PILEMON 1:9 - Ala Ane Wene Ket Mene Warogo Wo'ninapike Wene

⁹ an Paùlùt yogotak nebe arat yaman agarìk were'ma, Karìsùt Yesùt hesik neki hele warogo hanhama welagì. Atì'nogo logolìk, hat netawìrogo welagìrek atì nen, nane lìok hogo hoba aike kìno yogohesik.

PILEMON 1:9 ပူးပေါင်းရင်းမြစ်များ

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

2 KORÌTÙT 5:20

Nit he, Karìsùt enat, ninayoko hìlìk lakhina wagaikomo wagagusik he, Ala nen wene yogohisa hak, hinasuk watì lago atì. Atì'nogo watì logolìk, “At Ala nen hobuk hinapotkwo lapuk hogo hikoak en he, at hinom lapulini o,” ìlùk Karìsùt etage palogo ninane lìok hogo yogohisìkì lago.

ÙRÙM 12:1

Nerùgì nagaiya'lak. At Ala ninebe etawì ìlùk wene aike hina'la kagalìk. Ala ako waretì lagaukwa hak, hinebe hineluk meneat, at okawerek hesik hisìlìk, at a'la hanorogo wogotì logoino o. At awe a'ma logolìk he, at hesik hagasusak mene atì'nogoat hagatì logoino o.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

1 PETERÙT 2:11

Nerùgì nagaiya'lak. Hinebe netawì e. Hit hinebe ap pok apùnì inaua pùgùlogo lìlìk, atoma logolìk he, yì mene tì mene hina'la nen kagalogo lagai wìrìk, hinetaùken nen nikenem walok akegesep mene atì re, selei mene nen inoatarek atì hak hinebe weagathinabiglìlùk, hina'la nen kagalogo lagai wagarek mene atì heraksìkì logouageip ìlùk yogohisìkì lagi atì o.

IBERANI 13:19

Ìkì logolìk, ebe esin he, an nebe Ala nen heageak hit hinoba napotkwe lakhani wesuagalùk sapan ìkì logouageip ìlùk yogohisìgì atì o.

2 KORÌTÙT 6:1

At Ala nen he, mel isikomo helal waganogo hesukwama werek: “An nen he, hit hinane nasuk holusak akìgì baat holhì o. Hinebe telhinabusak higit obaat lebethisa wagì o,” ìlùk isike atì re, Ala nen ninane asuk holusak he, o yogotak yaat o. Nen, ninebe telninabusak he, o yogotak yaat o, ìlùk hina'la ebe'ni o. Halok he, nit Ala ninom at hesik hagatì logolìk he, at oabùt hano nen etawìthinapikomo, at ebe wanhigip a'nogo, we tùlemat alematùp o, ìlùk hinasuk watì lago atì.

KALATIA 3:26

Hit hinetaùken Karìsùt Yesùt oba hìpìrìk welagep atì nen hinebe obogat he, Ala againapùrì welagep atì.

EPESÙT 6:20

Wene atì yogoisìkì logouagalùk at Karìsùt en nayoko hìlìk lakhani wagaikomo an wìrìk yogoisìkì lagì atì hesik neki hele warogo hanhama welagì. Atì'nogo logolìk, an nayù'lek hogo hano wene atì yogoisìkì logousak higit hogoat yogoisìkì logoik en, sapan ìkì logoinoat o.

1 TIMOTÌÙT 1:12

An alep he, Yesùt abok weak palhìk, ebe na'la meathìlìk Ala againapùrì mene yì aik tì aik hagarinapìk, ìkì lagagi meneat he, ninoe Etagepogot Karìsùt Yesùt etawì'napikesik, “Hat en hobuk an hesik hetaùken lenurogo hagatì logogin,” ìlùk, wene yì an noba hìlìk nayoko hìgìk, omame wo'netìk, isike atì. Atì'nogo weak hagatì lagagi atem sat he, an netaùken ninoe Etagepogot Karìsùt Yesùt oba hìpìrethìgì'lek logolìk, atì'nogo hagasusak lek meneat he, nokot en hagatì lagagi atì nen, at en nebe etawi'napike atì nen, hai watì lagi o.

TITUT 2:2

Ap inalùgetek mene atì, weak hagasuagalùk ina'la kagali waganem, tok wokhagarek hak wokhìgìk, inoabùt he, inoba haro welagìk, inetaùken uan welagìk, inetaùken wurik hogo Ala oba hìpìrethìlìk, apùnì aike inetawìrogo welagìk, yì hesik tì hesik inoba aik hìkì logolìk, inepe morogo welagìk, ìkì logouagalùk inasuk watì logoino.