MATÌÙT 9:38 - Ala Ane Wene Ket Mene Warogo Wo'ninapike Wene

³⁸ Atì nen he, ap eyabu Esewerek mene a'naga nen apùnì eken palusak mene aike laksoak en, at ayoko hìkì logoino,” ìlùk yogoisasike.

MATÌÙT 9:38 ပူးပေါင်းရင်းမြစ်များ

2 TESALONIKA 3:1

Nerùgì nagaiya'lak. Wene elùgùn oba aike yì yogohisak. Ninoe Etagepogot ane hepok ukalarìk hit were'ma atoma wagaikomo hano wanhìgip hak, atì'nogoat ukalarìk laganem it aike nen hano wanuagalùk, nit hesik sapan ìkì logoino.

LAKSASIKE 13:2

Logolìk he, ineki aike ba Ala againapùrì inom ninoe Etagepogot awe a'ma kìlìk, sùpùrùk nìkì'lek, at hogorato were'ma, Ala Areagùn nen yogoisìkì logolìk, “Parenapat Saùlùt eperak en an hesik hagatì logouagalùk, inayoko hìgìma atì nen he, it inebe weteberogo an hesik hanino o,” ìlùk yogoisasike.

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

LAKSASIKE 8:4

Atì'nogo hagarinapo kolek, it pùgùlogo lagaukwa mane amanogo o yì awì tì awì laga logolìk he, hano wene a'nogo yogoìilìk pùgùlhukwa.

EPESÙT 4:11

Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.

1 KORÌTÙT 12:28

At Ala nenat he, againapùrì ninobùlù'mo lopok hinìkì logolìk, alebagìk he, nit at ane yogoisìlìk nìkì logouagalùk ninayoko hìgìk, ninopolik he, at ane yogoisìkì logouagalùk it aike inayoko hìgìk, it inopolik he, wene yakùlisìkì logouagalùk it aike inayoko hìgìk, it inopolik he, elalin mene hagatì logouagalùk it aike inayoko hìgìk, it inopolik he, apùnì aike ou mene hagarinapì logouagalùk it aike inayoko hìgìk, nen, yì mene tì mene leberisìkì logouagalùk it aike inayoko hìgìk, inogogì kain metek logouagalùk it aike inayoko hìgìk, apùnì o ya mene ta mene inane inokot mene ba wene ìkì logouagalùk it aike inayoko hìgìk, ninebe lopok atì'nogo ninayoko hesike.

MATÌÙT 9:37

Etawìrinapikesik he, at agoromì ane wanhì lagaukwa mene amanogo mel yogoisasike: “Eken ugu apik werek meneat he, apùnì eken ebe palusak mene inebe hamùlùgat o.

YOHANET 4:35

Nen, hit en ìkì logolìk he, Tugi hìnagan logopik en aike nen halok eken ugu arat palugun, ìlùk egesep meneat he, an nen wene aike yogohisak. Gandum awì yagokwe hineileken lakhani! Eken ugu wurik agasik palusak higirat werek o.