PILIPI 1:20 - Ala Ane Wene Ket Mene Warogo Wo'ninapike Wene

²⁰ An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

PILIPI 1:20 ပူးပေါင်းရင်းမြစ်များ

1 PETERÙT 4:16

Meneat he, apùnì aike nen, “Hat Karìsùt agot, hebe Kerisiten mene,” ìlùk yì aik tì aik hagathinapa halok, hinekalì agùp o. “We, an Karìsùt agot halogat at etage mene an netage salogo yogonerì'lùgì atì hanoat o,” ìlùk Ala hogoratì logoino.

1 KORÌTÙT 6:20

Ala nen he, hinebe oko arat katok hogo palogo wokhinapikomo welagep atì nen he, apùnì nen Ala hogorasuagalùk he, hinebe at hesik hano hagatì logoino o.

1 TESALONIKA 5:23

Atì'nogo were'ma, at Ala ninetaùken hapuguthiaikerek mene a'nogo nen, hinebe abireke okawerek hesik hakìlìk logouak o. Were'ma, ninoe Etagepogot ebe waganem, hinetaùken mel, hinebe mel, hinoabùt mel, ùkùm hinoba housak motok lek tegelek were'ma wesuak en, at enat hakhisek logouak o.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

PILIPI 2:17

Mene re, apùnì nen wam topa wam Ala hisìlìk, warogo lolesuogolùk, opoloba eken amusu pelaparek hak, hit hinetaùken Ala oba hìpìrethìlìk wogotenem, opoloba apùnì nen an nebe warogo namep pelapa halok, an na'la hai hakikenem hit obogat hina'la hai hakasagat o.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

2 KORÌTÙT 10:8

Ninoe Etagepogot en he, an nen weagathinabuagalùk esewerek hanhomo hùk. We, hinetaùken wurigethinabuagalùk, esewerek hanhomo welagì atì hesik apik hogorakìkì lagì halok he, nekalì asigin lek o.

2 KORÌTÙT 4:10

Atì'nogo wa'lagì'lek welago atì ba, at Yesùt ebe wa'lagaikesik eluk agaikesik he, nit nina'la eluk welagarek atì, enagat asuagalùk, at wasukwa hak, nit ninhùp-nanhùp ninoasuogolùk ikenem telninaperek atì.

1 KORÌTÙT 7:34

Atì'nogo ebetì logolìk he, inetaùken pìre agarek atì. Hìlìmìkìrùgì inagonì lek salisik mene atì re, inebe mel, inetaùken mel, ninoe Etagepogot hesik logouogolùk he, at hesik esinethìlìk ina'la ebetarek atì. Mene re, it hìmì inagonì werek mene atì re, inagonì ina'la hano asuagalùk, it hesik yì mene tì mene kweangma mene esinethìlìk ina'la ebetarek atì.

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

ÙRÙM 12:1

Nerùgì nagaiya'lak. At Ala ninebe etawì ìlùk wene aike hina'la kagalìk. Ala ako waretì lagaukwa hak, hinebe hineluk meneat, at okawerek hesik hisìlìk, at a'la hanorogo wogotì logoino o. At awe a'ma logolìk he, at hesik hagasusak mene atì'nogoat hagatì logoino o.

PILIPI 1:14

An neki hele warogo hanhama welagì yì nen, Ala againapùrì aike inebe hùkokwe inetaùken ninoe Etagepogot oba hìpìrethìlìk wurik arìk he, wene Karìsùt hesik inane ba pak hogo yogoisìkì logousak inayù'lek arì'logo atì.

2 KORÌTÙT 7:14

An nen alebat Titut yogotì logolìk he, “It hobuk hano hagasugun,” ìlùk agaugethinapì lagagi hak hagatepma re, an nekalì agì lek o. Nit en yì wene tì wene eberogoat enek yogohisasugu hak, at Titut yogotì logolìk hit agaugethinapugu atì re, eberogoat o.

2 KORÌTÙT 5:15

Nit obogat hesik wa'lagaike atì re, nit ninebe ninokawerek hesik nineluk logouagalùk wa'lagaike hùk. We, nit ninebe at hesik logouagalùk, at ebe nit hesik wa'lagaikesik en apotkwe eluk agaike atì.

1 KORÌTÙT 15:31

Nerùgì nagaiya'lak. Hinetaùken ninoe Etagepogot Karìsùt Yesùt oba hìpìrethìlìk ninom hutik welago atì nen, an hit hesik nalong agì ìlùk akìkì logolìk mel yogohisak. An he, ninhùp-nanhùp nebe noasuogolùk iko kolek nepe morogo welagì o.

ÙRÙM 9:33

Wene atì hesik Ala nen he, mel isike: “An o Sion atoma helep hake aike hìgì yì hani! Helep atì ba apùnì inesok a'lip temuk hogo warìlìk, tukwak hogo laga logogun o. Meneat he, hinebe lopok hinetaùken at oba hìpìrethogoin mene hùgì hinekalì hogoin motok lek o,” ìlùk isikomo helal waganogo hesukwa.

ÙRÙM 6:19

Hit hinoabùt he, wene yogohisìgì atì hùthasak mea hake nen, hùthoageip en ìlùk he, apùnì inatitigeke logolìk hagatarek mene inoba lìrogo yogohisìkì lagì atì. Hit alep he, hineki hinesok hinebe ha welagarek mene aike inom obogat he, weak mene atitigeke salek wogorìk, yùgùnat hagatìk, hinasuk ware'lek yì weak tì weak hagatìk, ìkì lagagip atì. Atì hagat he, yogotak hit hineki hinesok hinebe ba welagarek mene aike inom obogat he, Ala okawerek hesik hisìlìk higit hogo hagatì logouogolùk, at wogotì logoino o.

ÙRÙM 6:13

Hineki hinesok hinebe ba welagarek mene aike inom obogat he, weak mene asike arìge negen arìk he, weak hagatì logouagalùk, at wogotì logogùp. Hinebe warek hake were'ma Ala nen hineluguthinapikomo hineluk logolìk hagasusak higit hogoat, hinebe abirat Ala wogo'ni o. Hineki hinesok hinebe ba welagarek mene inom aike obogat he, at asike arìge negen arìk he, higit hagatì logouagalùk Ala wogo'ni o.

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

YOHANET 21:19

ìlùk wene atì'nogo yogosike atì re, at Peterùt hobuk tì'nogo hagarogo wasugun oba Ala hogorasugun mene hesik yogosike atì. Atì'nogo arat yogosikesik he, aike mel yogosike: “An nopolik nìkì logoino,” ìlùk yogosike.

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

2 KORÌTÙT 3:12

Hobuk atì'nogo hano asigin ìlùk, nina'la hai hakìkì logolìk he, wene ninayùk motok legat yogoisìkì lago o.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.