PILEMON 1:14 - Ala Ane Wene Ket Mene Warogo Wo'ninapike Wene

¹⁴ hat en, “Ì o, hano. Heperak logoino,” ìlùk yogonetì'le'ma, an nen nabusak wene aike usak mea o. We, an na'la walok he, hat at ebe esewerek mene hetaùken nenat inogolùk, lakhei wagì atì o. Mene re, hat ha'la nen, “Nabìt,” akiko kolegat, an nen nane ning hogo yogohesusak he, nabìt o.

PILEMON 1:14 ပူးပေါင်းရင်းမြစ်များ

2 KORÌTÙT 9:7

Apùnì ina'la hai motok hakìkì logolìk it aike hisagarek mene atì, Ala nen inebe etawì welagarek atì nen he, hit hinebe lopok hinagarok hinetawì werek kolek, it aike nen hina'la keirogo kagalhenem hisasak mea o. We, hit hina'la hano logolìk, hinokawerek hina'la nenat kagalogo hisasak o.

2 KORÌTÙT 9:5

Atì'nogo oan atogorogo hìgì'lek logogun halok mea atì nen, an oan wagi'lek logolìk ninagaiya'lak atì tak laksa wesigìlùk ìgì atì. It hinoba wìrìk he, hit an atì hisùogolùk abok isigip mene a'nogo, it en elùgùn warogo atogosi wesuagalùk ina'la kagalogo yogoisìkì lagì. An atì'nogo hagatì lagì atì re, hit hinagarok hinetawì werek kolek it en keirogo hina'la kagalumo hisasak mea. We, hit hinetaùken nenat hisìlìk were'ma hano, ìlùk hagatì lagì atì.

2 KORÌTÙT 8:12

Hit mene lek mene hùk. At he, werek mene hinetaùken oba nen it atì hisogoin halok he, at Ala nen, “Hano haga,” ìlùk akegein.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

1 KORÌTÙT 9:17

An atì'nogo yogoisìlìk nìkì lagì atì, an na'la nen kagalogo yogoisìlìk nìkì logoilema re, neki oko wo'netenem, wanhì logoile o. Mene re, an na'la nen kagalhì'lek were'ma, Ala nen nayoko hìlìk esewerek hanhike atì nen oko lek yogoisìlìk nìgìrek atì.

1 KORÌTÙT 9:7

Ap tentara inogogì kaintek en inagoromì weim yabuagalùk inayoko hikenem, it inokawerek en ineki oko heragasogo aike yaparek nogo? Lek o. Nen it aike nen anggur awì yakhìlìk he, eken ìtenem aike inokawerek nekarek lek nogo? Ì a, at he, it aike inako topa wam apigat hesogo logolìk he, eilak amusu aike inokawerek nekarek lek nogo? Nekaregat o,” ìlùk yogoisìkì lagì.