MATÌÙT 9:30 - Ala Ane Wene Ket Mene Warogo Wo'ninapike Wene

³⁰ Atì'nogo yogoisiko kolek aremnogoat ineileken a'nogo hano agaukwa. Hano agaukwama re, at Yesùt ane keirogoat yogoisìkì logolìk he, “An hagathinapì mene yi, apùnì inelu asinogo nen he, aike motok yogoisagùp o,” ìlùk yogoisasike.

MATÌÙT 9:30 ပူးပေါင်းရင်းမြစ်များ

LUKAT 5:14

Lek agaikomo, at Yesùt en he, mel yogosike: “Hat en he, Yesùt en atì'nogo haga'nape, ìlùk he, apùnì aike motok yogoisagùn o. We, ap Ala esewerek mene nen eileken heoak en he, oba lìlìk, mel haga'no. At Musa nen ìkì logolìk, Apùnì inoba hallo arìk, Ala hesik tì'nogo hisasak, ìlùk isike a'nogo higit hogoat, Noba henako hake a'nogo lek arìk hano agì, ìlùk, Ala hesik aike hisikenem hùtheoak en he, aike hisa lano,” ìlùk asuk warogo lakhesike.

MATÌÙT 8:4

Hano agaikomo re, at Yesùt en he, mel yogosike: “Hat en he, Yesùt en tì'nogo haga'nape, ìlùk, apùnì aike motok yogoisagùn o. We, ap Ala esewerek mene nen eileken heoak en oba lìlìk mel haga'no o. At Musa nen, ìkì logolìk he, Apùnì inoba hano arìk, Ala hesik tì'nogo hisasak o, ìlùk isike higit hogoat hisikenem hùtheoak en he, aike hisa lano o,” ìlùk yogosike.

LUKAT 8:56

Atì'nogo yogoisasikomo, at helekerek a'nogo opase agosa nen he, “Nayùk e!” ìlùk, hogorasukwa meneat he, at Yesùt en he, mel yogoisasike: “Hagatenem hineileken neegep mene atì, apùnì aike motok yogoisagùp o,” ìlùk, inasuk wasike.

MAREKÙT 5:43

Atì'nogo hogorasukwa meneat he, at Yesùt en he, mel yogoisasike: “An hagatenem hineileken neegep mene atì, apùnì aike motok yogoisagùp o,” ìlùk inasuk wasikesik he: “Hele arì apùrùk aike noak en wogo, ni o,” ìlùk yogoisasike.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 12:16

“An nen hagathinapì yì re, nabok apùnì aike motok yogoisagùp o,” ìlùk inasuk warogo yogoisasike.

MAREKÙT 1:43

Hano agaikomo re, at Yesùt en ebe lakheigìlùk ane keirogo asuk watì logolìk,

MAREKÙT 3:12

Atì'nogo yogosukwa meneat he, at Yesùt en mel isike: “At Ala aput, ìlùk nabok yogoisasak motok lek o,” ìlùk ane keirogo wenagisasike.