PILIPI 1:15 - Ala Ane Wene Ket Mene Warogo Wo'ninapike Wene

¹⁵ It atì o'moko nen ina'la kolo arìk he, an noba ua palhì logolìgat, yogoisìlì'lùgì atì. Meneat he, it o'moko nen ina'la hano logolìk he.

PILIPI 1:15 ပူးပေါင်းရင်းမြစ်များ

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

2 KORÌTÙT 11:13

It atì re, Karìsùt en inayoko hìlìk laksa wagaike mene hùk. We, at en laksa wagarek mene negen hagarogo wìrìk apùnì lalinabì'lùgì meneat o.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.

MATÌÙT 23:5

It en yì hake tì hake hagarì'lùgì atì obogat he, Apùnì nen ye'nisek logouak, ìlùk, ina'la akìkì logolìk hagarì'lùgì o. It en he, Sapan ìkì lagì, ìlùk, Ala ane sùesika ba helal waganogo ineilha ba homatarek a'nogo, it en hùkorogo homatìk, su etakwe mene hùnogoat labetarek a'nogo, it en su o'lu uan hogo karogo labetìk,

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

1 KORÌTÙT 13:3

Yì mene tì mene an nekim mene obogat apùnì inagarok lek mene sùpùrisìgìk, nebe motok warogo halì noagalùk neram enat ìgìk, ìkì logolìk meneat he, apùnì aike inebe netawìrogo logogin lek halok he, we, tùlemat alemarogo ìkì logousak o.

1 KORÌTÙT 1:23

nit enek he, Karìsùt e ba menhìlìk wasukwa wene a'nogoat yogoisìkì lago. Yogoisikenem he, it apùnì Yahuri mene nen, “Wene atì weak,” ìlùk kobologo heraksìgìk, nen, it apùnì etakwe mene nen he: “Wene atì, apùnì kepù mene nen egarek hake ìlì'lùgì,” ìlùk hebisìgìk, ìlì'lùgì o.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 8:35

Atì'nogo yogosikomo re, at Pilipùt en hano wene Yesùt hagatì lagaike wene yakùlesigìlùk, wene ero helal waganek atì ba nen pìlìngìrogo yogorìk pisike.

LAKSASIKE 5:42

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.

LAKSASIKE 8:5

Atì'nogo yogoisìlìk pùgùlhì logolìk he, at Pilipùt o kota Samaria atoma wagaikesik, wene mel yogoisasike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo, ebe lakhei wagama wagasik tì'nogo hagate,” ìlùk abok yogoisìkì lagaike.

ÙRÙM 2:8

Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.