MATÌÙT 9:18 - Ala Ane Wene Ket Mene Warogo Wo'ninapike Wene

¹⁸ Atì'nogo yogoisikenem, ap aike o apùnì Yahurì mene sapan egarek oba esewerek logolìk kain welagaike mene atì Yesùt oba wagaikesik, eitep awì yakhìlìk mel yogosike: “An na'logo ket yaat wa'lagama meneat he, hat en heki haka lamo re, eluk arìk se asigin o, ìlùk hayoko wagì,” ìlùk yogosike.

MATÌÙT 9:18 ပူးပေါင်းရင်းမြစ်များ

MATÌÙT 8:2

Laganem he, ap aike oumo henako hake inayùk mene oba welagaike mene oba wagaikesik he, eitep awì yakhìlìk, mel yogosike: “Yesùt noe. Hat en hano haga'nabigin akegen halok he, elok hano haga'nabusagat o,” ìlùk yogosike.

LUKAT 13:14

Atì'nogo hagasikomo re, ap aike sapan egarek oba atoma inoe kain welagaike mene atì nen mel isike: “Yesùt atì nineki sabìt oba Ala hesik welegat werek kolek, he atì ou hagate atì nahalok,” ìlùk a'mage nen he, apùnì apik amanogo mel yogoisasike: “Yì hagatìk, tì hagatìk, ìkì logousak atì re, ineki paigoak Oba atì baat hagatì logousak o. Halok he, hineki atì baat ou hinoba mene hagathinabuagalùk waga logoino. Mene re, Ala hesik welegat logolìk wesusak lek o,” ìlùk atì'nogo yogoisasikomo,

YOHANET 11:32

Wago kolek, he Maria a'nogo eileken Yesùt ebe lakhìlìk he, oba lagaikesik eitep awì yagasogo awe a'ma soma isikesik he, mel yogosike: “Noe. Hat yoma wìrìk logoilenma re, an nenei wa'laga atì, wa'la'lep lek akìgì o,” ìlùk yogosikesik le aganem,

MATÌÙT 9:24

mel yogoisasike: “Helekerek atì wa'lagì'lek. We, nogo ìlì'logo. Halok he, wùlìbi lani o,” ìlùk yogoisasike mene re, it apùnì apik amanogo nen he, agato apik agaukwa.

LAKSASIKE 13:15

Hù'lagaukwasik were'ma re, it apùnì atoma mene nen, wene Ala nen ninasuk wasike wene a'nogo etage salhìk, wene it ap Ala ane yogoisìkì lagaukwa mene nen helal wanhukwa mene etage salhìk, isukwasik he, inogogì kaintek en Paùlùt lak yogoisìkì logolìk: “Nagaiya'lak. Apùnì yoma inetatùken wurik asuak en he, hit en wene aike werek halok he, yogonisoageip ìlùk hinayoko hogo o,” ìlùk isukwama,

YOHANET 11:25

at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.

LUKAT 18:18

Atì'nogo yogoisìkì lagaikomo re, it ap Yahuri mene inoe kain aike nen Yesùt mel yogosike: “Noe. Wene yakùlnisìkì lagen atì, hat hano o. An nabùlal-habùlal ese asik en, an noabùt nìkì'nogo hagatì logousak,” ìlùk yogosikomo,

LUKAT 7:2

At ki wagaikomo atoma ap tentara mene inoe kain aike atitigeke aike etaùken hutik mene oba ou motok weak en he, walasusak negen welagaike.

MATÌÙT 28:17

Lagasukwasik were'ma at Yesùt ebe ineileken hasukwasik he, hai warogo ineitep awì yagasogo hogorato kolek meneat he, it he'nakìt aike nek he, “At ebeat he a? Mel he a,” ìlùk akasukwa.

MATÌÙT 17:14

Atì'nogo haga'lùk he, apùnì apik amanogo inoba pi wagaukwama re, ap aike Yesùt oba wagaikesik he, awe a'ma eitep awì yagasogo hai watì logolìk he, mel yogosike:

MATÌÙT 15:25

Atì'nogo yogoisasikomo werek kolek, at he a'nogo Yesùt oba wagaikesik he, eitep awì yagasogo hai watì logolìk he, mel yogosike: “Eigo! Noe. Hano haga'ne'nok a,” ìlùk ane elageik ane yogosikomo,

MATÌÙT 14:33

Palagaikomo re, it so a'la welagaukwa mene amanogo nen Yesùt hogoratì logolìk he, “Hat eberogoat Ala aput heogo o,” ìlùk yogosukwa.

MATÌÙT 20:20

At Yesùt en atì'nogo yogoisasikesik were'ma, at Sepeteùt agwe nen eagwì wogisek Yesùt oba wagaikesik eitep awì yagasogo hai watì logolìk he, “Nit aike kìno yogohesuogolùk hoba wago,” ìlùk yogosukwama

MATÌÙT 8:25

Nogo ikenem, agoromì era'lu wìrìk eluguthìkì logolìk he, mel yogosukwa: “Yesùt. Nit i logoin yoma re, telninabumo re,” ìlùk yogosukwa.

MATÌÙT 9:17

Atì hake, apùnì nen anggur eken herelogo amusu ket mene isoak wam ogat mene hageat hagarek mene a'la hinatarek lek. Atì'nogo hinato halok he, isoak atì yekalaga logolìk he, anggur eken amusu atì kesalogo alema'lagìk, isoak atì halok hago alema'lagìk, inogo. Atì'nogo inogo ìlùk he, anggur eken amusu ket mene halok he, isoak ket hano hagarek mene halogat a'la hinasusak o. Atì'nogo hinasumo re, pìreat hano logousak,” ìlùk, yogoisasike.

MATÌÙT 9:19

Atì'nogo yogosikomo re, at Yesùt ebe mel, ap a'nogo mel, it ap Yesùt ane wanhì lagaukwa mene amanogo mel, inom obogat lagaukwa.

LAKSASIKE 28:8

O at were'ma atoma, at opase oba agaken agaikesik, a'ma horok laga logolìk he, weitek motok welagaike. Weitegat were'ma, at Paùlùt oba kisikesik he, eki hakìlìk, Ala ayoko hesikomo, oba hano agaike.