MATÌÙT 8:5 - Ala Ane Wene Ket Mene Warogo Wo'ninapike Wene

⁵ Atì'nogo yogo'lùk he, o Kaperenagùm kikenem he, ap tentara mene inoe kain aike Yesùt oba wagaikesik he, mel yogosike:

MATÌÙT 8:5 ပူးပေါင်းရင်းမြစ်များ

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

LAKSASIKE 27:43

Atì'nogo inoasuogolùk isukwa meneat he, it inoe kain a'nogo nen Paùlùt teligìlùk he, “Atì'nogo hagasusak lek o,” ìlùk wene palhike. Wene palhikesik he, “Kume hinelu mene tak pok harogo ima pìlìk i aik oba wùlìbi lani o.

LAKSASIKE 27:31

Ima pelakhesukwama, at Paùlùt en he, ap tentara mene inoe kain a'nogo mel, agoromì amanogo mel, yogoisìkì logolìk he, “It ap yoma i so hùko yì ba logogun lek halok he, hit hinebe obogat telogoin lek hìgì,” ìlùk yogoisasike.

LAKSASIKE 23:17

Hùsipi yogosi kisikomo, at Paùlùt an ap tentara mene kain aike ebe waerìk he, mel yogosike: “Noe. Ap elege yì nen, hinoe kain a'nogo wene aike yogosusak werek o. Halok, hat an at oba wolok lan o,” ìlùk yogosike.

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

LAKSASIKE 27:13

Nit atoma were'ma, sogoi i laut higit en erogat hunha Wagaikomo, it ap yabu so ba hagatì lagaukwa mene nen he, “Nit lùogolùk ago a'nogo arat lasak haga'laga,” ìlùk i so ago telik mene henogo wolok he, i ekenma etage Kereta era'lukwe wagagu.

LAKSASIKE 23:23

Atì'nogo hagasikesik, ap tentara esa logolhì lagaukwa mene inoe kain a'nogo nen he, ap kaintek at awe a'ma welagaukwa mene inebe pìre waisasikesik he, mel yogoisasike: “Hit en ap tentara mene inebe 200 mel, wam kuda oba inebe hùrek logolìk weim yaparek mene inebe 70 mel, sike sìge ba inoatarek mene inebe 200 mel, inom logolegat atogorinabìk he, yogotak hùako jam 9 o Kaisarea loageip en ìlùk weteberogo hisano.

LAKSASIKE 22:25

Atì'nogo yogoisasikomo, it en ebe tùgì wasuogolùk hele warogo hesukwama, at Paùlùt en he, ap tentara mene kain aike atoma metek were'ma mel yogosike: “Hit en, ap aike o Ùrùm awìwerek meneat he, ùkùm oba hìgì'le'ma tùgì tak wasusak nogo?” ìlùk yogosike.

MAREKÙT 15:39

Yesùt atì'nogo wa'laganem he, it ap tentara mene inoe kain mene Yesùt elokoma higit hogo logolìk, atì'nogo wa'laganem eileken hasikesik he, mel yogoisasike: “Ap yì eberogoat Ala aput hìgì o,” ìlùk yogoisasike.

MAREKÙT 2:1

At Yesùt eki hamùlùgat o atoma welagaikesik he, hobuk o Kaperenagùm ki wagaike. Ki wagaikesik, ouma kisikomore, apùnì nen he: “At ebe ouma werek o,” ìlùk ikenem inasuk holhukwa.

MATÌÙT 9:1

Atì'nogo yogosukwama re, at Yesùt so a'la kìlìk, warogo re, i aik ìlì bakwe wùlìpikesik o kota at aua lagaike hak he,

MATÌÙT 11:23

Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o. Apùnì nen hagasusak lek mene an nen elalinat hit ninom logolìk hagatì lagì a'nogo, o Sorom amma hagatì logoilema re, it atoma inebe lek agì'lek yogotak ya mobok hutigat logoilep o.

LAKSASIKE 9:38

Atì'nogo hei lagasukwasik werek kolek, o Yope atoma nen, o Lìra atì horogatma re, it apùnì aike nen, “Peterùt ebe o Lìra wagasik werek o,” ìlùk ikenem, it apùnì Yesùt ane wanhukwa mene amanogo inasuk holhukwasik he, it ap inebe pìre Peterùt ayoko loagalùk, mel yogoisasukwa: “Hit lìlìk he, Peterùt mel yogo'no: Halakwe abìrogo welagì'lek ninom hepok luok o, ìlùk yogo'no,” ìlùk lìaksa wagaukwama lagai wagaukwasik, yogosukwama, at Peterùt en he,