MATÌÙT 9:4 - Ala Ane Wene Ket Mene Warogo Wo'ninapike Wene

⁴ Atì'nogo akasukwama, at Yesùt en inoabùt enagat palhikesik he, mel isike: “Hit hina'la nen wene kolo mene ebetì lagep atì nahalok.

MATÌÙT 9:4 ပူးပေါင်းရင်းမြစ်များ

LUKAT 6:8

Atì'nogo ineil wanho kolek, at Yesùt en ina'la akasukwa mene enagat hùrisìlìk he, ap eki hapelek mene a'nogo mei yogosike: “Hebe mela'lùk he, tùlem ya eme o,” ìlùk yogosikomo, ap a'nogo mela'lùk he, tùlem aremnogo melasi lagaikomo re,

MATÌÙT 12:25

at Yesùt en it ina'la akasukwa mene enagat hùrisìlìk he, mel yogoisasike: “Ap kaintek inetagepogot inagoromì inawe a'ma hagisek welagaikarek obakwe lopok, it-it inom hùlìthakìlìk, inom weak logogun halok he, maben asugun o. Nen, apùnì inawì sili lopok omakeat mene mel, ap inebe lopok inagainapùrì mel, inom hùlìthakìlìk inom weak logogun halok, weak asugunat o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

LUKAT 11:17

Atì'nogo ìkì lagaukwama, at Yesùt it ina'la akasukwa mene enagat hùrisìlìk he, mel yogoisasike: “Kaintek inetagepogot inagoromì inawe a'ma hagisek welagaikarek obakwe lopok, it-it inom mìkìlogo hùlìthakìlìk, inom weak logogun halok he, maben asugun o. Nen, ap inebe lopok inagainapùrì inom hùlìthakìlìk inom weak logogun halok he, atì'nogo weak asugunat o.

LAKSASIKE 5:9

Atì'nogo yogosikomo, at Peterùt en he, “Hit hagùn heperagat, wene Yì'nogo hagasuok, ìlùk egesip en ninopase Etagepogot Ala Areagùn oabùt paluogolùk hagatep atì nahalok. Ap hat hagùn ebe warek kweangma sali lagaikasik, hat atì'nogoat wokharek wùlùbuogolùk olilu kwe ba inesok ane wagaika arì,” ìlùk yogosike.

YOHANET 16:19

Ati'nogo isukwama, at Yesùt en, “It yì wene an noba hinok wo'neùogolùk ìlì'lùgì hìgì,” ìlùk enagat hùrisasikesik he, mel yogoisasike: “Nagaiya'lak. Nineki hamùlùgat logopik en he, an nebe hineileken nììgì'lek logogun o. Nen, hineki hamùlùgat aike logopik en hobuk an nebe hineileken neogoin o, ìlùk yogohisìgì atì hesik hit-hit ìkì lagep a?

YOHANET 6:64

Wene atì ba inelugurinaperek meneat he, hit he'nakìt yoma eberogoat ìlùk hinetaùken an noba hìpìrethìgì'lek welagep hìgì,” ìlùk yogoisasike. Atì'nogo yogoisasike atì re, it aike inetaùken at oba hìpìrethìgì'lek mene mel, at aike nen Yesùt ebe wasuagalùk yoko legein mene mel, it atì, atì'nogo hagasugun, ìlùk at emakum enat elu welagaikesi'mo nogo nen he, wene atì'nogo yogoisasike atì.

YOHANET 6:61

Atì'nogo at ebe yogotì'lek isukwa meneat he, at an he, “Wene ìgì a'nogo hesik nagoromì nen ua palogo wene palì'lùgì hìgì,” ìlùk inoabùt enagat palhikesik mel yogoisasike: “Wene yogohisìgì a'nogo nen, At ninabìt, ìlùk kobologo herakhanuogolùk ìkì lagep a?

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

LUKAT 5:22

Atì'nogo akasukwama, at Yesùt en, it ina'la akasukwa mene enagat hùrisìlìk he, “Hit hina'la atì'nogo akìkì lagep atì nenahalok.

MAREKÙT 12:15

at Yesùt en, “Inane lagak hogo yogoneta,” ìlùk inoabùt enagat palhikesik he, mel yogoisasike: “An noabùt paluogolùk egep atì nenahalok. Uang perak yabu ineki omake hesik hagatenem ineki oko wogisagarek a'nogo mene aike neileken hak en he, wani lani o,” ìlùk yogoisasikomo,

MAREKÙT 2:8

Atì'nogo akasukwama, at Yesùt en it ina'la akasukwa mene enagat hùrisìlìk he, mel yogoisasike: “Hit hina'la atì'nogo akìkì lagep atì nenahalok.

LUKAT 7:40

at Yesùt en he, mel yogosike: “Simon. An wene aike yogohesigin,” ìlùk yogosikomo at en he, “Noe. Yogonom o,” ìlùk yogosikomo,