PILIPI 1:11 - Ala Ane Wene Ket Mene Warogo Wo'ninapike Wene

¹¹ Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 1:11 ပူးပေါင်းရင်းမြစ်များ

IBERANI 12:11

Ninasuk wato kolek atemat nina'la hano agarek lek. We, nina'la weak agarek meneat he, hobuk ninasuk watarek atì ba, ninasuk warek welagorek mene hùgì, yì mene tì mene eken ìterek atì hak, ninoabùt hano lìoksek logolìk higit hogo nek hagatì logogun atì.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

PILIPI 4:17

Mene re, atì'nogo lebe'nììkì lagep meneat he, la'nesi waganem wanhì logousak atì hesik esinethìkì lagì hùk. We, hit oko sabùra hak he, Ala nen ebe mene wokhisikenem hit ese asuageip ìlùk esinethìkì lagì o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

2 TESALONIKA 1:12

Ninopase Ala, ninoe Etagepogot Yesùt Karìsùt eperak inoabùt hano a'nogo nen hagathinapenem atì'nogo hagatì logogun atì nen, hit en he, ninoe Etagepogot Yesùt etage palogo agaugeratìk, at en he, hit agaugethinapìk ugun atì.

EPESÙT 5:9

E ero hano mene nen eken hano meneat ìterek hak, apùnì o lìa ba logolìk yì mene tì mene hanorogo higit hogo inetaùken oba nen eberogoat hagatarek atì.

EPESÙT 1:14

Ala nen he, “An nen tì'nogo wokhisegein, ìlùk abok yogohisasigi mene atì, hobuk wokhisagalùk, Nareagùn lilu wokhisasigisik hinebe telogo wokhinabiginat o,” ìlùk yogonisasike. Atì'nogo yoganisasike atì nen, Ala hogorato motok welagaikarek mene atìat hogoratì logouok o.

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

1 PETERÙT 4:14

Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

EPESÙT 1:12

At ebe hogorato motok welagaikarek mene a'nogo, nit en hogoratì logouagalùk, ninetaùken emakum Karìsùt oba hipìrethesugu mene hùgì weteberogo wo'ninapike atì.

2 KORÌTÙT 9:10

At Ala nen it awì yatarek mane awì wogisìgìk, sùpùrùk ebe noagalùk wogisìgìk, ikerek atì. Atì'nogoat, at enat, awì yasuagalùk palisagarek hak, hinoabùt it aike leberisìkì logousak atì mene wokhisìgìk, nen awì yatenem eken hukorogo isu hak, it aike hinetawì nen leberisikenem hùkothigìk, igin o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

ÙRÙM 15:28

Atì'nogo arat hisaga mene atì, an nen it Yerusalem mene arat wogisa lagì halok he, o Isipainol lagalùk waga logolìk, hinoba ha'larìk wesigin o.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.