MATÌÙT 9:2 - Ala Ane Wene Ket Mene Warogo Wo'ninapike Wene

² ap aike eki esok motok wùt warek welagaike mene e talek oba weitek werek kolek yerogo wolok oba wagaukwama, at Yesùt en he, “It atì inetaùken an noba hìpìrethagasik en wolok wagaika hìgì,” ìlùk, eileken enagat isìlìk he, ap eki esok wùt warek mene a'nogo mel yogosike: “Naput e. Ha'la hai hakan. Hat weak hagatì lagen mene re, an nen sagalogo legetsìgì o,” ìlùk, yogosike.

MATÌÙT 9:2 ပူးပေါင်းရင်းမြစ်များ

MATÌÙT 9:22

Eki hakasikomo re, at Yesùt en elokwe hebek hogo eileken apotma kelakhìlìk he, mel yogosike: “Na'logo e! Ha'la hai hakan o. Hetaùken noba hìpìrethegen atì nen hano agen o,” ìlùk, iko kolek aremnogoat he, he a'nogo arat hano agaike.

YAKOBÙT 2:18

It aike nen atì'nogo ikenem, mel usak: “Hat en he, Netaùken Ala oba hìpìrìk welagì ìkì lagen atì. Nen, an nen he, neki ba nen leberisìkì lagì atì. Halok he, hat heki nen leberisìgì'lek logolìk, Netaùken enek Ala ba hìpìrìk welagì, ìlùk ìkì lagen atì ebe kì. Ìnù'nean ta. An enek he, Netaùken Ala ba hìpìrìk welagì, ìlùk, neki ba nen leberisìkì lagì mene enagat werek atì, inùkheegeinat o,” ìlùk yogoisasak atì.

LAKSASIKE 19:12

Hagarinapenem he, su at Paùlùt amùkùt tetùkwe mene he a, asu ebe mene elokoken weak asinogo ìlùk etakwe labetì lagaike mene he a, apùnì nen wolok, it ou wanhì lagaukwa mene inoba hei laganem he, on hano agìk, mokareke inoabùt weak mene ina'la kìlìk welagaike mene henogo wùlìpìk, ìkì lagaike.

YOHANET 21:5

Atì'nogo hùthìgì'lek were'ma, at Yesùt en mel yogoisasike: “Ap sanì. Nagoromì. Ikan aike wanhep a?” ìlùk yogoisasikomo, it en he, “Motok lek o,” ìlùk yogosukwama,

MATÌÙT 8:10

at Yesùt asuk holhikesik he, apùnì at opolik lagaukwa mene amanogo mel yogoisasike: “Egi! Ap yì etaùken noba eberogoat hìpìrethike atì hake, it apùnì Isirael mene aike inetaùken atì'nogo hìpìrethikenem isìgìrek lek mene nayùk e, ìlùk eberogoat yogohisìgì o.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

ÙRÙM 5:11

Mene re, atì nek hùk. Ninoe Etagepogot Yesùt Karìsùt hagasike atì ba, Ala ninom hobuk ninapotkwe hùnogo hinasikomo ninom hano welago atì nen he, nina'la hai hakìkì lago.

LAKSASIKE 14:9

Hùrek logolìk Paùlùt en wene yogoisikenem asuk hologo were'ma, at Paùlùt en eileken oba lùrogo hìkì logolìk, a'la nen he, “Ap arì a'la nen he, Eberogoat haga'nabigin, ìlùk akikesik werek hìgì,” ìlùk a'la akasike.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

MATÌÙT 9:6

Ekin meneat he, an abat ta'lasi wagagi atì, kweangma yoma logolìk apùnì yì weak tì weak hagatarek mene an nenat sagalogo legetsìkì logouagalùk Ala nen esewerek hanhike atì hùthanuageip,” ìlùk he, ap eki esok wùt warek mene a'nogo mel yogosike: “Hebe melarìk he, halit talogo nogo ìkì lagen mene arì helaluk haua lan o,” ìlùk lakhesike.

MATÌÙT 8:16

Atì'nogo hagato kolek, o arat hìmaganekokwe agaikomo re, apùnì mokareke inoabùt weak mene ina'la kìlì'mo welagaukwa mene wogisek Yesùt oba wagaukwama re, at ane omake hesigat mokareke inoabùt weak mene ina'la kìlìk were'ma henogo wulaksìgìk, ou weak mene aike hagarinapìk, isike.

YOHANET 2:25

Apùnì ina'la at elu motok welagarek atì nen he, apùnì aike nen, “It aike inoabùt yìgìnìk,” ìlùk, at yogosusak motok mea o.

MAREKÙT 5:34

Yogosikomo, at Yesùt en he, mel yogosike: “Na'logo e. Hetaùken noba hìpìrethegen atì nen hano agen o. Halok he, ha'la hanorogo lan o,” ìlùk lakhesike.

MAREKÙT 1:32

Atì'nogo leberisiko were'ma, himaganekokwe mo kopok hogo lagaikesi'mo nen, it apùnì nen he, it aike ou wanhì lagaukwa mene inom, mokareke inoabùt weak mene ina'la kìlìk welagaukwa mene inom, wogisek Yesùt oba wagaukwa.

MATÌÙT 6:12

Apùnì nen nit weaga'ninapa mene, nit en sagalogo legetsogo atì hak, nit weak hagato mene hat en sagalogo legetsano o.

MATÌÙT 9:5

An nen ap yì wene yogosusak he, se hake kì akegep. Hat weak hagatì lagen mene atì arat sagalogo legetsìgì, ìlùk yogotì atì se hake mene yogotì akegep a? Ì a, at he, Hebe melarìk lan o, ìlùk yogosusak se hake akegep a. Lek o. Hebe melarìk lan, ìlùk yogosumo ekinat o.

MATÌÙT 14:27

Atì'nogo ikenem aremnogoat at Yesùt en he, “Nagoromì, hinagùt a'ma. An nebeat waga lagì. Halok, hinayùk agùp o,” ìlùk yogoisasikomo re,

MAREKÙT 10:49

at Yesùt ebe melagaikesik he, apùnì amanogo mel yogoisasike: “Wesuak en wae'ni o,” ìlùk yogoisasikomo, it en he, waeti logolìk he, mel isukwa: “Yesùt en waherì'logo atì re, ha'la hai hìlìk melame o,” ìlùk yogosukwa.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.