MATÌÙT 9:11 - Ala Ane Wene Ket Mene Warogo Wo'ninapike Wene

¹¹ Atì'nogo niko were'ma, it ap Parìsi mene nen ineileken kelagisìlìk he, it ap Yesùt ane wanhì lagaukwa mene amanogo mel yogoisasukwa: “Hit hinoe wene yakùlhisìlì'logo mene arì, it ap uang pemerìntah hesik kìno ìlìk wanharek mene inom, it aike weak hagarìk negarek mene inom, sùpùrùk omakìma nìlì'lùgì yì nahalok,” ìlùk yogoisasukwa.

MATÌÙT 9:11 ပူးပေါင်းရင်းမြစ်များ

MATÌÙT 11:19

Mene re, an abat ta'lasi wagagi a'nogo re, sflpimik mel, anggur eken amusu mel nìlìk wagagisi'mo re, apùnì nen nabok ìkì logolìk, Sùpùrùk mel, anggur eken amusu mel, apelalok weak nìlì'logo yì, ap pemerìntah hesik uang kìno ìlìk wanharek mene inom, weak hagarìk negarek mene inom, inom hùnethakìlìk niko yì hani! ìlùk ìlì'lùgì atì re, Ala etaùken kagauk hogo hagaterak atì nen he, hanoratenem ineileken hìlìk, Higit, ìlùk hùthogoinat o,” ìlùk yogoisasike.

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.

MAREKÙT 2:16

Atì'nogo niko were'ma, it ap Parisi Ala ane helal waganek inelu mene aike nen ineileken kelagisasukwa. It aike weak hagatì lagaukwa mene mel, it ap uang pemerintah hesik kìno ìlìk wanhì lagaukwa mene mel, Yesùt inom sùpùrùk nikenem ineileken kelagisìlìk, it ap Yesùt agoromì ane wanhì lagaukwa mene amanogo mel yogoisasukwa: “At Yesùt ap uang pemerintah hesik kìno ìlìk wanharek mene mel, it aike weak hagatarek mene mel, inom omakima sùpùrùk nìlì'lùgì aroma nahalok,” ìlùk yogoisasukwa.

IBERANI 5:2

Atì'nogo menhisikenem, it inomame lek mea meneat nogo nen he, it apùnì aike atì'nogoat wene inokot logolìk nong-hong hogo hagatarek atì, hùthìlìk he, inebe inetawìrinabìk it hesik inoba heanerogo elok hagatarek atì.

KALATIA 2:15

Nit ninebe Yahuri meneat ta'lagagu. It etakwe weak hagatarek mene atì hake ta'lagagu hùk.

LUKAT 19:7

Eperak laganem, it apùnì aike obogat en ineileken lagisìlìk, ua palogo inane ngùlùk-habuk inabok palhì logolìk he, mel isukwa: “Yesùt he, ap weak hagarì'logo mene a'nogo aua eperak nogo i lùogolùk lìlì'lùgì atì nayùk e!” ìlùk isukwa meneat he,

2 YOHANET 1:10

Apùnì aike nen wene Karìsùt en yakùlnisasike wene lek, we, hunigat wene yakùlhisa waganem, sa nen apùnì inoabùt atìgìnìk mene hai warogo aua wanhenem he, at oabùt weak hagaterek mene atì oabùt helikerek atì nen he, hit en apùnì inoabùt atìgìnìk mene hai warogo hinaua woginabusak motok lek o.

MATÌÙT 5:46

Nen, it apùnì aike nen, hit inetawìthinaparek mene atì nek hit en hinetawìrinapì lagep halok he, Ala nen oko wokhisegein nogo? Lek o. Atì hak he, it ap pemerìntah mene hesik uang kìno ìlìk atogotarek mene nen inoabùt atì'nogoat hagatarek o.

MATÌÙT 9:10

Lagaikesik, at aua Yesùt eperak kìlìk sùpùrùk nùogolùk hùrek were'ma re, it ap uang pemerìntah hesik kìno ìlìk wanhì lagaukwa mene aike mel, it aike weak hagarìk nìkì lagaukwa mene mel, logolegat ki wagaukwasik, at Yesùt ebe inom, agoromì ane wanhì lagaukwa mene amanogo inomat omakìma hù'larìk sùpùrùk nìkì lagaukwa.

LAKSASIKE 11:3

Wenagatì logolìk he, “Hat hebe it apùnì inogat inekalìma mene pale'lek mene inoba lagatìk he, sùpùrùk hinom omakìma nìkì lagasip wagen atì nahalok,” ìlùk wenagasukwa.