PILIPI 1:10 - Ala Ane Wene Ket Mene Warogo Wo'ninapike Wene

¹⁰ Hit atì'nogo hùthìlìk hagatì logogun halok, hina'la nen he, “Yì hano. Hagasusak mene,” ìgìk, “Atì weak. Hagasusak lek mene,” ìgìk, hùthìkì logogun atì. Atì'nogo hagasugun halok, Karìsùt wesigin atì like, ùkùm hinoba lek hogoat, hano tegelek were'ma wesigin atì.

PILIPI 1:10 ပူးပေါင်းရင်းမြစ်များ

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

1 TESALONIKA 3:13

Atì'nogo hagathinapì logopik he, ninoe Etagepogot Yesùt okawerek agoromì inom at waganem he, hinebe ninopase Ala okawerek hesik hisìlìk, at eilhanem ùkùm hinoba lek hano tegelek were'ma hisa wesuak en, hinetaùken wurigethinapì logouak o.

1 TESALONIKA 5:23

Atì'nogo were'ma, at Ala ninetaùken hapuguthiaikerek mene a'nogo nen, hinebe abireke okawerek hesik hakìlìk logouak o. Were'ma, ninoe Etagepogot ebe waganem, hinetaùken mel, hinebe mel, hinoabùt mel, ùkùm hinoba housak motok lek tegelek were'ma wesuak en, at enat hakhisek logouak o.

ÙRÙM 2:18

Hit en he: “Ala a'la nen he: Yì'nogo hagasuak, tì'nogo hagasuak, ìlùk a'la akikerek atì ninelumo re, Atì hano, atì weak, ìlùk Ala nen ninasuk wasike wene hùthìlìk en higit hogo hagasusak,” ìlùk hùthegesep atì.

EPESÙT 5:10

Hina'la nen he, “Ninoabùt nìkì'nogo hagatì logogun oba ninoe Etagepogot oba lìok igin,” ìlùk, hina'la hùthìlìk, hinoabùt atì meneat yakùlino.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

1 TESALONIKA 5:21

Yì mene tì mene wanuogolùk, “Yì hano, yì weak,” ìlùk hina'la nen walhìlìk, hano mene halogat, hineki ning hogo hesogo logolìk,

1 KORÌTÙT 1:8

Hobuk warep oba ninoe Etagepogot Yesùt Karìsùt wesigin atì like, hit weak were'ma hisa wesinogo ìlùk, at Karìsùt enat hinetaùken wurigethinapi logogin o.

ABÌKAKAN 2:2

Hit en an hesik hinepe morogo hinomamerogoat hagatì logolìk, it aike weak hagatenem he, Inoba lopok, ìlùk, inasuk watì'lek heraksegesep lek. Nen, it aike Yesùt en laksa wagama negen hagarogo wìrìk ikenem, hit en he, Inapeliak ìlì'lùgì, ìlùk inoabùt enagat palhesebat. Hinoabùt atì'nogo hagatesep atì, an nelu o.

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

MATÌÙT 16:23

Asuk wasikomo, at Yesùt elokwe lagak hogo Peterùt kelakhìlìk mel yogosike: “Hat Ibilit hìgì. Ala a'la akikerek higit hogo ebetì'lek, we apùnì nen akagarek hak ebethìlìk nakwe palhì lagen yì, nelokoma yoma logogùn. Hela lan o,” ìlùk yogosike.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

ÙRÙM 12:9

Hit hinetaùken oba nenat apùnì aike hinetawìrogo logoino o. Weak mene hinapsìrì motok logolìk he, hano mene hineki ning hogo hesogo logoino o.

ÙRÙM 8:7

Apùnì inoabùt inesogat logolìk hagatarek mene a'nogo oba ebetì logolìk, Ala awe a'ma kìlìk ane hologo logousak mea nen hologo welagaikarek lek atì nen, at inom weim palek werek o.

MATÌÙT 26:33

at Peterùt en he, “It obogat herakhagalùk pùgùlha halok he, an enek he, herakhagalùk hese wùlìbigin motok lek o,” ìlùk yogosikomo,

PILIPI 1:16

“At Ala nen Paùlùt ayoko hìkì logolìk he, Apùnì nen hano wene atì eberogoat ìlùk akoagalùk pak hogo yogoisìkì logoino, ìlùk ayoko hesikomo hìkì lago,” ìlùk, enagat hùthanìlìk nebe inetawì nen wene at Karìsùt hesik yogoisìlì'lùgì atì.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

EPESÙT 4:15

Meneat he, ninoabùt inalùgetek inoabùt hakeat wanhì logousak. Apùnì inebe ninetawìrogo logolìk, wene eberogoat enek ìgìk, yì hesik tì hesik hagatì logolìk ninoe Etagepogot Karìsùt etaùken katok hogo wurik logolìk hagatì lagaike hak hagatìk, ìkì logolìk, at oabùt wanhì logousak o.

KALATIA 5:11

Nerùgì nagaiya'lak. An nen, inogat inekalìma mene palharek wene atì hano ìlùk yakùlisìkì logoilema re, noba yì aik tì aik haga'nabì'lùgì atì haga'napì logoilep akegep? Motok lek o. An wene atì wene yakùlisìkì logoilema re, wene Karìsùt ebe e ba menhìlìk wasukwa wene atì yakùlisikenem apùnì inasuk holìk he, inesok helep oba temuk hogo waragarek hak, ina'la pùk arìk wene herakselep legat o.

2 KORÌTÙT 8:8

An nen, “Hit tì'nogo haga'no,” ìlùk, nane keirogo yogohisìgì lek o. We, it Ala againapùrì o Maketonia yoma mene nen ina'la nen kagalogo it mene atogorogo Ala againapùrì aike atì akiluk hogo leberisìlì'lùgì atì hak, hit an hogo re, it atì hinetawìrogo laberisikenem, “Eberogoat it inetawì werek,” ìlùk enagat asuagalùk yogohisìgì atì.

2 KORÌTÙT 6:3

Apùnì aike nen he, “Hit Ala hesik hagatì lagep atì kolo hagatì lagep,” ìlùk ninabok weak palinogo ìlùk he, apùnì aike weak hagasuagalùk ina'la kagalogo yì hake tì hake kolo mene hagatì lago lek.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

1 KORÌTÙT 10:32

Apùnì Ala againapùrì mene mel, nen, it Yahuri mene lek, Yunani mene lek, inetaùken Yesùt oba hìpìrethìgì'lek mene mel, weak asinogo ìlùk hinoabùt higit hogo hagatì logoino o.

1 KORÌTÙT 8:13

Halok he, nekarek mene atì ba nen an nagaiyak ebe weagatheinogo ìlùk he, at hesik he, an wam tùgì hareken ako warek mene kùrìk nìkì'lek motok herakhìkì logogin o.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.

ÙRÙM 7:22

An na'la nen he, “Wene Ala nen ninasuk wasike wene atì hano,” ìlùk akìgìrek meneat he,

ÙRÙM 7:16

An na'la nen walok akìgìrek mene lek. We, nabìt akìgìrek mene hagatì lagì atì re, “Wene Ala nen ninasuk wasike wene atìat hano,” ìlùk u hagat hagatì lagì o.

LAKSASIKE 24:16

Atì'nogo logolìk, na'la nen he, Weak aike hagatì, ìlùk na'la ekin logoinogo ìlùk he, Ala hesik mel, apùnì hesik mel, hano hagatì lagì ìlùk, na'la selek logoigìlùk, nomamerogo hagatì lagì o.

YOHANET 3:20

Nen, it apùnì weak hagarì'lùgì mene inebe lopok ina'la nen akìkì logolìk he, Nit lìa atì ba logoin halok, nit weak hagatorek mene hukalarìk weinam asinogo, ìlùk, akagaresik, an lìa mene yì inapsìrì nen he, noba wagì'lek kamo egarek.

PILIPI 2:16

Atì'nogo hagatì logolìk, yì mene tì mene sùpùrogo wogisùogolùk ìnùgisagarek hak, wene apùnì inebe inelugurinaperek wene atì yogoisìlìk nìkì logoino. Atì'nogo yogoisìkì logogun halok, at Karìsùt wesigin atì sat, an nen, “Mep lagai'-lagak hogo nomamerogoat hagatì lagagi mene atì we tùlemat alemarogo hagatì'lek. We, Karìsùt hesik elok hagarogo hisìgìma,” ìlùk nalong asìgìn atì.