MATÌÙT 9:8 - Ala Ane Wene Ket Mene Warogo Wo'ninapike Wene

⁸ Atì'nogo hagasikomo re, it apùnì amanogo ineileken hasukwasik inayùk arìk he, “Ala nen apùnì mene nen yì'nogo hagatì logouagalùk menhesikomo atì nayù e,” ìlùk, Ala hogorasukwa.

MATÌÙT 9:8 ပူးပေါင်းရင်းမြစ်များ

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

MATÌÙT 15:31

Atì'nogo hagarìnapikomo re, it apùnì amanogo inane lek mene huak ìgìk, ineki inesok hapelek mene hano agìk, inesok wùt warek mene hano arìk kwe lagìk, ineileken mùm mene hano arìk lagisìgìk, ikenem ineileken hasukwasik he, “Egi! Nit apùnì Isirael mene ninopase Ala nayùk e,” ìlùk, hogorasukwa.

LAKSASIKE 4:21

Atì'nogo yogoisasukwama, ap a'nogo elalin hagasukwa atì hesik, apùnì obogat en Ala hogoratì lagaukwa atì nen, ùkùm nìkì'nogo inoba hou heat haga'lagaikomo re, inasuk enek hobuk warogo wulaksasukwa.

LUKAT 23:47

Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he, “Ap yì eberogoat weak hagatì'le'ma hìgì o,” ìlùk isike.

LUKAT 17:15

Atì'nogo lek agaikomo re, ap amanogo mene aike omakeat enek eileken ogat oba pelakhasike hak he, oumo amanogo arat lek agaikomo nen he, apotkwe sùgùlogo waga logolìk, ane hùkorogoat, Ala hogorarìk wagaike.

MAREKÙT 2:12

Atì'nogo lakhesikomo re, ap a'nogo mel agaikesik he, aremnogoat alit a'nogo helalùk it apùnì amanogo obogat ineilhanem wùlìpike. Atì'nogo hagasikomo, it apùnì amanogo obogat en he, mel isukwa: “Egi! Nayùk e. Nit yoma alebat apùnì aike nen yì'nogo aike hagatenem hogorek lek mene hagate yì nayùk e,” ìlùk Ala hogorasukwa.

KALATIA 1:24

Atì'nogo holhì logolìk, an hesik he, Ala hogoratì lagaukwa.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

LUKAT 13:13

eki sebelho kolek aremnogoat he, he a'nogo aporoak higit agaikomo, melagaikesik he, Ala hogorasike.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

LAKSASIKE 21:20

Yogoisasikomo, Ala hagasike mene atì hogorasukwa. Hogorasukwasik, Paùlùt yogotì logolìk he, “Paùlùt nagaiyak. Apùnì Yahuri mene inebe 1.000 hake nek hùk. Motok apigat inetaùken Yesùt oba hìpìrethagasik werek o. Logolìk he, wene Ala nen ninasuk wasike wene a'nogo it obogat en hesogo logouogolùk inomamerogo hagarì'lùgì atì hat helu akìgì.

MAREKÙT 7:37

Atì'nogo yogoisikenem he, it en apik hogoratì logolìk he, mel ìkì lagaukwa: “At en, yì mene tì mene hano nek hagatì logolìk, apùnì hagarinapenem he, inesako togùm mene huak ìlìk inasuk holhìk, inane lek mene inane hano agìk, ìlì'lùgì atì nayùk e!” ìlùk apik hogorasukwa.

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

MATÌÙT 12:23

Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

MATÌÙT 9:7

Lakhesikomo re, ap a'nogo melarìk aua lagaike.

LUKAT 2:20

Nen, it ap wam konho welagaikarek mene amanogo ineileken halùk hobuk impotkm waga logolìk he, “Wene malaikat en yogonisaga a'nogo higit hogoat haga'lagama nineileken hìgìk, ninasuk holhìk, ogo o,” ìlùk, Ala hogoratìk, hai watìk, ìlik wagaukwa.

LUKAT 17:18

It ap inebe Yahuri mene inapotkwe wagì'lek kamo iko kolegat he, ap inapik mene yì nek he, Ala hogorasigìlùk apotkwe sùgùlogo waga yì,” ìlùk yogoisìlìk he,

LUKAT 18:43

ìlùk yogoto kolek aremnogoat, eileken mùm mene a'nogo hano agaikesik, Yesùt opolik laga logolìk he, Ala hogorarìk lagaike. Nen, it apùnì he'nakìt amanogo Yesùt en hagasike mene atì ineileken hasukwasik he, Ala hogorasukwaat.

2 KORÌTÙT 9:13

Atì'nogo leberisìkì logogun atì ba, it Ala againapùrì o Yurea mene nen he, “It apùnì Korìtùt mene Karìsùt hagasike wene hano wene a'nogo wanhukwasik, Ninoabùt higit hogo hagatì logogun o, ìlùk isukwa higit hogoat hagarì'lùgì. Atì'nogo hagatì logolìk it mene aike inamùkwì agì'lek nit lebe'nisìgìk, it aike obogat leberisìgìk, ega o,” ìlùk hinoabùt enagat palhìlìk Ala hogorasugunat o.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.