PILIPI 1:27 - Ala Ane Wene Ket Mene Warogo Wo'ninapike Wene

²⁷ Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

PILIPI 1:27 ပူးပေါင်းရင်းမြစ်များ

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

YURAT 1:3

Nerùgì nagaiya'lak. Hinebe netawì e. Wene Ala nen hit ninomat telninapike a'nogo hesik wene helal waganogo hinoba lakhei wesigìlùk na'la eberek motok welagarìk he, hobuk netaùken sebelusak mea agama re, wene mel hesik lakhei wagì atì. Atì re, it apùnì aike Ala ebe inabìt mene nit ninoake palek werek kolek nina'la ki wìrìk he, Ala oabùt hano nen wo'ninaperek mene atì, it en lagak hogo wene hùnogo mene yogohisìkì logolìk he, “Weak mene yùgùnat hagatì logousak,” ìlùk, ninoe Etagepogot Yesùt Karìsùt omame apik a'nogo ebe heraksìlìk, hagarì'lùgì atì. Atì'nogo hagarì'lùgì atì nen, Ala nen he, “Ùkùm tì'nogo inoba hegein,” ìlùk isikomo hageat en helal waganogo hesukwama werek. Wene Ala nen omake hesigat nit againapùrì wo'nisasikomo ninetaùken oba hìpìrìk welago atì mene, it atì nen legethouogolùk ikenem, hit en elele waganogo hinomamerogo hesogo logouageip ìlùk hina'la kagalogo lakhei wagì atì.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

PILIPI 2:12

Nerùgì nagaiya'lak. Hinebe netawì e. An ninom logolìk, nane ninhùp-nanhùbat ikenem hologo hagatì lagagip atì hagat, an yogotak nebe walegat werek kolek, nane atìat esinethìlìk he, hologo motok hagatì logoino. At Ala nen, hit en hagatì logouageip ìlùk, hina'la kagalogo hagathinapenem, hit hina'la nen he, “Ì, nit atì'nogo hagatì logou walok,” ìlùk ìlìk, Ala a'la walok mene hagatì lagep atì nen, at ebe hinayùk hogo hinoagelekwe lei'-leik ìkì logolìk, “At en telninabigin,” ìlùk atì hesigat hagato motok logoino.

PILIPI 3:18

An alep he, neki hobugalep yogohisasigi hagat, yogotak nane etenogo yogohisagat. Apùnì inebe logolegat en, “Karìsùt nit hesik e ba menhìlìk wasukwa a'nogo, ninabìt,” ìlùk inom weim palek negen logolìk inoabùt kolo hagarì'lùgì mene atì hesik inouak le aga logolìk yogohisìkì lagì.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

2 PETERÙT 3:11

Yì mene tì mene obogat atì'nogo lek asigin atì nen, hit hinoabùt nìkì'nogo hagatì logousak akegep. Ala nen hagasigin atì like pogot etu houmo re, amulok en heleleng hogo nìkìk, yì mene tì mene ero inom tamuk-tamak hogo nìkìk, igin atì nen, weak hagatì'lek tegelek logolìk, hinebe Ala hesik hisìlìk, at ebe serogo logolìk, ebe hepok wesuagalùk akiluk hogo hagatì logoino o.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

ÙRÙM 1:16

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

YAKOBÙT 3:18

E hano mene awì yatenem, eken hano ìterek atì hak, apùnì inoabùt lìoksek logolìk, it aike inom lìok hogo logouagalùk lapulinapenem inoabùt higit hogo hano hagatarek atì.

TITUT 2:10

inagarok mene yogot wanhì logousak lek. We, inoabùt enagat hùtsoagalùk, yì mene hesik tì mene hesik lenurogo higit hogo hagatenem, it apùnì aike nen Ala telninaperek mene a'nogo abok ìkì logolìk, “At ane yakùlnisìlì'lùgì atì hano,” ìlùk, ìkì logouagalùk, inoabùt atì'nogo hagatì logousak.

2 TIMOTÌÙT 4:7

Sa awewerek, sa awewerek lagaikarek hak, an netaùken Ala oba hìpìrìk motok logolìk, at hesik nomamerogoat hano hagarìk waga lagarìk he, hùlì ba arat asi wagì o.

1 TIMOTÌÙT 1:19

It aike nen, “Wene atì eberogoat,” ìlùk wanharesik, ina'la selek logousak meneat he, hobuk weak hagarì'lùgì atì nen, so ima wula'lak hogo pikerek hak, heia paga atì. Hat atì hake hagatì'lek, ha'la nen, “An weak aike hagatì'lek, na'la selek welagì,” ìlùk hetaùken Ala oba hìpìrethìlìk homamerogo hagatì logoino,

1 TIMOTÌÙT 1:11

Nen, wene atì higit hogo, hano wene a'nogo an nen yogoisìlìk nìkì logouagalùk noba hesike. Hano wene atì re, Ala hogoratìk, hai watìk, ogorek mene a'nogo aneat o.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

MATÌÙT 12:25

at Yesùt en it ina'la akasukwa mene enagat hùrisìlìk he, mel yogoisasike: “Ap kaintek inetagepogot inagoromì inawe a'ma hagisek welagaikarek obakwe lopok, it-it inom hùlìthakìlìk, inom weak logogun halok he, maben asugun o. Nen, apùnì inawì sili lopok omakeat mene mel, ap inebe lopok inagainapùrì mel, inom hùlìthakìlìk inom weak logogun halok, weak asugunat o.

1 TESALONIKA 3:6

Nen, at Timotìùt hinoba lakhei wagìma wagasik a'naga, yogotak apotkwe ninoba wagasik he, hit hinetaùken Karìsùt oba hìpìrìk logolìk, apùnì aike hinetawìrogo hagatì lagep mene atì yogonisìgìk, nit en: “It ninom apì a'lo e,” ìlùk walok akìkì lago hak, hit en atì'nogoat ninoba eberek motok logolìk, “It inoabùt hano a'nogo ninom api a'lo e,” ìlùk, akìkì lagep mene atì, yogonisa wagama re, nina'la hai hakìkì lago.

PILIPI 2:24

At ebe lakhei wìrìk he, an netaùken ninoe Etagepogot oba hìpìrìk welagì atì ba, at en lebe'niikenem he, nebeat hepok wesigin ìlùk akìkì lagì.

EPESÙT 1:15

Ati nen he, hit hinetaùken ninoe Etagepogot Yesùt oba hìpìrethìlìk, Ala againapùrì aike obogat hinetawìrogo hagatì lagep mene atì, apùnì aike nen hinabok ikenem nasuk holhì.

EPESÙT 1:13

Atì hagat he, hit en wene ebe wene, hano'ninaperek wene a'nogo hinasuk holhigisip he, hinetaùken Karistùt oba hìpìrethesigipmo re, Ala nen he, “Nareagùn wokhisegein,” ìlùk, abok yogonisasike higit hogoat, “It an nokawerek nagainapùrì o,” ìlùk Areagùn wokhisasike atì.

KALATIA 1:7

Ebe re, wene hano wene hunigat aike welagarek le'maat o. Meneat he, it apùnì aike nen hano wene Karìsùt en hagasike wene atì mene hùnogoat hagarogo lalhinabuogolùk yogohisìlì'lùgì atì nenat ìgì o.

2 KORÌTÙT 9:13

Atì'nogo leberisìkì logogun atì ba, it Ala againapùrì o Yurea mene nen he, “It apùnì Korìtùt mene Karìsùt hagasike wene hano wene a'nogo wanhukwasik, Ninoabùt higit hogo hagatì logogun o, ìlùk isukwa higit hogoat hagarì'lùgì. Atì'nogo hagatì logolìk it mene aike inamùkwì agì'lek nit lebe'nisìgìk, it aike obogat leberisìgìk, ega o,” ìlùk hinoabùt enagat palhìlìk Ala hogorasugunat o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

ÙRÙM 15:29

An arat hisa wagì halok he, at Karìsùt en hit hesik wo'nesike mene obogat wokhisa wesigin akìgì.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

ÙRÙM 10:8

Halok he, wene atì mel akalùk isike: “Ala ane atì ebe horogat werek o. Atì hape ba mel, hetaùkenma mel, werek o,” ìlùk isike atì, apùnì nen inetaùken Ala oba hìpìrethousak wene nit en yogohisìkì lago atì hesigat isike o.

ÙRÙM 1:9

Atì'nogo hai watì logolìk he, hit hesik kamo ìgì'lek sapan ikoat welagì mene, at Ala elu o. An Ala awe a'ma logolìk, hano wene at aput hagatì lagaike wene atì apùnì yogoisìlìk nìgìrek atì, netaùken oba nen, at Ala hesik hagathisìkì lagì o.

ÙRÙM 1:5

At wa'lagaikesi'mo nen Ala Areagùn nen eluguthesike atì ba, an nen yì apùnì tì apùnì inùkùl etage lopok inetaùken at Yesùt oba hìpìrethìlìk ane hologo hagati logousak mene yakùlisikenem, at etage hùko asuagaluk Ala oabùt hano nen nayoko hìlìk lakhani wagaike o.

LAKSASIKE 24:24

At Pelìkìt en atì'nogo, “Serogo logoino,” ìlùk yogosikesik, ineki hamùlùgat welagaukwasik en, at agwe etage Terusila, he ebe Yahuri mene. Wolok wagaikesik he, agoromì nen Paùlùt wani loagalùk yogoisasikomo lagaukwasik ebe wolok wagaukwama re, at Paùlùt en apùnì inetaùken Karìsùt Yesùt oba hìpìrìk welagaikarek wene atì yogoisikenem, Pelìkìt asuk holek welagaike.

PILIPI 3:20

Atì'nogo meneat he, nit ninawì ero pogot oba werek o. Ninawì eroma atoma nen, ninoe Etagepogot Yesùt Karìsùt hobuk telninabi wesigin atì serogo welago.

PILIPI 4:1

Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.