PILIPI 1:12 - Ala Ane Wene Ket Mene Warogo Wo'ninapike Wene

¹² Nerùgì nagaiya'lak. Wene yì hinelùrogo yogohisak. An yì'nogo haga'napa yì ba re, hano wene lek agì'lek hùkoat arìk lìlì'logo.

PILIPI 1:12 ပူးပေါင်းရင်းမြစ်များ

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

ÙRÙM 8:37

Atì'nogo meneat he, Ala ninebe etawì nen ninoe Etagepogot Karìsùt Yesùt wo'nisasikomo ebe wa'lagaike atì ba ninom hutik were'ma ninebe wa'lasumo mel, nineluk logoumo mel, atì nen hek hogo hinasak mea o. Malaikat pogot oba yoko negarek mene atì inom, pogot oba inomame werek mene aike atì inom en, hek hogo hinasak meat o. Yì mene tì mene yogotak haga'lagarek mene mel, hobuk haga'lasigin mene mel, atì nen hek hogo hinasak meaat o. Nen, omame werek mene aike nen hek hogo hinasak meaat o. Nen, yì mene tì mene pogot oba welagarek mene mel, a'ma baga welagarek mene mel en, hek hogo hinasak meaat o. Nen, Ala nen walhasike mene hunigat mene aike nen hek hogo hinasak meaat o. At Ala nen ninebe etawì'ninapikomo, Karìsùt Yesùt hagasike atì ba, obogat atì'nogo weak haga'ninapenem nit hek hogo hinasak mea o. We, apùnì wùlì tagalogo inoarìk inomame agaikarek hak ninomame agorek ìlùk hùthìkì lagì o.

LAKSASIKE 8:4

Atì'nogo hagarinapo kolek, it pùgùlogo lagaukwa mane amanogo o yì awì tì awì laga logolìk he, hano wene a'nogo yogoìilìk pùgùlhukwa.

LUKAT 21:13

Atì'nogo hagathinabugun atì ba re, an hagatenem hineileken nììkì lagep mene yì abok pak hogo yogoisoagalugat hanoasuak haga'lasigin o.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

PILIPI 2:22

Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.

PILIPI 4:3

Nen, hat nagaiyak aike Ala eyabu neperak hutik motok hagatì lago a'nogo, it hìmì inebe pìre atì leberisanogolùk yogohetì atì. It hìmì atì ho, ap Kelemen a'nogo ho, it he'nakìt an ninom Ala eyabu omakeat hagatì lago mene amanogo ho, hano wene ninomamerogo ninom yogoisìlìk nìkì lago mene ninetage lopok, at Ala arùesika ba nabùlal-habùlal hagarinabigin mene hugì inetage waganogo hikerek a'nogo ba, waganek werek.

PILIPI 4:15

Hit Ala againapùrì o Pilipi mene nerùgì nagaiya'lak. Emakum, an hano wene yogoisìlìk nìkì logoigìlùk, o Maketonia nen waganem he, Ala againapùrì o he'nakìt en lebe'nììkì lagaukwa lek meneat he, hit enek ninom hutik logolìk, lebe'niikenem helìkì lagagi atì hineluat o.

1 TIMOTÌÙT 2:8

Nen, o yì awi tì awi sapan ìkì logolìk, it ap en he, ineki nen aike weak hagatì'lek, ina'mage lagagì'lek, wene serep agì'lek, tegelek logolìk, sapan ìkì logouagalùk, yakùlisasak ìlùk na'la walok akìgìrik en yogohetì atì.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.