MATÌÙT 8:32 - Ala Ane Wene Ket Mene Warogo Wo'ninapike Wene

³² Atì'nogo yogosukwama re, at Yesùt en he, “Halok he, lani o,” ìlùk yogoisasike. Yogoisasikomo, it mokareke inoabùt weak mene ap aremnogo ina'lakwe nen honogo wùlìbi lìlìk he, wam apik inamisang wanhì lagaukwa amanogo ina'la kalasi lagaukwama, wam amanogo motok heleleng hogo i kat oba nen lùrogo i yekele'ma kìlìk i motok lagaukwa.

MATÌÙT 8:32 ပူးပေါင်းရင်းမြစ်များ

MAREKÙT 5:13

Atì'nogo yogosukwama, at en he, “Ì o. Lani,” isikomo re, it mokareke inoabùt weak mene amanogo henogo wùlìbi lagaukwasik, wam a'la kalasi lagaukwama re, wam logolek amanogo kat oba atoma nen lùrogo pìlìk he, i yekele'ma i lagaukwa. Wam i lagaukwa atì re, ebe 2.000 hake motok apigat i lagaukwa.

ABÌKAKAN 20:7

Atì'nogo isìgìrìk oba nen, opolik he, o mo lagagìk, pìgìk, iko kolek, 1.000 tahun arat logopik en, elùgùn kopok hogo re, Ibilit eki hele warek a'nogo hele hikalogo lìabi wesigin.

LAKSASIKE 4:28

Mene re, wene atì, hat heki omame werek mene nen, ha'la nen he, Atì'nogo hagasuak, ìlùk akasigin obaat, atì'nogo hagata atì.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LUKAT 8:33

it mokareke inoabùt weak mene amanogo, ap a'nogo a'la nen henogo wùlìbi lagaukwasik, wam amanogo a'la kalasi lagaukwama re, motogat i kat oba nen lùrogo, i hùko yekele'ma pìlìk i lagaukwa.

MATÌÙT 8:31

Wanho were'ma, mokareke inoabùt weak mene it ap inebe pìre aremnogo ina'la logolìk he, mel yogosukwa: “Yesùt. Hat he, ninebe wulakhinagalùk halok be, wam apik inamisang wìlì'lùgì a'loma ina'la kalasi lagùkwe re, lakhinan o,” ìlùk inane lìok hogo yogosukwa.

MATÌÙT 8:33

Atì'nogo lagaukwama re, it apùnì wam serogo welagaukwa mene inayùk arìk, “Yì'nogo haga'laga o,” ìlùk yoko o kota humusek lagaukwasik he, it ap inebe pìre aremnogo inabok inomat pìlìngìrogo yogoisasukwa.