MATÌÙT 9:27 - Ala Ane Wene Ket Mene Warogo Wo'ninapike Wene

²⁷ At Yesùt o atoma nen laganem ap inebe pìre ineileken mùm mene opolik laga logolìk inane hùkorogo mel yogosukwa: “Ap Taùt en tagokwe mene noe a! Hetawì'ninabin o,” ìlùk yogosukwa.

MATÌÙT 9:27 ပူးပေါင်းရင်းမြစ်များ

MATÌÙT 15:22

Lagai waganem he, he aike o Kana'an atoma awìwerek mene Yesùt oba wagaikesik ane hùkorogo mel yogosike: “Taùt en tagokwe mene noe. An neak helekerek mene mokareke oabùt weak mene a'la kikesik weak werek. Halok he, hetawì nean o,” ìlùk yogosike meneat he,

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 17:15

“Noe. An naput yì hetawìrasin o. Eil hùrùk hìkì logolìk, ebe wa'lagìk, eluk agìk, hagatì logolìk, ninhùp-nanhùbat etumo kìgìk, i lagìk, ìkì logolìk weak motok welagarek atì nen he,

YOHANET 7:42

Apùnì telninabigin mene Ala nen lakhei wesigin isike mene atì re, ap Taùt en tagokwe mene, at Taùt okawerek awì eroma welagaike ba, o Pe'lehem atoma ta'lasigin, ìlùk Ala ane ba helal waganogo hesukwama werek a'nogo lek?”

LUKAT 7:21

Atì'nogo yogosi wagaukwasik werek kolek atem sat he, at Yesùt en he, apùnì ou weak mene inom, heinet apik watì lagaukwa mene inom, hano hagarinapìk, mokareke oabùt weak mene ina'la kisikesik were'ma henogo wulaksìgìk, ineileken mùm mene hano asuagalùk hekenogo hagarinapìk, ìkì lagaikesik,

MAREKÙT 11:10

Hageat ninopa Taùt awe a'ma welagaukwa hak, Ala nen ninoe yì awe a'ma hinìlìk hano'ninabuak o. Ala esin pogot oba welagarek mene, nopase wa!” u hak, “Hosana!” ìlùk a'mit sup hogo ìlìk ìlìk,

MAREKÙT 9:22

At mokareke oabùt weak mene atì nen, yekerek yì ebe wasigìlùk he, etumo kelapìk, ima pelapìk, ninhùp-nanhùbat walhiko welagarek o. Mene re, hat en elok hagasusak halok he, hetawì arìk ou arì haga'nisan o,” ìlùk yogosike.

MATÌÙT 21:9

Atì'nogo hìlìk laga logolìk he, at Yesùt ebe tùlemethìlìk, it aike ebalep agìk, it aike opolik agìk, laga logolìk he, inane hùkorogo mel ìlì k lagaukwa: “Taùt tagokwe mene, noe wa! wa! wa!” ìlùk u hùk, “Hosana! Ninopase Etagepogot Ala nen lakhagei wagama wagen yì, at enat hanothabuak o. Ala esin pogot oba welagarek mene nopase wa!” u hak, “Hosana!” ìlùk a'mìt sup hogo ìlìk ìlìk, o Yerusalem kisukwa.

MATÌÙT 1:1

At Yesùt Karìsùt Aberaham en, Taùt en, tagomakwe a'nogo apu opalak ero ba nen taginabìk wagaukwa mene inetage yì o.

MATÌÙT 21:15

Atì'nogo hagarinapikomo re, it ap Ala esewerek mene inogogi kaintek amanogo mel, Ala ane helal waganek esewerek mene amanogo mel, inom en he, Yesùt en hagasusak lek mene elalinat hagatenem ineileken hìgìk, nen, yekerùgì magatek mene nen, “Noe wa!” ìlùk u hak, “Hosana! Taùt tagokwe mene noe,” ìlùk Ala awì wùrì'mo inane hùkorogo Yesùt eloko wanhenem inasuk holhìk, isukwasik ina'mage nen

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

LUKAT 20:41

Atì'nogo kamo isukwa meneat he, at Yesùt en it mel rogoisasike: “Karìsùt Ala nen ayoko hìlìk lakhei wesigin isike a'nogo, ebe Taùt en tagokwe mene o, ìlùk ìlì'lùgì atì, nìkì'nogo halok ìlì'lùgì akegep.

LUKAT 17:13

“Yesùt noe e! Hetawì nisan o,” ìlùk inane hùkorogo isukwa.

ÙRÙM 1:3

Wene helal waganogo hesukwa atì, ebe re, Ala aput ninoe Etagepogot Yesùt Karìsùt hesigat o. Apùnì ta'lagaikarek hak he, ebe Taùt en tagokwe mene nen ta'lagaike. Meneat he, ebe wa'lagaikesi'mo nen, Ala Areagùn omame ba eluguthesike atì ba, Ala apurat o, ìlùk enagat agaike atì.

MATÌÙT 9:28

Atì'nogo yogosukwama, at Yesùt ebe ouma kìlìk were'ma, it ap inebe pìre ineileken weak mene aremnogo oba kisukwa. Kisukwama re, at Yesùt en, mel yogoisasike: “Hit hina'la re, At en elok haga'ninabusak, ìlùk akìkì lagep a?” ìlùk yogoisasikomo re, it en he, “Ì o. Ninoe. Elogat haga'ninabusak akìkì lago,” ìlùk yogosukwa.

MATÌÙT 20:29

Yesùt inom atì'nogo hagarìk lagaukwasik he, o Yeriko nen wùlùpenem he, apùnì motok apik opolik lop hutik lagaukwa.