MATÌÙT 9:36 - Ala Ane Wene Ket Mene Warogo Wo'ninapike Wene

³⁶ Atì'nogo hagarinabìk nìkì logolìk he, apùnì apik eileken lagisìlìk he, “Wam topa warn konharek hak, it yoma koninabu mene lek en yùgùnat sak-pak hogo set yagalek nùgì yoma netawì lak e,” ìlùk etawìrinapike.

MATÌÙT 9:36 ပူးပေါင်းရင်းမြစ်များ

MAREKÙT 6:34

Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

MATÌÙT 15:32

Atì'nogo hagasukwasik oba re, at Yesùt en at ane wanhì lagaukwa mene amanogo waisasike. Waisasikomo wagaukwama re, at en he, “Nagoromì yì sanì. It apùnì logolek yoma re, ninom motok logolìk nineki hinagan oba nogo ogosi'mo nogo nen he, inapùrùk motok lek agama nena mene nogoin heat werek atì nen, netawì nen netaùken hiselhe. Sùpùrùk motok nìkì'le'ma atì nen he, ebekwe laganem ya koranga ta koranga lanogo ìlùk, an nen laksasak nabìt hake,” ìlùk yogoisasikomo re,

MATÌÙT 15:24

Atì'nogo yogosukwama, at Yesùt en he, mel yogoisasike: “Ala nen, It apùnì Isirael mene inebe re, wam topa wam nalagarek atì hak werek atì nen, it enek isa lan ìlùk lakhani wagama o,” ìlùk yogoisasike.

IBERANI 5:2

Atì'nogo menhisikenem, it inomame lek mea meneat nogo nen he, it apùnì aike atì'nogoat wene inokot logolìk nong-hong hogo hagatarek atì, hùthìlìk he, inebe inetawìrinabìk it hesik inoba heanerogo elok hagatarek atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

MATÌÙT 10:6

We, apùnì Isirael mene wam topa wam kwe nong agarek hak kwe nong agaikasik werek atì inobakwe isìlìk lano o.

MAREKÙT 8:2

“Nagoromì yì sani. It apùnì logolek yoma ninom nineki hìnagan oba nogo ogosi'mo nogo nen he, inapùrùk motok lek agama, nena mene nogoin heat haga'lagama werek atì nen, netawì nen netaùken hiselhe.