PILEMON 1:6 - Ala Ane Wene Ket Mene Warogo Wo'ninapike Wene

⁶ Nit ninetaùken Ala oba hìpìrethìlìk, ninerùgì ninagaiya'lak Ala againapùrì aike inom, Karìsùt ninom hutik were'ma, at en yì mene tì mene hano mene wo'nisikenem hùthogorek mene atì, hobuk hùkorogo hùthùogolùk Ala ayoko hìkì lagì.

PILEMON 1:6 ပူးပေါင်းရင်းမြစ်များ

2 PETERÙT 1:8

Hit he, hinoabùt atì mene obogat ese arìk, hobugalep hùkorogo ese arìk logogun atì nen, we tùlemat alemarogo welagì'lek, ninoe Etagepogot Yesùt Karìsùt sekek hogo hinelu asugun o.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

YAKOBÙT 2:17

Ati hak, nit nineki ba nen leberisìgì'lek logolìk, “Ninetaùken Ala oba hìpìrìk welago,” ìlùk, atì nek ogorek halok, warek hake logolìk we tùlemat ogorek o.

YAKOBÙT 2:14

Nerùgì nagaiya'lak. Hit aike nen, “Netaùken Ala ba hìpìrìk welagì o,” ìlùk ìkì logolìgat he, heki ba nen apùnì aike leberisìgì'lek halok he, hane nek, “Netaùken Ala ba hìpìrìk welagì,” ìlùk ìkì lagen atì ba aike haga'lasigin nogo? We, tùlemat ìkì lagen o. Nen, hetaùken enek atì'nogo hìpìrìk logoumo re, atì ba elok telhabigin nogo? Mea o.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

1 KORÌTÙT 14:25

at a'la hinago mene hukalasigin. Hukalaganem he, oabùt isong hogo at ebe soma ìlìk Ala hogoratì logolìk he, mel igin: “Eberogoat Ala hinom welagep o,” ìlùk yogohisegein o.

1 PETERÙT 3:16

hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.

1 PETERÙT 3:1

Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.

PILIPI 4:8

Nerùgì nagaiya'lak. Wene elùgùn oba yì aike yogohisak, Hina'la ebetì logolìk he, hanorogo hagatìk, hogorinabusak mene hagatìk, ìlì'lùgì mene oba ebetì logoino. Atì ebe re, wene eberogoat mene oba ebetìk, hogorasusak mene oba ebetìk, higit hogo hagatarek mene oba ebetìk, inoabùt lopoksek logolìk hagatarek mene oba ebetìk, inoabùt heanerogo hagatarek mene oba ebetìk, inoba lìok usak mene oba ebetìk, ebeto motok logoino.

MATÌÙT 25:16

Lagaikomo re, ap 5.000 nen wanhike mene a'nogo uang atì ba abarogo yì mene tì mene wanhì logolìk, hobuk 5.000 aike inom mangorogo hesike.