PILIPI 1:26 - Ala Ane Wene Ket Mene Warogo Wo'ninapike Wene

²⁶ Logouogolùk, an hobuk hinoba wesumo re, hit Karìsùt Yesùt hinom hutik logolìk hina'la nen he, “Paùlùt ninom welago,” ìlùk, an hesik hinalong arìk hina'la hai apik hakogoin atì.

PILIPI 1:26 ပူးပေါင်းရင်းမြစ်များ

2 KORÌTÙT 5:12

Atì re, hit en nit hogo'ninabuageip ìlùk ninokawerek en agaugerakìkì lago lek o. We, it apùnì aike inetaùken hesik he, hogorakìgì'lek, inogat etakwe hesik hogorakikenem he, hit en oko nit ninabok hano ìkì logolìk agauge'ninabuageip en ìlùk yogohisìgì o.

PILIPI 4:4

Halok he, nerùgì nagaiya'lak. Hit ninoe Etagepogot hinom hutik logolìk, ninhùp-nanhùbat hina'la hai hakiko motok logoino. Hobuk nane etenogo yogohisagat: Hina'la hai hakikoat logoino.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

PILIPI 4:10

Hit alep, an noba eberìk lebe'neasigisip en, hobuk noba eberek welagep meneat he, nìkì'nogo lebe'nea heat welagasip en yogotak lebe'neegep atì nen ninoe Etagepogot neperak hutik logolìk na'la hai apik hakìkì lagì.

PILIPI 3:1

Nerùgì nagaiya'lak. Wene ato yogohisak en he, ninoe Etagepogot hinom hutik logolìk, hina'la hai hakìkì logoino, ìgì atì. It aike nen weagathinapì'lek hinebe hano logouageip ìlùk, wene alep helal waganogo lakhei wagagi meneat, nape ale agì'lek hobuk nane etenogo yogohisegeinat o.

2 KORÌTÙT 7:6

Were'ma re, at Ala oabùt he, apùnì nen, “Niki'nogo hagasugun,” ìlùk ina'la weak arì'mo ina'la hanorinaperek a'nogo nen, at Titut lakhei wagama wagasik atì ba na'la hano'nape.

YOHANET 16:24

O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

YOHANET 16:22

Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

2 KORÌTÙT 7:14

An nen alebat Titut yogotì logolìk he, “It hobuk hano hagasugun,” ìlùk agaugethinapì lagagi hak hagatepma re, an nekalì agì lek o. Nit en yì wene tì wene eberogoat enek yogohisasugu hak, at Titut yogotì logolìk hit agaugethinapugu atì re, eberogoat o.

KALATIA 6:4

Hinebe lopok hinokawerek enat, “An hano hagatì lagì a? Weak hagatì lagì a,” ilùk, hinoabùt palìlìk he, “Hano hagatì lagì,” ìlùk, akegep halok he, elok hogorakasagat o. Atì'nogo meneat he, nit hagatì lago mene atì, ninokawerek ninoba lopok enat usak atì nen he, “It aike hagarì'lùgì atì weak. Nen, an hagatì lagì nek he, esin,” ìlùk usak lek o.