum, an hano wene yogoisìlìk nìkì logoigìlùk, o Maketonia nen waganem he, Ala againapùrì o he'nakìt en lebe'nììkì lagaukwa lek meneat he, hit enek ninom hutik logolìk, lebe'niikenem helìkì lagagi atì hineluat o.

PILEMON 1:13

An hano wene yogoisìlìk nìgìrek atì hesik neki hele warogo hanhama werek kolek, hat en lebe'nììkì logou hak, hobùlù'mo at en lebe'nììkì logouagalùk ebe hakhousak meneat he,