PILIPI 1:21 - Ala Ane Wene Ket Mene Warogo Wo'ninapike Wene

²¹ Atì'nogo welagì atì nen, na'la nen he, nebe neluk welagìrek atì, Karìsùt hesigat. Nen, wa'laganem he, hano mene sabùregein atì.

PILIPI 1:21 ပူးပေါင်းရင်းမြစ်များ

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

2 KORÌTÙT 5:8

Atì nenat nina'la se welago. Ninogat yì kopologo heraksalùk, ninoe Etagepogot were'ma kìlìk ninom logou walok e, akìkì lago.

2 KORÌTÙT 5:1

Apùnì inawì wùrìk mesalaganem hobuk ket wùtarek hak, nit ninogat kweangma elama hesik welago yì, wa'lago halok he, pogot oba ninebe ninesok motok logogin mene apùnì nen agauak hagatì'lek mene Ala nen hagarogo hinegein mene werek o, ìlùk hùthìkì lago.

PILIPI 1:23

An hagasusak mene wene pìre werek atì nen, netaùken pìre arì'logo. An wa'larìk he, Karìsùt neperak logoumo hano. Ebe hano motok atìat o.

KOLOSE 3:4

Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.

2 KORÌTÙT 5:6

Atì'nogo logolìk, hobuk hano asigin, ìlùk nina'la se welago. Apùnì o hobuk wùrì'mo logouogolùk alep wùrì'mo welagaikarek hak, ninogat yì mene ba logolìk he, ninoe Etagepogot aua ninom logogun oba atì walegat welago, ìlùk ninelu.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

ABÌKAKAN 14:13

Wene atì'nogo ikenem holhìrìk oba nen, opolik he, pogot oba nen ane mel yogonetenem nasuk holhì: “Yogotak apùnì ninoe Etagepogot inom hutik logolìk, at hesik hano hagatenem inoasugun mene, ina'la motok hai hakogoin o, ìlùk helal waganogo heino o,” ìlùk yogonetenem Ala Areagùn pogot oba nen ane hùkorogo mel yogonete: “Atì eberogoat o. It apùnì atì Yesùt hesik set kwìl-kwal hogo hagatì lagaukwa mene atì, ebe hagasukwa mene wolok logoin atì nen, set hano walogoin o,” ìlùk yogonetenem nasuk holhì.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

PILIPI 2:21

At atì'nogo werek kolek, it apùnì atì inebe obogat enek he, Yesùt Karìsùt hesik hagatì'lek logolìk, inokawerek hesik esinethìlìk hagarì'lùgì o.

PILIPI 1:22

Nebe kweangma yoma neluk logolìk Ala eyabu hobuk hùkorogo hagasusak welagì atì nen, neluk logousak he a? Wa'lasusak he a. Kì mene aigerasik he, nokot arì'logo.