PILEMON 1:24 - Ala Ane Wene Ket Mene Warogo Wo'ninapike Wene

²⁴ Nen, an nagaiya'lak Karìsùt hesik hagatì lago mene, Marekùt mel, Arisitarekùt mel, Temat mel, Lukat mel, inebe obogat en hai wathapaat o.

PILEMON 1:24 ပူးပေါင်းရင်းမြစ်များ

KOLOSE 4:14

At Lukat, ebe loktet logolìk ou hagarinaperek mene ninetawì mene a'nogo nen hai wathinapìk, at Temat en hai wathinapìk, egaat o.

KOLOSE 4:10

Arisitarekùt an neperak nineki hele warek welago mene nen hai wathinapìk, Parenapat agaiyak Marekùt a'nogo nen hai wathinapìk, ega o. At Marekùt hesik wene alep yogohisasigi a'nogo hagat, at ebe hinoba waga halok, hanorogo wanino.

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.

LAKSASIKE 12:12

Atì'nogo hùthalùk he, he Maria ap etage Yohanet ìgìk, Marekùt ìgìk, egarek mene atì agosa aua atoma apùnì inebe logolegat atogosukwasik he, sapan ikenem lagaike.

LAKSASIKE 27:2

Atì'nogo inebe at eki ba hesukwama, i so ebe o Ateramìtìùm en wolok wagaukwasik were'ma, apùnì o propinsi Asia i so kikerek obakwe lopok pelaksìlìk wesuogolùk ikenem, ap Arisitarekùt, aua o propinsi Maketonia kota etage Tesalonika mane ninom, i so atì a'la kisugusik wagagu.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

3 YOHANET 1:8

It atì ebe wene Ala ane a'nogo hesik hagarìlùgì atì, nit ninom enat hagasu hak hagatì logouak en, leberisìkì logouogat o.

PILIPI 4:3

Nen, hat nagaiyak aike Ala eyabu neperak hutik motok hagatì lago a'nogo, it hìmì inebe pìre atì leberisanogolùk yogohetì atì. It hìmì atì ho, ap Kelemen a'nogo ho, it he'nakìt an ninom Ala eyabu omakeat hagatì lago mene amanogo ho, hano wene ninomamerogo ninom yogoisìlìk nìkì lago mene ninetage lopok, at Ala arùesika ba nabùlal-habùlal hagarinabigin mene hugì inetage waganogo hikerek a'nogo ba, waganek werek.

PILIPI 2:25

At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

2 KORÌTÙT 8:23

Nen, at Titut atì re, an nagaiyak hit lebethisùogolùk neperak yabu hagatorek mene. Nen, ninagaiya'lak aike at inom wagaika atì re, hano hagatenem it apùnì aike nen inoabùt palharesik Karìsùt hogorarì'lùgì mene, Ala againapùrì nen inayoko hìlìk laksa wagaikama wagaika atì.

LAKSASIKE 13:13

At Paùlùt lak o Papot atoma nen he, i so ba o propinsi Papilia kota etage Perega atoma wagaukwa. Wagaukwasik he, at etage Yohanet ìgìk, Marekùt ìgìk egarek mene a'nogo, it atoma heraksalùk he, hobuk apotkwe o Yerusalem lagaike.

1 PETERÙT 5:13

Hinerùgì hinagaiya'lak Ala againapùrì at en wenaginapike mene o Pabilon yoma welagaikarek mene nen hai wathinapìk, naput Marekùt en hai wathinapìk, aga o.