PILEMON 1:7 - Ala Ane Wene Ket Mene Warogo Wo'ninapike Wene

⁷ Pilemon nagaiyak e. Hat en apùnì Ala againapùrì mene aike obogat hetawìrinapì logolìk he, ina'la hanorinapetek atì nen, an Ala hesik hagatì logouagalùk netaùken ago wathanhì lagenma na'la hai apik hakìkì lagì o.

PILEMON 1:7 ပူးပေါင်းရင်းမြစ်များ

2 KORÌTÙT 7:13

Atì'nogo lakhei wagagimo hagatep atì nen nit nina'la hano aga. Atì hesik nina'la hano agaat. Nen, at Titut hit obogat en ebe wanhesip hano hagatenem, a'la hano aga mene pìlìngìrogo yogonisikenem, nina'la hai motok hakogoat o.

1 TESALONIKA 3:9

Nit ninopase Ala eilhanemat logolìk, hit hesik hai hakiko motok welago atì hesik, Ala hai motok apik watì logolì'mo re, hobuk hai nìkì'nogo wasu heat haga'larì'logo.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

PILEMON 1:20

Ati halok nagaiyak e. Ninoe Etagepogot ninom hutik logolìk an na'la hai hakoagalùk, hat en an lebe'nea hak, at ebe atì hanorogo wanino.

1 TESALONIKA 2:19

Nit en he, “Hano asigin,” ìlùk nina'la hai hakìkì lago atì re, sanìlak hesik nogo. Ninoe Etagepogot Yesùt ebe wìrìk, “Hano hagatep,” ìlùk, at eilhanem enagat hinamo ninalong asigin atì, ero kì ba nen nogo. Ero hùnogo mene hesik hùk. Hit hinebe hesigat ninalong asigin o.

2 YOHANET 1:4

Hit hinebe re, he omakeat mene eagwì hake logolìk, hinebe aike ninopase Ala nen ebe wene ninasuk wasike a'nogo higit hogoat hagatì lagep mene hinoabùt palhìrìk, na'la hai apik hakìkì lagì o.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

1 KORÌTÙT 16:18

It wagaikama re, an na'la hano aga hak, hit hina'la hano asigin o. Halok, it apùnì aike inoabùt it hake mene halok he, hinane agauk hogo yogoisìkì logoino o.